ما اعرف هل الفنادق ترتب ولالا بس ما اتوقع
دامكم عرسان وش تبغى بالناس بالعكس الافضل نك تسكن بعيد عنهم
بعطيك فندقين واحد يطل على البحيره من منطقه مرتفعه
https://www.booking.com/hotel/at/der-sonnberg.ar.html?aid=1300939
والثاني منتجع رايق وفيه تقرير العضو محمد تكلم عنه وفيه صور له روعه
https://www.booking.com/hotel/at/mavida-balance.ar.html?aid=1300939
لاتدور غير هالاثنين اذا تبغى شي مميز لكم

اذا معاك سيارة اسكن في كابرون

الف شكر يا دموع الوجد وياليت لو ترشحين لي شقة لشخصين حلوه وحده في زيلامسي والثانية في كابرون
احس هم الشقة بتكون احلى
والف شكر اخوي مشعل على التعليق

اعطينا التواريخ اخوي
بس انتوا رايحين شهر عسل ليش الشقه ماراح تطبخون ولاشي الافضل والارقى لكم فندق

هلا اختي دموع الوجد والله شوفي احس الشقة اوسع واشرح يعني على اقل تقدير تسوي لك شاهي يطري في بالك تطبخ وتاخذ اكلك في مكان حلو فاحس الشقة بتكون انسب وهم بعد خدمة غسل الملابس
الشيء الثانية الميزانية محدودة يعني انا حاط في بالي انه معدل السكن باليوم يتراوح بين 500-800 ريال
عموما اختي انا اتمنى احصل موقع ممتاز وشقق حلوه للعرسان
وسفرتي راح تكون في منتصف سبتمبر انشالله الموافق شهر 9
وشاكر لج حسن التعاون والله يوفقج دنيا واخره يارب
والشيء الثاني انا طرت على بالي انه احجز في منطقة لمدة عشرة ايام ومنها اتنقل يعني اختار زيلامسي او كابرون
واروح منها لانسبروك وسالزبورغ والاماكن الي حوالينا خصوصا انه معدل المسافات والمشاوير قرابة الساعه او الساعتين فهل تشوفين هالشيء مناسب؟؟
خصوصا اني ناوي ازور بحيرة ولف قانق وما جاورها ويوم ازور قشتاد ويوم الشلالات وهالشكل ويمكن نخربها ونروح لفينيسيا
وهم اذا في فنادق ارخص وحلوه في زيلامسي ياليت تحطينها لي لانه شفت سي فيلا في هالوقت راح يكون مغلق

سي فيلا سعر الليله فوق 1000 ريال والفنادق اللي حطيتها لك فوق نفس السعر واحلى من السي فيلا
على العموم اذا تبغى سكن بهالسعر موجود بس غالبا مايكون فيه تنظيف يومي وما تلقى غساله ملابس في كل شقه لان اللي زي كذا تكون للعوايل الكبيره الا اذا عادي عندك تاخذ شقه حقت اربعه اشخاص او سته اشخاص بس بحدود السعر اللي اعطيتني اياه راح نلقى عادي
وحلوه فكرتك انك تسكن بزيلامسي او كابرون وتتنقل لبقيه املناطق بس قشتاد بعيده جدا ما تقدر تروح لها وفينيسيا ما انصحك تضرب لها مشوار 4 ساعات ذهاب وزيها عوده يعني تعذيب
هل حجزت التذاكر ولالا؟؟
احتاج اعرف التواريخ بالضبط عشان اجيب لك المتوفر بتاريخكم؟؟ ووين محطه الوصول والعوده
انا بالنسبه لي اذا تبغى تسكن في فندق خذ احد الاثنين اللي اعطيتك اياهم لانهم يستاهلون والسعر شامل الفطور والثاني شامل الفطور والعشاء اما انك تسكن بفندق اقل سعر فيه وبدون مميزات لا والله خذ لك شقه بس الله يعينكم على التنظيف بنفسكم الا ماندر من الشقق

هلا والله باختي دموع الوجد
لا خلاص انا اقتنعت بفكرتج خصوصا انه الشقق دام فيها تنظيف وهالسوالف لا خلاص بنخليها
وبسكن في الفنادق انشالله الي رشحتينها لي
ودام قشتاد بعيده بقسم الايام عيل وبخلي لي يومين او ثلاثة في سالزبورع وبزور منها قشتاد
طيب اختي ادري ثقلت عليج بس تخبرين بحكم انه شهر عسل فحاب اظبط كل الامور عدل
هل هالفنادق تقدم اشياء للعرسان من ورود وهالسوالف ؟
السؤال الاخير : أماكن تنصحيني ما افوتها في سفرتي للنمسا يعني اماكن تستحق الزياره ؟؟
والله يعطيج الف عافيه على جهودك المشكوره في هالبوابة سواء معي او مع الآخرين