Canary Wharf ??
اهيه بلندن اصلا و ما تروح لها بقطار .. تروح باندرقراوند ممكن
تصير الجهه الثانيه من النهر
بالاندرقراوند تقريبا 7-10 دقايق من محطه البرج

الف شكر وماقصرت000بس المدينه حلوة او لا

اهيه منطقه مو مدينه لحالها ..
اهيه تعتبر قسم حديث و مختص بالاعمال
بس راقيه و فيها سوق و قهاوي و مطاعم حلوه و راقيه جدا ما يضر تزورها تتمشى فيها

الكناري وارف هي المنطقة المالية في لندن
فيها اشهر بنوك العالم وشركات عقارية ضخمة على شكل ابراج عالية يعني شبه ناطحات سحاب وتمر من تحت الابراج قنوات مائية متفرعة من التايمز مسوينها على طريقة مدينة شيكاغو يعني تقدر تقول عليها شيكاغو مصغرة
منطقة موديرن ورايقة وحلوة جدا في زيارتي الاخيرة للندن رحت للكناري وارف اكثر من مرة فيها كافيهات وجلسات ومطاعم حلوة وفي كافي ومطعم تركي جدا حلو وجوه رايق على التايمز مباشرة
الكناري وارف مايحتاج تشاور احد انك تزورها يعني كأنك بتروح الهايد بارك او الويست مينستر او النايتس بريدج هذي زيهم وما تاخذ منك 10 دقايق بالأندرقراوند على جوبلي لاين و تاخذ الجوبلي لاين من محطة البوند ستريت او الغرين بارك او الويست مينستر
والمجطة على اسم المكان اسم المحطة كاناري وارف تخرج منها تلقى نفسك وسط الابراج
انصحك تزوها ولو لمرة

اشكر الله ثم اشكركم00وماقصرتوا وكل عام وانتم بخير جميعا0