هل هو افضل من قراند حياة
http://jakarta.grand.hyatt.com/hyatt/hotels/index.jsp

أخي العزيز خالد مرتاح
في البداية أحب أن أشكرك على الصور الجميلة.
نعم أخي يعد هذا الفندق أفخم فنادق جاكرتا مع جراند حياة وفندق آخر نسيت اسمه(في طرف جاكرتا)، وصدقني لم أقل هذا الكلام إلا بعد بحث مضني لأشهر. كما أنه اختيار خبيرنا majid.
السعر نار ويمكنك التأكد بالإتصال على مكتب كاها(ابحث عن رقم هاتفه في المنتدى).
أرجو أن أكون قد أفدتك.

شكراً لك
بس وش تنصحني فيه اخوك اول مره يروح
هل جربه احد من الاعضاء

أخي خالد
الفندق لايعلى عليه،إن كنت ممن يحبون الفخامة ولاتهمهم الأسعار فاتكل على الله وخذه، وإلا فتوجد كثير من الفنادق الممتازة (أكيد ليست بمستواه) وبأسعار أرخص كثيرا.
حدد لنا ميزانيتك اليومية للفندق، وإن شاء الله نفيدك

تم الاتصال على مكتب كاها قبل قليل والحمدلله وجدت من يخاطبني بالعربي
فندق قراند حياة غرفة لثلاث اشخاص مع فطور لشخصين 200 دولار
فندقThe Ritz-Carlton غرفة لثلاث اشخاص مع فطور لشخصين 170 دولار
؟؟!!
رخيص ههه

أخوي خالد ..
أنا جربت وسكنت في ريتز كارلتون و جراند حياة و موليا سنيان و نيكو الياباني و .. و ... و ...
لا تهمك الصور .. .. جراند حياة موقعه لايعلى عليه .. لكن غرفه ما أدفع فيها أكثر من 50$ .. وأنا والله أشوف إن غرف فنادق 4 نجوم أفضل منه بكثير مثل أتريوم ..
ما ح تندم على كل دولار دفعته في رتز كارلتون ..
الفندق غالي سعر الغرفه في حدود 180$ .. .. لكن بصراحه يستاهل ..
إن كان عندكم نيه تخربونها وتسكنون في ال Club Levelvb .. غالي جداً .. لكن إسأل مجرب .. والله ماجاني نفس إني أطلع من الغرفه
أنت جرب تسكن في The Ritz-Carlton ليلتين ..
وبعده إسكن في موليا سنيان 130$ ..
وبعدها إسكنوا في شقه 3 غرف في أستون سوديرمان 110$ ..
وأي إستفسار أنا حاضر وبالخدمه ..
أخوكم
ماجد ..

اخي ماجد حاولت مراسلتك على الخاص ولكن لأسف حسابي لايسمح لي بارسال الرسائل
معليش بكلف عليك بس عندي حاب اسألك من واقع تجربتك كم سؤال
اخي ماجد يعني ماتنصحني بفندق قراند حياة ؟؟
وشو Club Levelvb هذا فندق ؟؟ ممكن توضح لي اكثر
حاب تعطيني رأيك بالتفصيل وكم الاسعار بارك الله فيك
فرصة آخذ رأيك
انا حاب تكون اول ايامي بجاكرتا ملكية 100%

1. Noble_Man


2. حياك الله أخوي نوبل . وشاكر لك ثقتك فيني ..

أخوي نوبل حاولت أرسل لك الرساله على الخاص لكن النظام لم يسمح بها .. ممكن يكون صندوق رسائلك مليان
على العموم هذا ردي لك على رسالتك اللي على الخاص ..
وأعذرني لأني ما أدخل النت كثير وما أبي أتأخر بالرد عليك ..

Noble_Man

حياك الله أخوي نوبل . وشاكر لك ثقتك فيني ..

