هلا بك اخوي فيصل...بالنسبه لأستفسارك عن فندق اكاسيا بحكم اني
سكنت فيه لمدة اسبوع أشوف انه حليو ومرتب لكن مشكلته انه مليان
عرب وبتشوف مناظر تضيق الصدر من تصرفاتهم...وانت خابر وش المقصود
تحياتي لك اخوي فيصل

حياك الله اخوي فيصل ....
اخوي فيه هذا الموضوع يمكن يفيدك .... هنا وهذا بعد هنا https://artravelers.com
وان شاءالله يفيدنك
ملاحظه اخوي فيصل : انت دائماً مواضيعك بما يخص اندونيسيا تنزلهن في الساحه العامه علشان كذا يمكن تقعد تدور عليهن واحنا نقلناهن هنا .. اي شي تبيه وعلشان سرعة الرد اطرح المواضيع اللي تخص اندونيسيا هنا في هذه الساحة ...
تحياتي لك

مشكور ياخوي ya mas على التوضيح والله مادري لاكن الله يعطيك العافيه على الرد

بصراحة فندق حلو وخدمتهم جدا رايقة أنا سكنت فية تقريبا مدة شهر والفندق جاي في السنتر كل شي قريب منه بس قبل ماتاخذ السكن جلس شناطك عند الريسبشن واطلع للمديره في الدور الأول واطلب فاوتشر حاول انك ماتعطي الريسبشن وجه المديرة راح تعطيك فاوتشر ب700 الف روبية شامل البريك فاست والمسبح وجميع الخدمات على فكرة راح تستفيد من ذا العرض يومين بفلوس ويوم فري بس حاول انك تجلس اطول مدة ,, أول ماتاخذ الفاوتشر من المديرة تقريبا راح تعطيك ظرف مليان فاوتشر كل ثلاثة أيام قدم واحد للريسبشن راح تلاحظ احترامهم لك لأنك جاي من مديرتهم ,, وبرظو العرض هذا فيه انواع منه في شي تسكن في الدور الأخير مع انترنت مجانا بس انه غويلي شوي وبعد فيه لوبي فوق غير اللي تحت خاص وبوفيه مفتوح 24 ساعة خاص بأصحاب العروض الخاصة هاذي.. على فكرة الفندق هذا من أشهر الفنادق في إقامة الحفلات والبرامج التلفزيونية .. ومن حظك إذا كان شهر ميلادك باالميلادي يوافق إقامك في الفندق راح تجيك التهاني والورود من قبل الإدارة وخطاب تهاني باالمناسبة.....
وللك تحياتي,,,,,,,,,,,,,,,,,,

مشكور ياخوي عاشق المندي على الرد الله يعطيك العافيه

مراحب
الصدق ان عاشق المندي كفى ووفى ولا يهون الدكتور ياماس
انا سكنته اكثر من مرة ، والتعامل الجيد من عدمه يعتمد على الموسم والوقت الي رايح فيه ، عموماً الهوتيل جيد والخدمة جيدة ، وانصح بشراء فاوتشر من مكتب باسوباتي بشارع هيام وروكو ..... لكن الي ماله حاجة بوسط البلد يبعد عن السنتر احسن له .... سامحونا

طبعاً يكفي الفندق قيمة أنه المفضل لدى مشرفنا العزيز أول حبيب
أنا ودي أقول رأيي بصراحة بس أخاف يزعل علينا المشرف .
ثلاث نقاط سلبية في هذا الفندق من وجهت نظري
أولا : الموقع شارع سليمبا شارع المظاهرات والزحمة وفيه مبنى كامل محترق جنب الفندق أيام مظاهرات سوهارتو ، وطبعاً وقوعه في السنتر يعتبر من سلبياته وأقرب سوبرماركت من الفندق 15 دقيقة على الأقدام و 30 دقيقة بالتكسي .
ثانيا : الفنادق الراقية في جاكرتا توفر لك خدمة التكاسي يعني تتقاول مع أحد الشركات المختصة لتلبي حاجات زبائنها على مدار الساعة أما فندق أكاسيا أول ما تطلع تلقى الحونشل أصحاب التكاسي القديمة والتي اعتدنا على وجودها في أماكن تواجد العرب "جوندا ، برديدي ، السنترال ، عليا تشاكيني ...إلخ "
ثالثاً : نظام الأمن أو الزقرت في الفندق سيء المصعد ما يطلع إلا إذا وضعت فيه رقم الغرفة وين ساكن في بنك كل هذا حماية ليه ؟؟؟؟؟؟؟؟
طبعاً هذا ما يعني إن الفندق مو حلو لالالالالا بالعكس أفض من السنترال وأقل من تريفا
لا تزعل يا أول وآخر حبيب

أول شي أبدأ بالأخ فيصل - من وجهة نظري الفندق حلو بصراحة وأكشخ من الأتيريوم بالنسبة للغرف طبعا..
آخر شي أرد على مشرفنا سايا قانتنق - بالنسبة للسوبر ماركت تقدر تروح لأتيريوم ب 4000 روبية بالتكاسي ومع الزحمة إن كثرت 5000 بالنسبة لفندق تريفا أنا ما أقولك أنه سئ بالمره لكن أكاسيا أفضل منه ولا تنسى أكاسيا 4 نجوم وتريفا 3 نجوم..
اما من ناحية المصعد ما يصعد الا اذا حطيت كرت الغرفة... بصراحة أشوف انها حلوة وفيها سكيورتي عشان ما تعطي كل من هب ودب يدخل الفندق ويطلع على راحتة... وهذا النظام حطوه بالفندق من كثر المشاكل اللي تصير بأكثر الفنادق من ناحية السرقة وقلة الأمان..
وبالأخير نرجع ونقول كل واحد يقول وجهة نظره ولا يزعل علينا أبو قانتنق
تحياتي ،،، للجميع

ماقصرت ياخو اني الكل يبدي رايه ولا احد يزعل مشكورين مشرفينا على هذه الردود الي هم [] sayagantingتيدا مسأله