اخوي رائد للحين ما حجزت توقعتك من زمان منهي حجز السكن
انت بالشقق ذي فيه شقه لأربع وفيه شقه لثلاثه ما اشوف لعدد 6
كم ناوي تدفع

https://www.booking.com/hotel/fr/frasersuitesharmonie.html?aid=1300939

فيصل 2006
هلا أخوي الغالي المشكله وانا اخوك اننا اول مره نسافر على باريس فعشان كذا امورنا ملخبطه وودي اذا تقدر تخدمنا في بعض الامور اللي تسهل لنا السفره يعني مثلا اذا تقدر يالغلاا تسوي لنا جدول يومي لزيارة أفضل الاماكن في باريس وقضاء ليليه في ديزني واتمنى انك تفيدنا ببعض النصائح اللي عندك .
ومن ناحية الفندق هذا ارخص وافضل اللي حصلناه حجزنا شقتين كل 3 أشخاص في شقه ..!! وش تنصحنا ..!!
لاهنت أخوي فيصل واشكرك كل الشكر على المساعده
لاعدمناك

هذا الفندق ارخص للغير مسترد 249 يورو لعدد 6 اشخاص
https://artravelers.com
انتم 7 ايام بباريس كلها ولا ناوين تطلعون مكان ثاني

فيصل 2006
لاهنت ياعسل
كنا ناويين على اننا نخلي اربع ايام بباريس ويومين في اي مدينه ساحليه في فرنسامثل مرسيليا والا كان
وبعدين قررنا اننا نخليها كلها بباريس ونروح يوم او يومين بالقطار الى دزني ..
وش اللي تنصحنا فيه / هل تؤيد اننا نخليها اربع ايام بباريس ويومين بمدينه ساحليه . واي مدينه ساحليه تنصحنا فيها ..؟
والا انك تؤيد اننا نقضيها جميعها في باريس ونروح يومين متتاليين الى دزني بالقطار ونرجع في نفس اليوم ...؟
وودي اعرف كم المسافه من باريس الى دزني بالقطار وهل يوجد قطار عوده من دزني الى باريس في وقت متأخر يعني مساءا ..؟
ومشكور يالغالي على ردودك

الوقت تقريبا 45 دقيقه وفيه وقت متأخر
4 ايام باريس وتروحون نيس وكان 3 ايام مو شينه

فيصل 2006
بيض الله وجهك أخوي فيصل تعبتك معاي بس اذا ماعليك كلفه ودي اذا تقدر تسوي لنا جدول بسيط للايام اللي بنقضيها في باريس يعني اليوم الاول فين تنصحنا نزور بعض الاماكن فيها وكذلك اليوم الثاني .... الخ
وعندي استفسار عن اسعار المترو اللي داخل المدينه كم بيكون سعره ..؟ وهل تفضل نأخذ باليوم والا بالاسبوع على حسب ماسمعت ...؟
وكم تذكرة المترو من باريس الى ديزني وهل نحجزها من بدري والا نقدر نروح لمحطة المترو ونقطع التذكره ونطلع على طول ...!
لاتنسى يالغالي تدلنا على أفضل المطاعم والكافيهات وأماكن التسوق اللي تكون اسعارها معقوله ..
والله يعطيك ألف عافيه ..

الحين الجدول حق كم يوم تبيها
المترو يختلف سعره باختلاف البطاقه اليوميه ام الباريس فيزت
تذاكر ديزني من ديزني وتذاكر المترو من المحطه تأخذها الا اذا اخذت باريس فيزت من زون 1 الي 6 فما يحتاج تكت
المطاعم يا كثرها عربيه ولا غيره
الفيزت من زون ون الي 6 غاليه
حدد ايامك بالضبط والاخوان ما يقصرون

بخصوص الفندق
انا شخصيا سكنت فيه بتاريخ 4 نوفمبر 2010 الى تاريخ 11 نوفمبر 2010
الفندق جدا ممتاز
موقعه ممتاز
الرسبشن متعاونين كان فيه بالاستقبال وحده سمراء اسمها سنتيا كنت يوميا انزل لها واقول لها عالمكان اللي ابغاه
وتكتبلي الاحداثيات واسماء الشوارع بالفرنسي
وتحت الفندق فيه مطعم لبناني مره ممتاز واكلهم لذيذ واسعاره معقوله
وبرضو تحت اول ما تطلع من الباب فيه ماكينة صراف
للي مو حابين يشيلون مبالغ تقدرون يوميا تسحبون قد حاجتكم الصراف يسحبلك معدل 350 يورو باليوم
بخصوص النظافه الصراحه الغرف جدا نظيفه
وكورنر المطبخ فيه كل شي يخطر على بالك
من غلايه الى صحون وملاعق وقدور باكثر من حجم للي حاب يطبخ
وفيه بداخل الغرف مكنسه كهربائيه
والتنظيف نهاية كل اسبوع لكن لو تبغى يجونك يوميا مقابل مبلغ رمزي
واذا كان معكم سياره فيه بالاسفل باركنق بس مو تابع للفندق هو تابع للفندق اللي ملاصق فيه اسمه سوفوتيل
قيمة الباركنق 125 ريال باليوم
المكان جدا هادي مافي اي ازعاج للسيارات
والمنطقه جدا راقيه كلها شركات وناس راقيه
بخصوص الخدمات داخل الغرفه
الانترنت جدا سريع و مجانا
والتلفزيون فيه 5 قنوات عربيه ( ام بي سي / الجزيره / دبي وناسيه الباقي بس اتذكر 5 قنوات عربيه )
حجزت عن طريق موقع بوكنق قبل موعد سفري بيومين وارسلت ايميل للفندق
طبعا ايميلهم لقيته بموقع بوكنق
وقلت لهم الاسم اللي حجزت فيه وطلبت تأكيد الحجز
وخلال دقايق ارسلولي ايميل انو كلو تمام
للمعلوميه : حجزت بفيزا مافيها غير 100 ريال
طبعا المبلغ ما يسحب منالبطاقه ولا اي شي
اول ما وصلنا الفندق اعطيناهم المبلغ كامل كاش