أولاً بالنسبه لجاكرتا أنا أقترح لو يكون فيه شوية تغيير في أول 3 أيام .. يعني لو تسكن في شقق أنا أقترحها عليك وهي " أستون سوديرمان " .. خذ لك فيها شقه ب غرفه واحده سعرها تقريباً 90$ .. ولكنها 5 نجوم ولا تشوف فيها إلا ناس محترمه .. لأن الشقق هذي مكونه من أبراج .. والبرج اللي ح تسكن فيه مكون من 55 دور .. .. إذا جيت تسوي التشيك إن إطلب منهم يسكنونك في شقه بالأدوار الأعلى من 50 .. الشقق رائعه لأنه ملاصق فيها يوجد سوق مستواه ممتاز وبتلقى فيه كل شيء .. صرف و أرقام جوال وشحن و مطاعم و سينما و ... و ... و ... بصراحه كل شيء بالسوق هذا .. وإسمه " سوق سيمانقي " .. وعلى فكره هو أيضا بجانب فندق كراون بلازا .. لكن ملاصق للشقق المذكوره ..
طبعاً في جاكرتا عندك منطقة أنشول هذي راح تلقى فيها كل الأماكن الترفيهيه .. ملاهي و بحر و ... إلخ
الأسواق حاول ماتقرب من منطقة إسمها " سنين " وهي منطقة فندق وسوق الأتريوم وشقق الألسون .. لأنها ماتصلح للعوائل ..
الأسواق الراقيه :
تامان أنقريك .. بلازا إندونيسيا .. موليا سنيان .. بلازا سيمانقي .. شيبوترا مول ..
آآآآآآآآآآآه ايش بعد .. .. ما أدري هذا اللي عندي عن جاكرتا إلى الحين وعلى عجاله لأني في الشغل ..
باندونق ..
عندك الشيراتون كويس .. وأذكر فيه أحد الأخوان كتب عن تجربته مع منتجع في باندونق تمر من خلاله المياه الحاره .. أنا راح أدور لك عنه أو أحد الأخوان لو يساعدني فيه وأكتبه لك إن شاء الله ..
الأماكن في باندونق والطبيعة الخلابه مميزه جداً وعندك منتجع شياتر للمياه الحاره Ciater .. أيضاً عندك شلالات ماربيا Maribaya .. والشباب ماقصروا في المنتدى .. شويتين بحث عن باندونق بتلقى معلومات مهمه ..
بالي ..
عندك منطقة كوتا هذي هي المنطقة الحيويه في بالي .. وأيضاً منطقة نوسا دوا ..
لكن في منطقة كوتا أكثر .. وحاول إنك تكون على البيتش .. " صح فيه مناظر على البحر تخدش الحياء .. لكن على قولتهم ريحة أبوعلي ولا عدمه ..
وعندك فنق الهارد روك .. وراح تلقاه في حدود ال 100 $ .. وأيضاً فندق ميركوري .. وهي جميها في قلب المنطقة الحيويه اللي ذكرتها لك ..
سورابايا ..
والله ماني خبير فيها .. لكن أذكر فيها شقق جداً ممتاز وخاصه للعوائل وهي شقق " جراها راسيدن "
وهذا هو عنوانها
Graha Residen Serviced Apartments
JL. Darmo Harapan 1 Surabaya
East Java Indonesia
Telp: (031) 7329115
وأيضاً عندك فندق الهيلتون ممتاز .. وهو في حدود ال 60 $ ..
وأنت راح تختمها في جاكرتا 3 أيام في الريتز .. وهذا بالذات أنا أبيك لما ترجع تقولي ايش رايك فيه .. ..
وإعذرني على القصور .. لأني والله دخولي للمنتدى قليل بسبب العمل .. لكن أي شيء أقدر عليه للجميع أنا حاظر فيه ومن عيوني ..
أخوك
ماجد ..

خالد مرتاح
بصراحه أنصحك لو كنت في حدود ال 140$ اللي هي قيمة غرفه في جراند حياة أنصحك تسكن في موليا سنيان أفضل وأفخم من جراند حياة ..
جراند حياة مثل ما قلت لك ما فيه إلا الموقع والسمعه ..
الكلوب ليفل .. هذا دور في فندق الريتز كارلتون خاص فقط في اللي يسكنه .. يعني عندك فوق ريسبشن خاص فيك .. روم سيرفس خاص فيك .. مطعم خاص فيك .. الفطور ما تنزل لمطعم الفندق في الأسفل .. لا فطوركم في نفس الفلور .. بلياردو خاصه فيكم .. و.... و.... و.... يعني تحس إنك شخص مهتم فيك من جميع النواحي .. لو تكح في الممر جو عندك يقولون بسم الله عليك .. ..
يعني عنايه خاصه جداً ..
بس سعر الفلور هذا جداً غالي .. تقريباً 250 - 300 $ .. لكن يومين على 3 أشخاص مثل ماتقول أنت .. ماراح تأثر كثير فيكم .. هو إسمها سفريه وتغيير جو والهدف تشوف شيء ما قد شفته من قبل وتعيش 48 ساعه ما شفتها قبل كذا .. ..
وإعذرني على التقصير .. ..
أخوكم
ماجد .. ..