سعداباد
11-08-2022 - 04:48 am
الاخوه الاعزاء
انا مسافر من الرياض الى جنيف بتاريخ 2 اكتوبر ومخطط اني اجلس في سويسرا كم يوم وبعدين لازم اروح فرانكفورت لان عندي دوره تبدا بتاريخ 16 اكتوبر.
وما اعرف ايش المدن الي اقدر ازورها في المده هذي
قرات تقارير الاخوان واحترت
اعجبتني انترلاكن ولوزيرنولوجانوولوزينومونتيرو واماكن كثيره
حتى حسيت ان شهر ماتكفي انك تزور سويسرا......
ابي منكم فزعه صار لي شهر وانا محتار في توزيع الايام على المدن
ياليت تساعدوني فيها واكون شاكرا" لكم
انا راي : اول اسبوع تبدا من بحيرة ليما ,,, يعني تختار مدينة تسكن منها وتكون نقطة انطلاقك بحيث تطلع منها للمدن الثانية القريبة ,,, اقصد ان مونترو وجنيف ولوزان كلهم على نفس البحيرة وقراب من بعض ابعدهم جنيف ساعة الا ربع تقريبا ,,, اختار اي مدينة تسكن فيها وما انصح تكون لوزان لانها هادية كثير ,,, اختار مونترو او جنيف ,,, او قسم الاسبوع عليهم ,,, واطلع يوم لقلعة شيلون ويوم رحلة قطار الشوكلاته ويوم مثلا تزور ايفيان او لوزان او اي مدينة ثانية تحب ويوم تستكشف المدينة الي بتسكن فيها ... الخ ... يعني رتب رحلتك بالطريقة الي تعجبك
الاسبوع الثاني : تروح لمدينة انترلاكن ,,, يوم تطلع لمدينة لوزيرن ... والايام الباقية تكون في انتر لاكن لان فيها برامج كثير ... واذا مرة جا ببالك تشوف لوقانو ,,, خلي 4 ليالي انترلاكن و 3 لوقانو ... بس ما نصحك بتتعب اولا ,,, وبتحس انك بتطلع من انترلاكن وفي اشياء ما شفتها ثانيا . وهذا الشعور الي جاني اول مرة رحنا فيها انترلاكن ,,, بس الحمد لله ربي كتب لنا لها روحة مرة ثانية وختمت المدينة بالنسبة للاشياء الي كان ببالي اروحها ... بعدين لوقانو احسها تصلح للعوايل اكثر ثالثا