نشر في بريطانيا

فندق هيلتون متروبولي

عاشق لندن2

15-08-2022 - 11:20 am

السلام عليكم حبيت اسأل عن فندق هيلتون متروبولي لاني بصراحه لقيت اسعاره ممتازه
وبعدين حبيت اسأل سؤال غبي شوي أقدر أحجز بالانترنت من غير فيزا لاني لما جيت احجز عطوني خيار Bill me later وبصراحه مافهمته
وتكفون لاتخلوني لان هذي اول مره اشارك فيها

التعليقات (9)

ali3000

15-08-2022 - 02:17 pm

بالنسبه للفندق هو جيد انا سكنته قبل 3 سنوات بس حاول اتكون بالابراج الجديده افضل بالنسبه للحجز للاسف ما عندى خلفيه.....

القطري

15-08-2022 - 03:18 pm

وعليكم السلام ورحمة الله وبركاته
هلا وغلا الغالي
الفندق ممتاز ومكانه حلو ..
شهر 5 ألي فات كنت فيه لمدة أسبوع ..
بس إذا حجزت قولهم ابي غرفه في ال west wing لأن هذا القسم امجدد بالكامل والغرف وسيعه فيه ..
وأغلب الحجوزات على النت لازم فيزا ..
انا بس موقع واحد لقيته يعطي خيار في الدفع إذا وصلت ألي هو موقع يوروب كار لتأجير السيارات
وأي خدمه أحنا تحت أمرك الغالي ..

عاشق لندن2

15-08-2022 - 04:19 pm

أخوي ali3000 شاكر على مرورك
وأخوي القطري انشاالله تدخل الجنه من غير حساب
بس احنا ثلاثه وحاجزين غرفه ثلاثيه هل الغرف وسيعه ولا ضيقه

القطري

15-08-2022 - 05:20 pm

إذا كانت الغرفه في القسم الجديد فأضمن انها وسيعه ..
انا سكنت في غرفه لشخصين مع العلم اني كنت بروحي وكانت الغرفه ماشاءالله وسيعه ..

الإمـ بنت ـارات

15-08-2022 - 06:21 pm

ممكن اعرف كم اسعار الغرفة العادية بفندق هيلتون متروبول

عاشق لندن2

15-08-2022 - 07:22 pm

والله ارخص موقع لقيته موقع حجوزات ب74 دينار يعني تقريبا 1000 ريال وعندي واحد بلندن راح سألي الفندق طلع غالي حيل الغرفه الثلاثيه 440 باوند

مزاجي

15-08-2022 - 08:23 pm

الا على فكره شباب للحين يصلون الجمعه في الدور التحتي .

القطري

15-08-2022 - 09:24 pm

عاشق لندن2
هلا الغالي ..
انا حجزته شهر 5 ولمدة 5 ليال في الجناح الجديد وكان السعر 6500 ريال قطري ..يعني حوالي 917 باوند لمدة 5 ليال

naif74

15-08-2022 - 10:25 pm

اخر مرة العام الماضي كانوا يصلون في البيسمنت وهذه السنة ان شاء الله كمان

بريطانيا المسافرون العرب

فندق هيلتون متروبولي