1. بعد شوي طلبنا كفي وحلى

السلام عليكم
اشكر جميع اخواني في بوابة الكويت على ماقدمتموه وعلى مااستفدنا منكم في رحلتنا الرائعة للكويت
ماشاءالله بلد رائع وودود ومتعاون انبسطنا كثير ولله الحمد لكن نصيبي في الفنادق هذي المرة لم يكن جيدا او بالأحرى اختياري
لاني شخص حقيقة اتذوق الفنادق جيدا وهي تشكل لي ثلاثة ارباع الرحلة فأحرص على اختيار افضلها وحتى لو يكون اغلاها في سبيل الشعور بالراحة والمتعة والله لايغيرها علينا من نعمة
اخذت ليلة في فندق مارينا السفير من باب التجربة لأني قرأت حقيقة عن بعض الثناء عليه هنا فقررت تجربته حتى لو حصل فرصة اخرى للذهاب للكويت فلن اضل الطريق واختاره على طول لكن الحمدلله حطيت عليه باللاصق الاحمر نظرا للخدمة التعيسة عندهم والي ماخذين عليها 15 بالمئة ماادري على ايش ههه
في البداية دخلنا الفندق ومن باب اعطاء الحق لاهله اعجبني عندهم انهم ياخذون السيارة منك ويجيبونها لك في كل مرة تطلع وتدخل تكلفتها فقط دينار واحد في اليوم
نجي للسئ فيه دخلت الفندق وعملوا لنا اجراءات سريعة للدخول بدون اصرار او ازعاج منا طبعا
بعد مااستقرينا في الغرفة خمس دقايق بنريح شوي تعال شف الازعاج اول شئ واحد يطق نروح نفتح قال بشيك على الميني بار قلنا احنا نزلاء جدد قال لا ماشيكنا على الي قبلكم وبنشيك الحين طبعا رفضنا وقلنا اذا طلعنا يصير خير
وتونا بنريح ثانية الباب يطق توهم الاخوان بيعبون سلة الفواكة في الغرفة وانا والله كنت مستغرب ان مافيها الا على حبة فواكه ومو انواع بعد ههه طبعا رفضنا ماتسوى دخلتهم الغرفة واحنا فيها عشان يجيبون فاكهة

بعد شوي طلبنا كفي وحلى

وجابوه لنا صراحة درت الفنادق وشفت شلون يقدمون الاكل والله احيانا اطلب بس عشان استمتع بفخامة التقديم والطعم قسم بالله مافيه اي شئ يستاهل صينية صغيرة بدون عربة والحلى الله يكرم النعمة حتى الكابتشينو ماكملته
بعدها طلعنا ونزلنا وخبرناهم عن الازعاج الي حصل وطلعنا ووعدونا يضبطون الغرفة في اثناء خروجنا بعد مارجعنا الغرفة على وضعها
وجينا بنطلع مرة ثانية وبلغناهم جينا لقينا سلة الفاكهة وتحت سلة مية خط ههه بحباتها الاربع ماتغير شئ يعني انواع التطنيش وحتى الشاي عندهم فقط شاي احمر طلبنا اخضر طبعنا لبتن كالمعتاد في الفنادق يتوفر بالمجان قالوا ادفعوا ثلاث دنانير ههه خوش لبتن بثلاث دنانير وبالنسبة للميني بار والله حوموا كبدي ومافتحته اشوف غيروا شئ ولالا ويوم جينا بنسوي تشيك اوت نبهناهم على هالنقطةوالخدمة السيئة وش كان رده طيب كويس احنا ماحسبنا عليكم الناقص بالميني بار ههه ماشاءالله ولا بتحسبونه بعد
والارضيه مااظلمهم بس مااحسها رخام كأنها سيراميك مع ان تجربتي لجميع انواع الفنادق الخمسة والاربعة نجوم دائما موكيت راقي يعني والله احساسي كأني في شقة مفروشة مو فندق خمسة نجوم وب1700 ريال سعودي لليلة الواحدة
بس يالله صارت خيرة درس لي ماارجع له مرة ثانية
هذي تجربتي حبيت اعرضها عليكم لاني الي قريته عنه احسن من كذا فحبيت اوضح الصورة للي تهمهم سالفة الفنادق مثلي
وللعلم هذي تجربة شخص دار فنادق الخليج وشرق اسيا وامريكا واوروبا ولله الحمد يعني اتوقع عندي بعد نظر نوعا ما في هالمسألة