نشر في لندن

فنادق لندن

bu 7mod

24-10-2022 - 10:23 am

السلام عليكم
انا اول مره اشارك في بواية لندن وياريت الاخوان الطيبين يساعدوني
انا اريد احجز فندق في لندن من 31/7 الى 5/7/2009
ياريت تدلوني على احسن مكان احجز فيه من ناحية الموقع و الفندق الجيد ياريت اللى يرد يرد عن تجره
ما يهم السعر المهم المكان الممتاز انا اول مره اروح لندن وماعرف فيها اي شي ؟
شو رايكم في هاذا الفندق وموقعه
Jumeirah Carlton Tower Hotel London

التعليقات (8)

القطري

24-10-2022 - 12:59 pm

وعليكم السلام ورحمة الله وبركاته
هلا وغلا الغالي
وحياك الله في منتدى بريطانيا
بكرا ان شاءالله اتلاقي كل الي خاطرك فيه موجود ..
توا النت واصل واليوم جينا مصر والتعب والنعاس عامل عمايل
اكرر أعتذاري الغالي

london girl

24-10-2022 - 02:00 pm

موقع بوكنق
جميرا كارلتون مرره كويس فيه ملينوم ارخص منه واقرب منه

bu 7mod

24-10-2022 - 03:01 pm

شكرا للجميع بس ممكن اعرف اقرب كيف يعني اقرب من وين
وشو رايكم في فندق
InterContinental Hotel Park Lane London
او
London Hilton On Park Lane
وممكن احسن منمطقه الواحد يسكن فسها قريبه من كل شي

القطري

24-10-2022 - 04:02 pm

السلام عليكم
هلا وغلا الغالي
الفندقين الي فوق جنب بعض مباشره ..مع أفضليه للأنتر لأنه امجدد ومكانه على زاويه ناحية النايتس بريج ..
اتوقع انك من الإمارات لأنه من خلال الفنادق الي ذكرتها تبي تسكن منطقة النايتس بريدج وهي معروفه عند أخوانا الإماراتيين ..
يعتبر افضل موقع فندق 5 نجوم هو الماريوت بارك لين لأنه يعتبر على شارع اكسفورد ومقابل للهايدبارك ..
وكل الي ذكرتها حلوه
واي خدمه احنا في الخدمه

طبشوره

24-10-2022 - 06:04 pm

أرشح لك الماريوت بارك لين إذا تبغى تكون في الوسط ما بين الاكسفورد و البارك لين
النايتس بريدج اللي موجود فيها جميرا كارلتون و شيراتون بارك تاور و قريب منها الهيلتون بارك لين و
الانتر بارك لين
منطقه حلوه و رايقه و موجود فيها هارودز بس في الليل تهدا الحركه و تكون موحشه شوي عكس
الاكسفورد

bu 7mod

24-10-2022 - 07:05 pm

شكرا للجميع ...............
احين الراي الاخير انا وصلت اللى فندقين وأسعارها تقريبا نفس الشي ............
1- الانتر بارك لين
2- الماريوت بارك لين
مع اني تقريبا فهمة انهم نفس المكان او يختلف ؟

طبشوره

24-10-2022 - 08:06 pm

الماريوت في بداية البارك لين من جهة الاكسفورد
و الانتر في نهاية البارك لين من جهة النايتس بريدج
مواقعهم على الخريطه http://maps.google.com/maps?f=d&source=s_d&saddr=marriott+park+lane+hotel&daddr=1+Hamilton+Place,+Mayfair,+London,+W1J+7QY,+United+Kingdom+%28Intercontinental+London+Park+Lane%29&hl=en&geocode=FYIGEgMd3Jf9_yFp-WT1yVGj7Q%3BFdLjEQMd5rP9_yFKHSelNiD2Ag&mra=ls&dirflg=w&sll=51.501664,-0.151834&sspn=0.012342,0.038624&ie=UTF8&ll=51.508502,-0.154109&spn=0.01234,0.038624&z=15

bu 7mod

24-10-2022 - 09:07 pm

بس شو تنصحني انت ؟
بمشي على نصيحتك لانك مجرب انا عمري مارحت لندن
و مع انك خبير سويسرا
انا جدولي 5 ايام لندن +5ايام باريس +5ايام انترلاكن +5ايام جنيف شو رايك (مع اني السنه اللي طافت رحت 5ايام جنيف +5ايام انترلاكن +5ايام باريس) بس هل مره حبيت اخلي سويسرا آخر شي ؟

لندن المسافرون العرب

فنادق لندن