كل عام وانتي بخير وانا انصحك حول الدومو وفية فنادق حلوة ونضيفة واسعارها مقبولة وبسعر اقل من اللي قلتي علية
انا استاجرت بجيليلو سيزر بسعر 1200تقريبا"ليلتين بس انتي حددي فنادق ثلاث نجوم وحول الدومو بحدود كيلو وحتلاقي باسعار اقل
دمتي بود

وانت بخير اخوي
يعني 1200 جم دينار كويتي؟
اخوي ياليت تعطيني رابط الفندق اللي سعره معقول

شوفي انتي كويتية مثلي
السعر الي تتكلمين عنة وايد غالي من موقع بكنق دوري راح تحصلين ارخص مثل برشلونة
هذه ميلانو تلقين الغالي و الرخيص عادي و الله يوفقكي انا سكنت في فندق سبلندو من شركة ستار هوتل
و هو 4 نجووم بس ما انصح فية تقررين تشوفين في ( رحلتي الي ايطاليا ) 2010
بسعر 30 دينار كويتي كان علية عرض ممكن فندق اخر يسوي عرض طبعاا مع افطار
زيارتك لتقريري شرف لي شوفي ممكن ميلانو تعجبكي من خلال طرحي لها و الله يوفقكي بارحلة

ان كانك حريص على السكن الكويس والسعر المناسب فانصحك بنصيحة
انك تسكن بعيد عن الدومو وتاخذ الميترو مايكلفك 2 يورو للون واي او 5 يورو ليوم كامل
وتروح الى الدمو متبى مابغيت
تحياتي.............

مشكورين وايد على ردودكم
واحد ينصحني بالسكن في الدومو والآخر لا !
انا مو وايد عندي مشكله مكان السكن
اهم شي يكون سعره معقول ونظيف
اخي فولييت شنو تنصحني فنادق رخيصه واللي على قولتك ليلتها 30 او 40 دينار
ساعدني الله يجزاك خير وعطني اسم فندق معين ؟

ياجماعه ابي فندق نظيف ومرتب بالدومو ثلاث نجوم سعر الليله 150 دولار ؟؟
موقع بوكنق ماافادني بشي
ابي انتوا شي مجربينه
فولييت ممكن ترد علي ؛(

هلا والله أختي
ميلان أهم شئ فيها هي منطقة الدومو وهو قلب المدينة النابض وهي منطقة الأسواق و المطاعم والمقاهي, وإذا سكنتي هناك تطلعين وتجين للفندق متى ما تبين حتى لو كانت 3 او 4 الفجر لانها منطقة آمنة وحيوية ودوم فيها الشرطة و الناس من كل الأجناس
وحسب ميزانيتك المتواضعة هناك أفضل فندق في الدومو وقريب جداً من كل شئ يحتاجة السائح و يقدم خدمات ممتازة بأسعار بمتناول الجميع مع فطور مجاني وهو فندق 4 نجوم أسمة Starhotels Rosa Grand
وهذا موقعة عبر الإنترنت : http://www.starhotels.com
ولا تنسي إختيار مدينة ميلان لأن له أكثر من فرع حول العالم
ونصيحة إن شفتي سعر الفندق في booking مو مناسب , روحي لأكثر من مكاتب سياحة و فاوضيهم على السعر و تلقين عندهم عروض أفضل بكثير عن المعروض في مواقع الإنترنت
أمنياتي لك بالتوفيق و السداد
تحياتي

اخ عمر يعطيك العافيه بس بغيتك تحطلي رابط فندق Starhotels Rosa Grand اللي ببوكنق ظروري عشان بشوف السعر

اخ عمر شفت سعر الفندق يطلع علي باسبوع اكثر من 1000 ونص دينار والله غالي !!
ومكاتب السفريات دايما ينصحونا بالحجز عبر الانترنت !
ماعندك فندق قريب بالدومو بسعر مناسب يعني 180 دولار عالاقل ؟!
شوف انا بوريك رابط لفندقين وقولي ايهما افضل ؟
وهل هم بالدومو او لا ؟
لان بوكنق يدوخ مره يبين لي انه بالدومو ومره لا ؟
قلت اسآل الطيبين ما يخلوني
هذا الاول
https://www.booking.com/hotel/it/hotelsempionemilano.html?aid=1300939
وهذا الثاني
https://www.booking.com/hotel/it/dover-di-vassalli-giovanni.html?aid=1300939