اعتقد ان الفندق 4 نجوم ونوعا ما قديم لكن جدا نظيف ولن تجد فيه عيب من حيث النظافة والراحة والامان

هناك 2 شيراتون فى ميونخ و مقابلين بعض تماما.. إحداهم آربيلا شيراتون جراند هوتيل و هو فندق و الثانى آربيلا شيراتون بوقنهاوسن للشقق الفندقيه ..و شتان بين الأثنين ... الأول فندق 5 نجوم و راقى جدا .. الشقق بصراحه مو ذاك الزود و مستواها عادى ، الغرف صغيره و الأثاث قديم .. أنا جربت الفندق ..

الاخت بنت الصقور ... كلامك عن أرابيلا شيراتون يخوف شوي الى هذا الحد سيئ وبالنسبة للموقع شلون بعيد ولاقريب من السنتر والأسواق بالسيارة ..... وشكرا جزيلا .

عفوا اخوى بايرن ، لم أقصد إخافتك بالتأكيد ... و انما حبيت أنقلك الصوره اللى شفتها ، ما راح أحكم و أقول خلاص مادام انه شيراتون يعنى نظيف و راقي .. لا
الفندق مثل ما قلت نظيف جدا و سعره عن طريق السفاره 170 يورو ، و من حيث القرب مو بعيده عن السنتر 7 دقايق لين السوق
أما الشقق ، المبنى من الخارج وصخ و مغبر و مدخله كئيب .. الشقق مختلفه فيه صغيره و فيه واسعه بس تكون محجوزه مسبقا .. و القليل جدا تأتيك نظيفه .. و الباقى عليهم دوس و استهلاك .. شو تتوقع من بعد طبيخ و نفيخ العرب ؟ .. تصدق مره شفت جدر فى البلكونه
و على فكره أربيلا .. نظامهم يختلف ، فيه شقق تتأجر للمدى الطويل فقط و فيه حقت أسابيع و فيه حقت أيام .. انت و حظك ..
و الله أفضل شي أنا شفته فندق الماريوت .. فعلا تحس انك فى ألمانيا

شكرا اختي بنت الصقور ما قصرتي.....ونبي المزيد من المعلومات عن ميونخ.