اهلا وسهلا بك بالعرب المسافرون
ونتمنى لكم سفره موفقة يارب
ينقل موضوعك الى استفسارات عمان
لكي يفيدونك الاخوان وهم ماراح يقصرو
بالمعلومات اللى راح تفيدك

مشكور أخوي خالد أبو مشاري على مرورك وطلتك وشرفني مرورك

عزيزي
للأسف لا يمكن السفر ببطاقة العائلة يجب استخراج جواز سفر
الطريق من الرياض ( نصيحة أبعد عن طريق حرض , طريق ضيق وشاحنات ورمال وما يختصر لك إلا حوالي 60 كلم )
والطريق الأفضل
تطلع على طريق الدمام - سعد - خريص - الأحساء - سلوى - البطحاء - أبو ظبي - العين ( عند خول عمان هناك طريقين جديد وقديم على ما أعتقد حوالي 250 كلم وبعدها طريق واحد إلى صلالة ) لكن للأسف نسيت الوصف الدقيق لهم بس فيه خرائط موجودة عند المنفذ والشباب في منفذ الحدود العماني ما شاء الله ما يقصرون بيعطونك اللي تبي

مشكور أخويجزاك الله خير على النصيحه

1. و 250 كم من يبرين الى الحدود تعبي بنزين من الخرج ثم من يبرين

أهلاوسهلا بالنسبه لأفراد العائله لازم تطلع لهم جوازات حتى لو كان رضيع اذا الام ما معها جوازمقروء (الجديد) تقدر تخليهم مضافين معها البنات والعيال اللي ما معهم بطاقة احوال رسوم اصدار الجواز 150ريال اذا معك احد مانتب ولي امره (قاصر او امرأه) لازم تسوي له تصريح سفر من الجوازات الطريق من الرياض الى الحدود (البطحاء)
فيه طريقين الاول: من الرياض تروح للخرج وتلف يسار من الاشارة اللي بعد البرج وتبتل سيده الين توصل للحدود المسافة 500 كم 250 كم من الرياض الى يبرين

و 250 كم من يبرين الى الحدود تعبي بنزين من الخرج ثم من يبرين

الثاني: تمسك طريق الدمام السريع واذا جاك ملف سعد تروح يمين كنك تبي الاحساء وقبل الاحساء بيجيك مفرق قطريمين رح معه واذا جيت عند منفذ سلوى (قطر) بتجيك لوحه الامارات يمين رح معه هالطريق ما اعرف مسافاته
الطريق من الحدود الامارات الى حدود عمان تمشي تقريباً 400 كم الين يجيك ديره اسمها المفرق قبل ابو ظبي ب 20 كم، بتجيك لوحه العين يمين رح معهاتقريباً 160 كم وانت في العين ، لازم تدخل مدينة العين اتجه لمنفذ جبل حفيت لاتدخل البريمي و من المنفذ الين توصل لصلاله بيفيدك هذا
تنبيهات
عب بنزين وانت عند منفذ السعوديه
لازم تريح لك يوم والافضل تاخذه في منتجع مبزّره الخضراء (العين الحاره) تحت جبل حفيت بالضبط او في عبري داخل عمان، بس المتعه في العين تاخذ لك شاليه.
في طريقك الى صلاله احرص على تعبئة البنزين (الكروكي اللي فوق يوضح لك المحطات)
تأمين السياره: اذا جيت تأمن في الامارات قل له خله شامل عمان بعد، افضل من تأمن تأمينين
اطلب من منفذ جبل حفيت العماني يعطونك كروكي الطريق الى صلاله
الطريق الاول: من الخرج يصير سيد واحد الين المنفذ
الطريق الثاني: اغلبه سيدين
طرق الامارات كلها سيدين
الطريق من عبري الين صلاله سيد واحد و فيه اعمال صيانه (افضل شي تمشي في النهار)

أجابوك الأخوان اما بالنسبة للريال السعودي فهو مقبول عند الاخوة العمانيين في جميع المحطات والشقق والمطاعم والاسواق
الريال العماني = 10 ريال سعودي
وبخصوص محلات التمشية فلا يستوعب الرد حصرها وإيفائها حقها .. وستجد ما يسرك بقسم التقارير