حياك الله يا اخوي بالنسبه لقرب المسافه فما راح تلقى اقرب من سياحيه للاجنحه الفندقيه لانها مرره مرره قريبه على امتداد الشارع نفسه حتى ممكن تستغني عن السياره وتطلع للمستشفى على رجولك بس ماعندي اي خلفيه لا عن الاسعار ولا عن مستوى الجوده والنظافه بس ممكن تسأل عنها لكن انصحك فيها مرره قريبه وممكن يجيك بعدها فندق جولدن توليب الناصريه برضوا قريب ياخذ المشوار دقيقتين بس لكن اكيد السعر اكثر من 200

حياك الله اخوي ...
عندك فندق السعودية مقابل الامن العام بشارع الناصرية نفس الشارع اللي فيه المستشفى
تخلي الفندق على يمينك وتروح لأول اشارة وعديها بتجيك نفق انزل معها وامشي حتى الاشارة ..المستشفى على يسارك
بالنسبة للسعر 150 ريال للغرفة على ذمة احد الاعضاء او عندك السياحية اقرب شي للمستشفى مثل ما قلت اختي ديما
فندق توليب الناصرية غالية

رابط يبين موقع سياحية بالنسبة للمستشفى
وحسب كلام بعض الزملاء فأن أجار الشقة 250 ريال
ويشترطون تسكين عوائل بس لقلت لهم أنك لوحدك وما راح يجيك زوار شباب فيسكنونك
أما إذا كان معك سيارة فأنصحك بالسكن بالمنطقة التي خلف مدينة الملك فهد الطبية
منطقة فيها كل الخدمات وخيارات الشقق متوفرة لكثرتها والطريق من هذه المنطقة إلى مستشفى الملك فيصل ليس بالبعيد على المشاوير بالرياض
أتمنى لك رحلة موفقة

رحله موفقه وان شاء الله تحصل مرادك عند الاخوه الاعضاء

مشكورين على الردود والاهتمام

السلام عليكم
يااخوان جولدن توليب الناصرية الغرفة ب 550 ريال بدون افطار
الصراحة غالي بلحيل ولا هوب هكا الزود صح نظيف وخدمة فندقية لكن تحس احيانا انه مايستاهل
واخوي انا مثلك دورت ماحصلت الا على امتداد شارع التخصصي مقابل اليورومارشيه شقق والله مدري وش اسمه مقابل الصاج الذهبي ويسكن عوائل وعزاب لكن ريحة الفندق اعوذ بالله واخر شيء رحت سكنت ببودل وتعوذت من الشيطان .
وبالنسبة تراه بودل اللي على تقاطع طريق الملك فهد مع خريص تعتبر قريبة ونظيفة وسعره معقول

شكرا لكم على الاهتمام

والله وأنا أخوك
في شقق مفروشة قبل المستشفى بجانب هايبر بنده
وعندها كل الخدمات
وتقدر تستغني عن السيارة بعد
ماتشوف شر

السلام عيكم اريد شقه مفروشه تكون بجوار او بالقرب مستشفى الملك عبدالعزيز الجامعي غير شقق الديار وبسعر رخيص اي ب200 او250 لاتزيد ارجود الرد ضروري