kinghamad
ما انصحك تروحله لان الفندق في طور بناء المساحه الخلفيه له وهو قريب جدا من الفندق ولا تتصور ازعاج اعمال البناء من الصباح حتى فتره الظهيره مع العلم اني كنت مقيم فيه في شهر 6 من 2008

فندق ممتاز ونظامه وايد حلو وراقي بس مثل ماقال الاخ مشاري
فيه عمليات بناء
تقدر تختار هذا الفندق بنفس مستواه
http://https://www.starwoodhotels.com/sheraton/property/overview/index.html?propertyID=5608

مشاري سامي
بس انا امعزم عليه بصراحه بالنت وايد عجبني وانت تنصحني فيه لأن انا ابي شي راقي تنصحن فيه لأن انا بروح الصيف الياي .

هلا بك اخوي
انا حاليا ساكن في الفندق وبصراحة فوق ما توقعت بكثير
نظام شقق فندقية وترتيب حلو
وكل الخدمات اللي تفكر فيها موجودة
فيه نقطة مهمة
اذا حجزت تاكد يكون رقم الشقة من اربع ارقام ولا يكون من ثلاث ارقام
شكل الثلاث ارقام قديمة والاربع جديدة
وبالنسبة للسعر لاحظت الفنادق دايم ينزلون السعر لا قمت تكاسر معهم بالتلفون !!!!
واعذرني انا ما ادخل النت واجد لكن حبيت ارد جزء بسيط من افضال المنتدى علي
بالتوفيق

هلا بك اخوي
انا حاليا ساكن في الفندق وبصراحة فوق ما توقعت بكثير
نظام شقق فندقية وترتيب حلو
وكل الخدمات اللي تفكر فيها موجودة
فيه نقطة مهمة
اذا حجزت تاكد يكون رقم الشقة من اربع ارقام ولا يكون من ثلاث ارقام
شكل الثلاث ارقام قديمة والاربع جديدة
وبالنسبة للسعر لاحظت الفنادق دايم ينزلون السعر لا قمت تكاسر معهم بالتلفون !!!!
واعذرني انا ما ادخل النت واجد لكن حبيت ارد جزء بسيط من افضال المنتدى علي
مشكور على ردك بس عندي استتفسار شنو نوعية الشقق لأن انا اللي ابيه 3 غرف في شقه وحده وبجم الليله ومن وين جحزت اذا عندك ارقام او اي طريقه للحجز ياريت اتفيدني واذا عندك معلوما تبعد عن فندق شيراتون فيستانا فيليج ياريت اتفيدني فيها ومشكور وايد وبإنتظارك .

يلوع الجبد
انا الحين ساكنه فيه
اول يوم سكنت فيه الله لايوريكم حشره الفراش كلت جسمي ولي الحين ست ايام اعالج بمضادات ستيرويد
غيرت الشقه من ثاني يوم وشقله اغراض انا وعيالي
بس نفسيا مو مرتاحه كلش كلشي افتش فيه الفوط الشراشف الكبتات
بصراحه عذاب
نفسيتي زيرو والسبه الفندق الوصخ
لا وتخيلو طلبنا بطانيات لعيالي يابوهم لنا بجيس زباله مكودين ومعفسين جنه عالجهم جلب ونتوا بكرامه ولقينا فيهم كومه شعر اشقر بعد ......... وعو
وخدمه الغرف تعبانه جدا وبطيئه والتنضيف مش ولا بد
بس موقع الفندق ممتاز
على فكره انا سكنت بالاثنين
شيراتون فيستانا فيلا وشيراتون فيستانا ريزورت والاثنين بنفس المستوى من الخدمات والاثنين موقعهم حلو واصلا اهم قراب يم بعض
احس اني قرقت وايد بس من الحره اللي بقلبي

الحين يعني تنصحونا فيهم والا لأ ؟؟
انا حاجزة 4 ليالي بأول يناير بس مادري خوفتوني خصوصا حشرة الفراش
يعني نبي نعرف ؟؟؟

Queen
اختي
انا بصراحه ما انصح فيه
مو عشان حشره الفراش ... لا ... لان حشره الفراش ممكن تلاقينها بارقى الفنادق .... مع ان انا سكنت فنادق اشكال والوان عمري ماشفتها
وانتي اول ماتوصلين قبل لا تفتحين جناطج شيكي عالسرير وثنياته عدل (واذا بتعرفين اكثر عنها شوفي اليوتيوب bed bug)
شوفي الخدمه بطيئه جدا والتنضيف اي كلام
والفوط والشراشف والبطانيات مستهلكه عالاخر
اذا بتحجزين عندهم اخذي بطانياتج وفوطج معاج
انا عن نفسي شريت من هناك بطانيات
اي وبعد اخذي معاج بلاكات للكهربه لان كل شقه مايعطون الا واحد ... انا شريت لان كنت محتاجه اشحن وايد شغلات التلفونات والكامرات والابتوب ..كهربتهم غير عنا احنا بالكويت
من ناحيه الموقع اوكي
معاملتهم زينه ...عموما الشعب الامريكي حبوبين
انا عن نفسي ماراح اكرر التجربه مره ثانيه
كرهت المكان لان نفسيتي تعبت فيه ... ههه تخيلي امس شفت حبوب طالعين بريول بنتي عادين قعدت طول اليوم مغلقه واحاتي لاتكون حشره الفراش وكل ساعه اكشف على جسمها كله واطالع
لان الطفح الجلدي مال حشره الفراش يطلع بالتدريج مو مره وحده
انا باجيلي 3 ايام واطلع من الفندق
بدون رجعه انشالله

هلا ام وهابي
انا سكنت في الليك بيونا فيزتا ريزورت وايد حلو بس بأروح ميامي وبأرجع تالي اورلاندو ان شاء الله كنت حاجزة شيراتون فيزتانا ريزورت بس تكنسل لان غيرت التاريخ
تعتقدين اي واحد اللي سكنتس فيه ريزورت والا فيلج لانهم غير عن بعض اللي سكنت فيه اهو اللي جدام البريميوم اوتلت والا اللي بانترناشيونال درايف