أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم
هل يوجد فنادق تكون داخل ديزني و فنادق بره ديزني؟؟
وإذا بسكن بفندق دخل ديزني .. هل بإمكاني الذهاب ليونيفيرسال ستوديو؟
وهل أحتاج إني أقوم بتأجير سياره إذا كنت ساكن داخل ديزني 5 أيام؟
وشكرا
الفنادق اللي تكون بوسط دزني في باصات توديك لدزني والفنادق اللي حول اليونفيرسل فيه باصات توديك لليونفيرسل ونفس الشئ للسي ورلد.
اورلاندو اذا بتروح لها علشان دزني بس، اسكن هناك ولا تأجر سياره اما اذا بتتمشى فلازم سياره لان المواصلات العامه مش ولا بد.
انا شخصيا افضل مكان للسكن بالنسبه لي هو الانترنشونال درايف او عند اليونفيرسل لان الموقع بالنص وقريب لكل شئ
طيب إذا سكنت في الإنترناشيونال درايف... وبغيت أزور ديزني كل يوم؟؟ هل أحجز تذكره لكل يوم؟
واليونيفيرسال بعد.. يعني إذا أبي روح اليونيفيرسال .. هل يجب أحجز كل يوم تذكره؟
عزيزيعزيزتي ..
ديزني مجموعة حدائق .. 4 وخامسهم الداون تاون ..
الاربع حدائق كل وحده يكفيلها يوم او يومين .. على حسب المده اللي عندكم ..
لذا فلازم تشترون تذاكر .. لليومين .. او تقدرون تاخذون لايام اكثر على حسب المده اللي بتقعدونها في اورلاندو ..
الداون تاون يندخل له بدون تذكره .. لذا تقدر تروح له كل يوم حتى لو لم تكن ساكن في ديزني وساكن قريب من اليونيفرسال مافي مشكله بالمره! ..
يونيفرسال حديقتين وكل حديقه يبيلها يوم او يومين وعندهم نفس الشي داون تاون يندخل له بدون تذكره ..
الداون تاون عباره عن شارع في مطاعم ومقاهي او محلات .. تابعه اما لدزني او يونيفرسال .. وبعض المحلات الاضافيه ..
تقدر تسهر او تتمشى فيه ..
السكن حلو جداً داخل ديزني لكنه مكلف بالنسبه للفنادق اللي يكونون برى ويبعدون دقائق معدوده ..
اتمنى تكون الصوره وضحت واي استفسار انا حاضره ..
اختي خبيرة فلوريدا مجهود رائع تقومين به جزاك الله خيرا بس حبيت تشورين علي من خبرتك بفلوريدا احنا ان شاء الله رايحين بالصيف لاورلاندو من 10 يوليو الى تقريبا 15 اغسطس بس حبيت تشورين علينا وين الاماكن الي نروح لها ونبي نستاجر سيارة علشان نتمشى بفلوريدا ايش تنصحيني علما اننا انا وزوجي وبنت 20 سنه وولد18سنه وبنت 10 سنوات وبنت 8 سنوات وكيف الجو هناك وكل شي تشوفينه مهم قولي لي عليه الله يعافيك
ري100
اختي الكريمة ..
الاماكن كثير تقرير خبيرتنا اوزي لعام 2008
وتقريري لعام 2007 موجود في اخر توقيعي
بيعطوكم اهم الاماكن
اما عن الجو بصارحة بيكون حار ورطب .. لاكن برضوا المتعة ولا اروع !!
بالتوفيق
اورلاندو اذا بتروح لها علشان دزني بس، اسكن هناك ولا تأجر سياره اما اذا بتتمشى فلازم سياره لان المواصلات العامه مش ولا بد.
انا شخصيا افضل مكان للسكن بالنسبه لي هو الانترنشونال درايف او عند اليونفيرسل لان الموقع بالنص وقريب لكل شئ