ممكن تعطينا برنامجك كامل محطة الوصول ومحطة المغادره ؟؟؟ وكم عدد الاشخاص بالغين واطفال ؟؟؟ لان شامونيه الفرنسيه بعيده جدا عن انترلاكن السويسريه تحياتي

قوه اخوي اشكرك على سرعه استجابتك لي بعد قلبي ماقصرت .
احنا 3 اشخاص انا وزوجتي وطفله عمرها 4 سنوات , البرنامج هو ان الاسبوع الاول سويسرا
والاسبوع الثاني باريس , وبالنسبه لباريس ماعندي اي مشكله معاها لان خالص من الفنادق الحمدالله .
وانا حجزت سياره لمدة اسبوع واستلمها من مطار جنيف واسترجعها في نفس المطار في اليوم الاخير عشان اسافر باريس مع العلم اني حجزت على الخطوط الفرنسيه .
بس محتار حق سويسرا لان انا حجزت فنادق عن طريق البوكينج .
وانا مسافر في شهر مايو 2012 انشالله . على الاماراتيه
انا حجزت اول 3 ليالي فقط في انسي الفرنسيه قلت اخذ السياره من المطار واتجه مباشره الى انسي الفرنسيه واليوم الاخير قلت اسكن في جنيف عشان اليوم التالي اذهب مباشرة الى المطار. وباجي الايام ما ادري وين اسكن فيها ؟؟؟؟
واذا عندك حل حق مشكلتي ياليت ماتبخل علي اخوي . وانا عندي استعداد اني اكنسل انسي الفرنسيه .
واحجز على الخطه الجديده الى راح تعطيني اياها انشالله . ابيك تفيدني وتقولي شنو اسوي
وابي اعرف ضروري ان هل الاماكن السياحيه في انترلاكن تغلق في عطله نهايه الاسبوع ؟؟؟؟
مثل مطاعم وحدائق وشلالات والزحليقه الصيفيه وغيرها
وانا اسف اني طولت عليك واشكرك وايد حبيبي ماقصرت ....