اتمنى من الاخوان يساعدونك

ان شاء الله شباب قطر مابيقصروون وبخبرونك عن الفعاليات
وانا من وجهة نظري الفعاليات بتكون على الكورنيش او قريب منه لان هذا افضل مكان

تسلم على الموضوع أخوي..
وانا ايضا ذاهب لقطر الحبيبه في العيد..
واريد ان اعرف عن فعاليات عيد الاضحى..

السلام عليكم ورحمة الله وبركاته
أعتذر من الإخوان على الرفع الموضوع
ولكن هذا موضوع كتبته العام الماضي مثل هذا الوقت وسألت عن فعاليات العيد في قطر
ولم أجد أي إجابة فقررت تغيير وجهة السفر
الأن رجعت وكررت نفس سؤالي :
هل هناك فعاليات في قطر أثناء فترة عيد الأضحى المبارك
وماهي الأماكن العائلية ( غير المولات) التي يحبذ زيارتها أثناء العيد ؟
وشكراً

فاروق
عليكم السلام ورحمة الله وبركاته
اخوي انا انصحك 1- بحديقة اسباير (هايدبارك الدوحة) 2- شاليهات سيلين
3- حديقة الحيوان تراها على ما سمعت من اجمل حدائق الحيوان في الخليج ولكن راح تكون زحمة وايد من الاهنود وهذا عيبها في العيد
4- مدينة ملاهي جندولينا بس اهيا في فيلاجيو مول وانت ما تريد المولات
5- مدينة ملاهي جنغل زون وبعد في مول حياة بلازا
ونصيحة لالالالالالالالالالالالالالالالا تروح لونا بارك لانها ما تصلح لاي انسان مسلم
وعلى فكره انا رايح العيد دبي ان شاء الله وما فيها فعاليات وكذلك البحرين ما فيها فعاليات يعني مب بس الدوحة
واذا تريد فعاليات اتوقع في الرياض توجد فعاليات في قرية الثمامه
ومن وجهت نظري
اجمل مكان للسياحة في الخليج دبي وبعدها الدوحة وبعدها الكويت

فعاليات في فعالليات غنائيه تكون يا اما في سوق واقف او في فندق الشيراتون
وفي فعاليات تكون في سوق واقف كل سنه في العيد جدا حلوه كانه الهالوين ههه
وعندك الحي الثقافي راح يسون عليه فعاليات بس شنو هي ما ادري
وعندكم الؤلؤه فيها استعراضات في العيد
اكوابارك قطر حديقة العاب مائيه روعه و فيها سرك
وفي ايضا سر جمب حياة بلازا كل عيد اضحى يجيبونه
وتبي مدن ترفيهيه جدا روعه عندك جوندلينيا في فيلاجيو
وجنغل زون في حياة بلازا

سلف الامة
يكفي الرياض فخر انك تتمشى مع عايلتك باطمئنان
بدون خوف وحذرمن مناظر السفوراللي انتشرت في غيرهامن دول الخليج الله يتمم عليها

الأخ / سلف الامه
يعطيك العافية على البرنامج الرائع
الأخ / the roook
يعطيك العافية على المشاركة والله يجزاك خير

السلام عليكم ورحمة الله وبركاته،،
أخوي بنحف يعطيك العافية، بصراحة ردك زعلني وايد
ليش هل انت جيت قطر وشفت فيها شيء يضايقك
هل حصلت شيء يضايقك في فنادق وشقق الي سكنت فيها الدوحه
هل حصلت شيء يضايقك في شوارع قطر
هل حصلت لك حادثة سرقة او وأنت نايم في الليل شوي تقوم الصبح تحصل سيارتك مدعومة مثل مايصير في بعض الدول
هل حصلت أي قلة أدب من موظفيين الجمارك وإمالة وإطالة
هل تمشيت في مكان في الدوحه ومالقيت فيه اللخوية والفزعة والمرور ورجال الأمن
هل أنت في يووم وقفت وضيعت ومحد ساعدك
الحمدلله نفس الأمان الي عندكم نحنا بعد عندنا واعتقد بالنظام
الحمدلله كلنا نحترم السياح من دول الخليج الأخرى والعمالة من الدول الاخرى
الحمدلله كل القطريين ملتزمين بالشريعة الاسلامية والمساجد منتشرة في كل مكان عندنا
وعندنا فعاليات المحاضرات الدينية في كل مكان
والحمدلله قبل كم أسبوع في الجريدة كانوا كاتبيين أنه دولة قطر من ثاني أو ثالث الدول في العالم من ناحية الأمان
الله يسلمك أهل قطر أهل وقفات وشيمة ونخوات وباقي دول الخليج كل أهلهم نفس الشيء
لكن لو أنت مريت بتجربة تخليك تحكم على أهل قطر و أهل الخليج كلهم بالسوء وعدم الأمان فهذي مشكلتك
ليس من حقك تحكم على الباقي بنفس الشيء
ترى هذي الأسئلة موجهة لكم بعد يا زوار وضيوف دولة قطر
إذا كنتم واجهتم اي سوء تصرف او معاملة من قبلنا فاذكروها وخلونا نتناقش فيها
واسمحولي على الاطالة
وشكراً،،،