السلام عليكم و رحمة الله و بركاته
من فتره رحنا افطرنا في مطعم الوالي في منطقة الفروانية
في مجمع الملتقى
تلقونه على دوار المخفر
بأقولكم قصته ... كان مكانه مطعم قصر التك تك .... كتبت مره عنه تقرير
لكن المطعم فشل
ف شروه مجموعة مطاعم الوالي
و الوالي معروف ...له أفرع كثيره بالكويت .... ب حولي و الفروانيه ...و يمكن السالميه
اللي بحولي ... بجانب الاشاره اللي عند مجمع العثمان
الكل مدحه
حتى حماي مسمي المطعم .... مطعم الفقراء
لانه أسعاره رخيصه
هو نظام بوفيه ... الشخص ب ثلاث دنانير ونص .... أما المشروبات بفلوس ... حسابها غير ...
المهم ....
أخليكم مع الصور ....
طبعا ما قدرت اصور البوفيه ... لانه زحمه
لكن صورت لكم الاكل ...ما خلينا شي ما خذنا منه ... جربنا كل شي ...
أكثر شي عجبني ... السلطات و الحلويات
اما زوجي عجبه المطعم
الصور:
المطعم من برى:

العيش:

السلطات:

الحلويات:

و الاحسن تحجزون طاوله قبل تروحون عشان تتجنبون الزحمه ... لكني ما اعرف رقمهم
ان شاء الله يكون عجبكم المطعم