نشر في الكويت

فلامنجو الكويت

نبت الوسم

26-03-2022 - 10:42 pm

السلام عليكم ورحمة الله وبركاته
كيف حالكم جميعا .......
ياجماعة الخير حابة اسألكم عن منتجع فلامنجو بالسالمية بالكويت ... مين يعرفه ؟
وكيف مستواه ؟ ووين مكانه بالضبط ؟؟
يعني اي معلومة تعرفونها عن هالمنتجع .. والله يعطيكم العافية ....
وكل عام وانتم بخير جميعا

التعليقات (5)

Kuwaity2

27-03-2022 - 01:00 am

منتجع شيك فلامنغو هو في شارع التعاون في منطقة البدع القريبة جدا من السالمية وشارع الخليج والوسط التجاري للسالمية المنتجع عباره شاليهات وفندق هو جديد وموقعة ممتاز لأنه على البحر مباشره ويوجد في شارع عدد من فنادق الخمس نجوم مثل ريجنسي بالاس وفند رايدسون ساس وسيفينة الهاشمي وفندق شاطئ المسيله

kuwait2world

27-03-2022 - 02:01 am

عندهم مطعم لبناني توه فاتح بالمنتجع توني متعشي فيه ديكور حلو ومكان حلو بس اكل اي شي وغالي علي الفاضي
المنتج موقعه رهيب من حيث قربه من السالميه والسوق وله اطلاله بحريه حلوه وجوه رايق بالليل يعني هدوء

خالد الكويت

27-03-2022 - 03:02 am

الاخت الكريمة نبت الوسم
هذا موقع المنتجع على الانترنت
http://www.shiik-flamingo.com/
ان شاء الله تحصلين فيه كل المعلومات اللي تبينها
واذا حبيتو تتصلون عليهم وتستفسرون اكثر
هذا رقمهم
Tel: +965 5725050
Fax: +965 5725151
على فكرة الموقع في بدايته فلاش يعرض المنتجع بشكل جميل

نبت الوسم

27-03-2022 - 04:03 am

السلام عليكم ورحمة الله
الصراحة ماادري وش اقول ... الف الف شكر للجميع على هالمعلومات القيمة والوافية.
ويعطيكم العافية وتراني كلمتهم وطلع الشاليه 2 غرفة عندهم سعره 1375ريال شامل الخدمة وكل شي...
بس المشكلة ان الشاليهات المطله على البحر كلها 3 غرف ... لكن مو مشكلة 3 غرف ,, 3 غرف المهم بحر
مشكورين جميعا.....

الباحثة

27-03-2022 - 05:04 am

السلام عليكم ورحمة الله وبركاته
نتمني لج قضاء وقت سعيد إن شاء الله في بلدج الكويت
وحياج الله إختي نبت الوسم
وإن شاء الله بيعجبج المنتجع وها الله ها الله بالتقرير والصور
علي فكره راح تجدين فيه أتيليه لأحد المصممين مري و ألقي عليه نظره
تحياتي ........

الكويت المسافرون العرب

فلامنجو الكويت