و عليكم السلام...
اختي أصابع اليد ماهي سوا...
مجمع يفرق عن مجمع, و سوق يفرق عن سوق...
و بالأخير أذواق الناس تختلف من شخص إلى آخر.
بس ماعرفنا الآن اختي الكريمة...
ما استفدتوا من الزيارة لان الفلوس ضاعت في المارينا...!؟
ولا عشان أسعار الفنادق غالية...؟
لان في فرق شاسع بين الأثنين...
و واضح من خلال التناقض ما بين عنوان الموضوع, و محتواه !!
على العموم, انا واثق تماماً بأن رحلتكم عابها التنظيم و الترتيب للأماكن و المرافق...
و هذا الواضح من خلال كتابتكم للموضوع!
لذلك نتمنى السموحة, و تمنياتنا بحرصكم على تنظيم أي شيء قبل السفر...
اضافة إلى أخذ الإحتياطات و الحذر في حالات الإضاعة
تقبلوا تحياتي.

العنوان شي ومضمون الكلام شي ثاني
بالعكس الكويت اغلب اسوقتها رخيصه وهم ذات جوده عاليه وطيبه
اهم شي وقبل كل شي جان سألتي عن الاسواق قبل السفره ودام انج سكانه بفندق المرينا اكيد كل شي راح يكون غالي وهم بعض المحلات داخل مجمع المرينا فيه الغالي والعادي
عندج السالميه القديمه والجديده وسوق الديره سوق الفروانيه وسوق الفحيحيل وبعض الاسواق بحولي اغلبها اذا مو اكثرها اسعارها ممتازه وغير كل هذا الاسواق الشعبيه تارسه الديره وتبلش من 50 فلس انتي وذوقج فيه الغالي وفيه الرخيص
وانا اقول الخليج العربي كله وبس

سوق الكويت فيه الغالي و الرخيص .. بس اللي موجود عندنا هم اغلا شوي ..
بس احنا نروح هناك مو علشان اللي موجود عندنا .. المفروض ندور الاشيا المختلفه و الجديده ..
مافهمت اختي وش مزعلك .. بعدين الكويت مو بس تسوق .. فيها مطاعم حلوه .. كورنيش حلو و اماكن تمشيه كثيره ..
اذا مازلتي هناك انصحك تروحين مجمع المهلب و الفنار بتلقين فيهم اشياء مختلفه و جديده ..
مارينا و الافنيوز لاتروحين لهم .. روحي برضو للمباركيه .. و لا تحقرينه ترا مليان اشيا حلوه زي المكياجات الرخيصه .. اغلب الكويتيات اللي اعرفهم و كشيخات ماشا الله يشترون مكياجهم من هناك ..
و عاد ان ما عجبك شي استمتعي بالفندق و لا تتحلطمين اختي .. ترا كثرة التحلطم هي اللي تنكد على الواحد استمتعي بوقتك
ترجعين بالسلامه انتي و من معك

mzoon
انا اتفق مع كلام اختي وحبيبتي مزون فعلا الكويت فيها الرخيص والغالي زيناا بالسعوديه بالظبط استمتعي بيومك اختي مولازم تشترين ملابس روحي مطاعم مقاهي منتزهات روحي المركز العلمي والا روحي المباركيه اذا تبين تشترين شي رخيص

السلام عليكم
اول شي ضياع فلوسكم هذا اهمال منكم ما يتحمله الفندق
ثاني شي غلاء الاسعار مو بس بالكويت بكل دول العالم
ثالث شي الكويت تبقى احلى بلد
الكويت وبس
وشكرا

