انا اقترح عليك انك تروح لبالي ..((.وشف خل بالك في بالي))
وهناك فرق ترى بالي تأخذ العقل وفيها مقومات السياحه من جميع الجوانب ..تبي مثلاً شاطىء ،مرتفعات ،خضره ،جو ممطر .... وكل شيء
على العموم خذ لك لفه على بوابة اندونيسيا وانت بنفسك تبي تحكم ...حياك وسفراً
سعيداً

الميزانيه ويش اخبارها عسى صحتها تمام بعدين قرر وين بس زي ماقال مستر اوول خلي بالك على بالي

السلام عليكم ورحمة الله وبركاته
Mister All
يااهلا بك ,, ومرحباً بك بين اخوانك ,,,
وان شاء الله تستفيد,, وتشاركنا بالجديد ،،،
بخصوص اجازتك أسمع مني ياعزيزي
أنا اقترح ان تقسمها كالتالي
سته أيام جاكارتا
أربعه أيام بالي او الجبل بونشاك
والقرار لك مع ملاحظه التالي:
بالي , بحر , وشاطئ جميل , ورحلات سياحيه ممتعه ( رحلتين كافيه ) حسب المده ... رحله التجديف بالنهر علي القارب المطاطي المنفوخ مع خمسه اشخاص , مغامره لاتنسي , وروعه حقيقيه ..
التكلفه اليوميه لانقل 120 دولار باليوم للفرد .
يغلب الطابع الجماعي الاوروبي .
البونشاك جبل , ومناظر طبيعييه أخاذه , وهدوء وأسترخاء , وجو ممطر, يميل الي البروده .
أسلوب كشتات , تيوس ,, وشوي ,, وفله حجاج ..
التكلفه اليوميه 50 دولار باليوم للفرد تقريبا .
يغلب الطابع الشخصي وأسلوب الاستقلاليه الفرديه (لايوجد رحلات جماعيه) كما في بالي ..
تقبل تحياتي , واجمل أمنياتي , بأجازه سعيده ممتعه ....
DANG DOOT

AlSahab
تسلم والله ما قصرت ... ابشرك قبل شوي جيت والله لو قالي مليون واحد جاكرتا قلت بالي توني جاي من واحد عطاني الفرق بشكل واسع بينهم واخترت بالي
ابو حمد
تسلم على الرد ... وابشرك الميزانيه حلوه
DANG DOOT
ما نبي لا تيوس ولا كشتات ولا شيء ... انا هاج منها هنا ...
يعجبني الطابع الاوربي اكثر ... وخصوصا بالي كلهم خواجات ...
وبيني وبينك ما ودي اشوف وجه سعودي

أنا زرت بالي وجاكرتا ........
وبالي احلى من جاكرتا بكثير ........
.

يعجبني الطابع الاوربي اكثر ... وخصوصا بالي كلهم خواجات ...
0بكيفك
وبيني وبينك ما ودي اشوف وجه سعودي
كلنا زعلانين تكفى

بالي ،،،
وأيام قضيتها في بالي ،،، لم تخطر على بالي
يتضح لي أن وجهتك سياحية ،، فاختصر المسافة والزمن وأذهب إلى بالي
احسب ميزانيتك على 125 دولار يومياً وسوف تتمتع بمختلف ألوان السياحية
كل يوم تختار برنامج بشكل ،،، كل ما عليك ان تتمشى حول فندقك فكل المنطقة سياحية (فندق، محل هدايا، محل صرافة، فندق، محل هدايا، مطعم فاست فوود، فندق ، محل صرافة) وهكذا وسوف تجد العروض السياحية تنهال عليك وما عليك إلا جمعها ودراستها واختيار افضلها ويمكن ان تستشير فندقك بالبرنامج السياحي وأيضا يقوم فندقك بعمل الحجز لك واعطائك خصم خاص، ومن الصباح الباكر ياتي لك فريق البرنامج السياحي لاصطحابك والاستمتاع بالرحلة ،،،
خذ بالي ولا تشاور .....وتذكر شعار ((تذوق وانطلق))

اذا تبي منها القنيط نصيحه والقنيط معروفه نصايحه،،
خلك على جاكرتا احسنلك ومافي مانع من زرقه للجبل يومين لاتكثر وارجع للغاليه،،
هاه وش رايك؟؟

اذا لابد من الا ختيار فبالي وبس والقارودا ما تاخذ الا100 ريال زياده بس لازم تكون الكوبونات من الرياض والهوليدي تعاملهم طيب وبوفيه الافطار الصباح يطلع قيمته للي راعي اكل بس لي ملاحظه ترا هناك للعوده فرق ساعه تقديم +1 عن جاكرتا لا تفوتك العوده وراني بالي موقعه حلو بس انا انصحك بالهوليدي ان كل الموظفين محترمين وعندهم مكتب تاجير سيارات على يسارك لا تنس تروح الى تشوليك اذا تحب الفضيات قريه كلها فضه ومر على نوسا دوا والحد يقه العامه ولا تفوتك شوكلاته اللي في القاليريا وترا في الديره عقود خزفيه عند القاليريا تقدر تكتب اي اسم عزيز عليك على العقد وبتراب الفلوس.........اخوك ابو راكان