أخوي اللي عرفته من الانترنت عن هالفندق بالذات ان الشاور بالحمام شفاف يعني وانت برا تشوف اللي يسبح بالحمام وهذا مو مناسب لبعض الأشخاص

الفندق يعتبر من الفنادق الحديثه جدا
لهذا السبب لن تجد نصايح كثيره حوله بسبب قلة تجربته
من ناحية موقعه ومن ناحية الصور فهو يبدو رائع

اولا اشكر الاخوان بوبي ونابليونيه
على الرد والتفاعل مع الموضوع وصراحه موغريبه عليهم
مساعدة اخوانهم في المنتدى ...........
ثانيا بالنسبه للفندق .....
انا رغبتي كانت الحجز في فندق هوليدي ان سيتي سنتر
وما حصلت فيه حجز قلت ادور بموقع بوكنج ولقيت هالفندق
موقعه بجانب الميرديان واربع نجوم ومقابل المحطه الرئيسيه
وشفت الصور وصراحه حسيت انه نظيف والغريبه ان ولا واحد
من الاخوان بالمنتدى ذكر هالفندق .....
ثالثا بالنسبه لموقع الفندق ....
مادام انه بجانب الميرديان هل يعتبر قريب من السنتر ؟؟
يعني المشوار مشي كم يستغرق ؟؟
وشنو اهم الاشياء اللي حوالينه ؟؟؟
بالعربي احجز فيه ولا لأ ؟؟؟؟
شاكرلكم ولا تبخلون علينا ترى على الله وعليكم .......

موقعه قريب جدا وراائع
وسبب عدم تجربته لانه فندق حديث جدا
واغلب الفنادق الحديثه تكون جميله اثاثا وخدمه
نصيحتي توكل على الله لو انت حبيت تجربه
حدود خمس دقايق مشي للمارين بلاتز
موفق

مليون شكر لك يامشرفنا العزيز Boby
الظاهر اني راح احجز فيه وابغلكم انشالله بتجربتي
وبالتوفيق للجميع .....

الفندق حلو من الصور وحتى في موقع تريب ادفايزير .. الفندق اوكي كموقع ونظافه ..بس مشكلته فالشاور

اشكركم على التفاعل
انا صراحه استغرب من بعض الاخوان اللي يقولون الشاور مشكله
يعني خليتوا مزايا هالفندق من موقع ونظافه وشفتوا هالشغله البسيطه
اذا كان الوضع محرج يااخي طفوا الليتات وتسبح على كيفك
ولا اطلع من الغرفه واذا خلصوا ينادونك :112:
بس حبيت اسأل الاخوان اللي يعرفون موقع الفندق
شنو الاشياء اللي حوالينه والمحطه الرئيسيه هل فيها محلات ؟؟
وشاكرلكم .....

بصراحه انا كنت ناويه احجز فيه بس مشكلة الحمام الشفاف ماعجبتني لانها فعلا تسبب مشكله للعوائل.....
الفندق مكانه ممتاز وجديد بجانب الميرديان وفندق السوفتيل.... مشي عشر دقايق للمارين بلاتز (شارع المشاه) والمحطة الرئيسة للقطار البانهوف قريبه جدا وهاي احلى شي لوجود المطاعم والسوبرماركت والمخابز فيها...
تحياتي