العيب والله مو بالكويت ولا بفنادقها ولا بمنتزهاتها .. والله العيب بالعقول اللي ماتعرف تخطط ولا تتكتك حق سفراتها .. إذا كنتي مخططه لسفره للكويت بميزانيه طلعه للشرقية _ حيث السكن ب 300 و 400 ريال ، والمقاضي من اسواق ام 10 و 15 ريال .. فهذا خطأكِ أنتِ ولا ترمين أخطائكِ على الكويت واسواقها .. فأنا اعرف 5 شباب يطلعون للكويت بقطيه 850 ريال لمدة 4 ايام ( شاملة سكن + أكل وقهوة + مقاضي وصوغات للأهل ) .. وفندق مارينا مول اسعاره وخدمته وموقعه ارخص من فندق خايس مثل ميرديان الخبر ، جلست فيه يوم واحد صكوني ب 845 ريال إقامة شاملة خدمة ( خدمتهم هي إن عامل المصبغه دق باب غرفتي الساعة 7 وربع الصبح وقعدني من نومي علشان يسأل هل عندي غسيل وإلا لا ) وقسماً بالله إنه مدري شلون فتح الباب علي يوم تأخرت مارديت عليه ، طبعاً سويت له مشكلة لها أول مالها آخر وإشتكيته وإشتكيت الرسبشن وارسلت عدة فاكسات وإيميلات لمريديان العالمية لين اخذت حقي من عيونهم ، وإذا على الأسواق الكويتية فتأكدي أن العيب باللي راح للكويت ولا عرف قدرته الشرائية وعلى ضوئها رسم مخطط للأسواق اللي تكفي محدودية ميزانيته وهذا مايسمى بالمستهلك الأحمق ( وهو اللي يروح للسوق ولا يعرف شنو يبيي يشتري ) .. الكويت معروفة منذ القدم .. من 60 و 70 سنة طافت إنها مصدر تسوق للخليج كله ، واغلب بضايعها اصلي وشغل عدل والكل يفاخر بأي بضاعة جايبها من الكويت حتى يومنا هذا ؛ لإن الكويتي مايرضى بجودة قليلة الكويتي مايرضى إلا بالشغل اللندني ( الأصلي ) ، والمستهلك الكويتي ذوقه عالي ورائع ويعرف شلون يلبس وياكل ويأثث ويتقضى ، وبالكويت فيه اسواق رخيصه زي ما تفضلوا الأخوان والأخوات الكرام ، لكنكم ماعرفتوا وين تطلعون لها .. فلا تلومين الكويت ولا تجرحين فيها .. فالكويت تحوي مزايا كثيرة لن تجديها بالسعودية مطلقاً ..

أحبك يا كويت
مع احترامي لك بس والله ماله داعي هالكلام ابد لانك بكلامك هذا جرحت السعوديه بعد والاخ ضاري ماقصر يعطيه العافييه

فاررسه
على راسي اختي الكريمه فاررسه ،، انا سعودي على فكره لكن بنفس الوقت ما ارضى احد يخطي على الكويت واهلها ، لو هو ابوي أو امي ، وانا ماقلت إلا الصدق .. الكويت فيها اشياء لايمكن تجدينها بالسعودية لو مهما كلف الأمر .. مافي داعي للحساسية الزايدة .. خلونا نتقبل النقد علشان نتعلم من اخطائنا ، وإذا تعتبرين كلامي تجريح فأعتبر هذا مديح عند تجريح الأخت كاتبة الموضوع بالكويت وفنادقها واسواقها .. أتوقع أن الردود ستأتي بشتمي وتخويني ولعن تاسع جد من اجدادي ( كعادتنا في الحوار ) :8888:
تقبلي تحياتي وتقديري وصباحك قيمر كويتي على عسل طائفي

stavol75
السلام عليكم ورحمة الله وبركاته
جايه وزعلانه ابي اشكي لكم
وليه أختي زعلانة
رحت للكويت وانا مازلت فيها بس للاسف ندمانه اني طلعت لها خسرنا فلوسنا بالفنادق على الفاضي مره مو شيءوالفندق يا أختي موقعه وقربه من المول حلو حتى أنكم تتغذون وتعشون فيه وأحلى المطاعم فيه حتى المحلات فيه الرخيص
جيت متحمسه للتسوق مالقيت شيء حلووإذا جاية يا أختي تبين شئ محدد ورخيص موجود عندنا سوق الفحيحيل والفروانية كلها مدينة تجارية وفيها الكثير من الأسواق المركزية العائلية والمنزلية والعربيد بالفروانية للدراعات ورخيص تختارون الموديل والخامة والمباركية
كل ما سالنا على اماكن رخيصة وحلو قالوا لي هذا الموجودبلا فيه الرخيص والغالي مثل كل خليجنا و بالكويت مفرقين الأسواق الخاصة للماركات عن الاسواق العادية مثل الراية والصالحية وليلى غاليري والثريا والزهرة
أما مارينا مول وسوق شرق والأفنيوز فيه الغالي والرخيص مثل مجمعات الراشد والفيصلية ... وألخ
زيادة بالاسعار على الفاضيلا بالعكس مو زيادة على الفاضي إحنا كل سافرنا للسعودية والبحرين ودبي مثل الأسعار حتى عندنا سوق خاص للأقمشة النسائية بقسم والرجالية بقسم للنساء أسعار المتر من دينار إلى فوق الغالي ملابس السهرة من 5 إلى فوق
دمت لنا يا ارضناونحن نحب السعودية وخاصة مكة المكرمة وباقي السعودية للتمشية
السعودية وبس
أن شاء الله تستانسون وتفرحون بدل الشراء