- للفائدة
- طبعا الغالبيه عارفين بس ممكن البعض ناقص شي فااتمنى ان الموضوع يفيدهم
السلام عليكم ورحمه الله وبركاته
في البدايه احب انقل لكم الحدث وبعدها بشرح لكم ترجمه الشهادات عن طريق وزارة التربيه والتعليم
للفائدة
طبعا الغالبيه عارفين بس ممكن البعض ناقص شي فااتمنى ان الموضوع يفيدهم
بصراحه اخوكم راح يلف الوازارات علشان يصدق بعض الدورات الانجليزيه لمعادلتها في الخارج وردد ياليل ماطولك الشاهد انو رحت لتعليم الفني وحولوني على التعليم العالي ومن التعليم العالي الى نهايه المطاف في التربيه والتعليم ومثل مانتم عارفين جو الرياض لندني هالايام مشالله الشاهد 13مبنى هذا الي عديتهم واحد وراى الثاني وعلى باب الله وكل واحد الي يقول مالنى دخل والي يقول رح التعليم العالي والفني والثاني يقول رح صدقها من الخارجيه ههه هذا مايمديني عليه بصراحه لين خلاص دخلت عند مبنى الاخير بنسبه لي وشل المبنى مبني عام 7قبل الميلاد المهم وبصدفه دخلت على مكتب مدير شؤن الترجمه ان كاني منيب غلطان وانا وجهي احمر والله لايوريكم مع الحر والواحد يمشي والعرق حدث ولا حرج ويالله اتنفس ولقا ذا الشايب الي قدامي وهو متعجب يناظر وشفيه ذا ملحوق واقوله انا بصدق اشهاده يالله صدقه قال وشفيك انت وبعدين وراق معصب:112: واطب في بطنه قلت منكم ومن عمايلكم تتمتعون بتمغيط المراجعين شكلها فطره في موظفين الحكومه الرجال قام يضخك قال الحمدلله انا على الفطرة وانا خربت الاخلاق قلت لا معليش اخطئت التعبير هذا شذوذ قال اوفف شكلك تحب انت؟؟؟
انا بصراحه ما استوعبت بحاول اجمع وش ذا الخبل قاعد يتكلم عن وش بضبط المهم انا ذبيت عليه قلت لا ولله الحمد الشايب قام يضحك ليش وقال اصبر ويفتح الثلاجه وعطيني مويه ويقول علشان تتكلم قلت الحين تبغني اتكلم علشان حب فاض ومروق وابرد ماعنده احر ماعندي قلت انا ماضيع وقتي مع اشخاص يحرجون على انفسهم علشان مبايلي قال بنكمل الموضوع هذا الشاهد انه خذ اوراقي وبد يحقق معاي وش ترجع ومن انت ويايايا وفي الاخير طلعني بدوي ويناديني في اخر السيب يالبدوي تعال انا بصراحه مدري وش قصته والله ياخذ اوراقي ويقولي انت وين جوازك علشان يكون مطابق الاسم لان اي خطا في السبلنج بتنكرش وانا الي اتذكر اني مراسل لجامعه بسبلنج مختلف يمين يسار قال جب شهادات الثانوي كلها 1 2 3 وجوازك وتعال وانا اروح البيت ورجع وخذها وترجمه ل وصدقه وترجم الدورات وصدقه وكان عندة ناس وصارخ على الموظفين الي عنده وين اوراق البدوي وانا لاحول ولاقوه يابن الحلا انا مو بدوي قال للي جنبه شف مو هذا بدوي ابو الشباب بصراحه كبر راسي قال ولله يادكتور ان شكله ولد شيوخ انا سبهت صار ابو الشباب معاه دكتوراه وهو مدير الشباب كلهم ولله بصراحه تعجبت الشخص مرة ماشلله متواضع وقام بوقفه معاي بصراحه كل السلنتح ماسووها وانا من الخدمات الي قدمه لي انحرجت من الكلام الي في البدايه ويوم انتها الدوام ركبني في سيارته ونزلني عند سيارتي اتمنى انو يكون الموظفين مثل د.عبدالعزيز الشعيل
خلاصه الموضوع للي يبغى يترجم عن طريق التربيه والتعليم
1-تعبيه طلب لترجمه
2-توريد الطلب برقم وتاريخ مكتب الصادر والوار
3-صورة من الوثيقه(شهادة التخرج)
4-صوره من شهاده حسن سيرة والسلوك
5-صورة من جواز السفر(ساري المفعول)
6- توقيع المدير.د الشعيل+الختم
ابسطها عليكم خذ شهادة حسن السيرة والثانوي والجواز وادخل المبنى الرئيسي اللي على طريق المطار القديم الدور الرابع ودخل مكتب الترجمه وسلمه بس وبيخلصه بسرعه مشالله عليه سريعه ترجمته وبعده على الخارجيه
في بعثات بتزل انشالله في رمضان للبكلاريوس والتخصات عامه على حد قول مسؤول في التعليم العالي والله يوفقكم
