نشر في الكويت

فنادق بنفس المستوى

نبت الوسم

22-04-2022 - 07:04 am

السلام عليكم ورحمة الله وبركاته
حيا الله اهل الكويت عندي سؤال ياريت الاقي له اجابه سريعه عندكم.
وهو اننا جايين الكويت باذن الله الثلاثاء القادم والمشكله اني قبل اسبوعين احاول احجز والفنادق فل.
والحين خلصت الفنادق اللي فبالي فياليت لو احد يعطين اختيارات لفنادق بس تكون بنفس مستوى هالفنادق:
المارينا
الكورت يارد
الشيراتون
لاني حاولت احجز فيهم وكلهم فل هالويك اند..
وعطاكم العافيه

التعليقات (9)

Kuwaity2

22-04-2022 - 09:54 am

( )

https://artravelers.com

نبت الوسم

22-04-2022 - 10:55 am

اخوي كويتي:
في البداية احب اشكرك على سرعة الرد.
ومشكور على الرابط بس انا ابي عن تجربة فنادق بنفس مستوى ال 3 فنادق اللي حطيتهم.
وعلى ماسمعت ان الماريوت قدييم
والهوليدي ان صغيير
فانا متلخبطة من كثر الفنادق..

Kuwaity2

22-04-2022 - 11:56 am

اختي من قال ان الفنادق هذه 3 نجوم؟؟؟
فندق هوليدي إن دوان تاون فندق جديد لم يمضي على افتتاحة 6شهور وهو كبير وممتاز وهو 4 نجوم ولكن مستوى الخدمة والأثاث 5 نجوم
وجي دبليو ماريوت هو ذو تصنيف 5 نجوم وهو مجدد بالكامل قبل سنين وموقعه في شارع فهد السالم
اما المرديان تاور فهو 4 نجوم صحيح ولكنه جديد وهو يعتبر ضمن 12 فندق لنظام ارتك في العالم
وهذه صور من فندق مرديان تاور وهي خير دليل

مسافرة كويتية

22-04-2022 - 12:57 pm

هوليدي ان السالمية
غنى بالاس
الماريوت على ما اعتقد انه مجدد بالكامل
وحياج الله

نبت الوسم

22-04-2022 - 01:58 pm

اخوي كويتي من جاب طاري 3 نجوم؟!!
انا اقول ابي فنادق بنفس مستوى الثلاث فنادق اللي انا حاطتهم وهم المارينا والشيراتون ولكورت يارد وارجع لردي... عافاك اخوك واعتذر عن المغثه.
مسافرة كويتيه هلا وغلا ...
طيب هوليدي ان السالميه او الداون تاون؟

Kuwaity2

22-04-2022 - 02:59 pm

اختي نبت الوسم حياج الله بالكويت واتمنى لك اقامه سعيدة بس في ملاحظة خذو الحذر من البرد بالكويت وخاصة في الليل درجات الحرارة تنخفض الي اقل من 5 درجات بالليل

نبت الوسم

22-04-2022 - 04:00 pm

صادق كويتي انا لما دخلت على البي بي سي لقيت ان الثلاثاء الجاي درجة الحراره الصغرى 3
على الله بس نلقى حجز كل الفنادق فل .

نبت الوسم

22-04-2022 - 05:01 pm

ياجماعة شصاير عندكم ؟؟!! كل الفنادق فل
على فكرة شرايكم بالموفنبيك؟ ووين هي فيه المنطقه الحره

dona1

22-04-2022 - 06:02 pm

المريديان تاور أنا سكنته وهو نفس الصور التي وضعها الأخ الكويتي وموقعه ملاصق لفندق الشيراتون من الخلف وهو جديد واغلب اللي ساكنين فيه رجال أعمال أخذناه في نهاية الصيف ب480ريال مع الفطور
بس عيبه الوحيد أنه جنب محطة الباصات الرئيسيه فتلاقي العمال بكثره في المنطقه

الكويت المسافرون العرب

فنادق بنفس المستوى