عشقي السفر==
13-10-2022 - 08:54 am
السلام عليكم
مثل ماازعجتكم العام بالاسئله وتمة السفره وكانت من الاجمل وعدتكم بالتقرير ولا اوفيت لظروف مرت فيني
السنه هذي زوجي تعب وانا انشدت اعصابي وابي نسافر نريح وتكون فتره نقاهه وشحن لطاقة زوجي من جديد
السفره هذي من تخطيطي والميزاينه بعد
فابي فنادق تكون اسعارها حلوه العام كنت في المنتكالم بس هالسنه حبيته بس ماحبيت سعره لان ميزانيتي محدوده ماعندي راتب وش اسوي
ابيه يكون قريب من الاكسفور والاجورارود بس مايتعدى 150 باوند سواء فندق او شقه
بتكون الرحله في اخر ديسمبر الى 10 يناير بحدود 20 يوم
التذاكر الاسعار تتفاوت من 10 الى 16 الف احجز مبدائي ولا استنى ينزل عروض على الطيران
وحتى الفنادق فيه امل ينزل عليها عروض العام قبل الرحله بيومين كنت حاجزه في الكمبرلاند بس نزل عرض على المنتكالم بينزل العروض ولا مو اكيد
والعام شفت المحلات اللي في الاجوار رود كانت عندهم شقق بالاسبوع بحدود 500 باوند بس بعض الاعضاء خوفوني ان مافيها امان وفيها فار وسخه
على اني شفت وحده قريبه من البنك البريطاني في الاجواررود وكان فيها امان
فكرت اني احجز مبداي في الفندق يكون حجزين الاول لمدة يومين وبعده يبدا الحجز الثاني خلال اليومين ادور شقق واشوف اذا حصلنا كنسلنا الحجز ولا استمرينا فيه
الفنادق كثيرة ومتعددة في محيط شارع الاكسفورد وشارع الاجوارود
وتختلف من حيث المستوى والموقع حسب رغبة كل شخص
ومن وجهة نظري أنصحك بحجز فندق لمدة يومين بشكل مؤقت
ومن ثم اختيار الفندق الذي يناسبكم من حيث الميزانية والموقع عن طريق المعاينة
الشخصية والتجول في محيط المواقع المذكورة وبشكل مباشر
اما بخصوص الطيران وصلتني رسالة عبر البريد الالكتروني
من الطيران القطري تفيد بان لديهم عروض خاصة تستمر لمدة ثلاث ايام فقط
تشمل السفر الى مدينة الضباب لندن .
اتمنى لكم قضاء وقت ممتع ورحلة سعيدة
د/سفر