هلا فيج حبيبتي مزاجيه
المجمعات كثيره بالكويت
يعني ان شاء الله راح تلقين كل اللي تبينه
بسم الله:
مجمع الراية
مجمع الصالحية
سوق شرق
سوق المباركية
مارينا مول
مجمع المهلب
مجمع الفنار

• أسواق الفروانيه حلوه....تعالي على يوم بس مبجر..و لفي كل أسواق الفروانيه: فيها: الحمرا مول + العربيد بلازا + مجمع مغاتير + العربيد للدراريع

و داخل الالحمرا مول أو العربيد بلازا ( جنب بعض) تلقين محل اسمه لوذان أو نوران .... المحلين حلوين...كلهم ملافع و حجابات ملونه روعه
المعارض النسائيه:-
1-معرض بيت ديفا
2-معرض كاريزما
3-معرض بيت الشرق
4-معرض بيت بدره
5-معرض بيوت بهبهاني الشرق
6-معرض بيت لوذان
في أرض المعارض:
معرض اللوازم المدرسية 27 اغسطس - 7 سبتمبر 2007 صالة 8
أي خدمه إحنا تحت أمرج
و حياج الله بالكويت

هلا فيج ابشرج انا بخير و الحمد لله
أول شي حبيت اقول ان الله اثبتج على طاعته
حياج الله بالكويت
ما شاءالله المرام ما خللت شي و ما قالته
و ان شاء الله بتحصليين
و بالنسبة للمعارض راح تزيد خاصه انج بتيين قبل رمضاان
ان شاء الله بتقلاقين اللي اسرج
تسوق ممتع اتمناه لج
اختج زعطوطه

في بلايز حلوة اب H&M , Kookai , Mango , Zara, Bershka.... etc
يصلحون للمتحجبات و للمو متحجبات ^^

الله يعطيكم العافيه ماقصرتو يابنات وبالذات مررام ياقلبي قلبك ماقصرتي ولايهونون الباقيات
طيب بنات بسئلكم مجمع الافنيوز فيه اشياء حلوه ؟ والمجمعات اللي قلتي عنهم في الفروانيه ملاابسهم حلوه ؟ اهم شي المتيريل والخياط لاان اذكر مره قالو لي عن مجمع اسمه سيتي سنتر ماجازلي ابد خياطته واقمشته مره شينه بس ماتوقع دام قالته مرام اكيد انه حلو تسلمين ياقلبي ومره قالو لي عن شارع مبارك السالم او سالم المبارك كذا شارع وفيه محلاات مفرقه اذكر فيه كم محل حلو فيه اكسجين يجيب قطع تنفع لحجاب هذا اللي تقصدينه بسوق المباركيه ولا غيره ؟
وابي يبنات شنطط حلووه ابي سوده وبيضا اللي شافت بطريقها شنط حلوه تكتبلي المحلاات بالوصف الدقيق عشان ماضيع وقتي كلها يومين وعساني يمدي افر هالاسواق وايه صح ابي جزم مكرممين ابي محلاات جزمهم حلوه ومريحه وابوات حلوه
وادري ازعجتكم بس الشكوا لله تحملوني فتره وتعدي وتفتكون مني $:
وعقبال ماردهالكوو في الافراح انشالله

هلا وغلا بالغاليه..
انا منيب منيب كويتيه وان كنت اتشرف لو اني من هالشعب الطيب.
بس بحكم اني رحت للكويت التسوق هنا فعلا ممتع ومميز..
حبيت اعلق على شغله من قلب محب لقلبك يالغاليه..ولو اقدر ارسل برساله خاصه بيكون افضل من هنا
بس للاسف ماعندي هالخاصيه..
ياغاليه..الحجاب شرعه رب العالمين للستر وعدم لفت النظر أتمنى تراعين هالنقطه فيه
الأناقه والغرابه ماتتوافق مع الهدف من الحجاب..
ومن ترك شيئا لله عوضه خيرا منه..
وربي يوفقك ويفرج لك كل هم..
تقبلي تحياتي..

هلا الغالية والله يوفقج بدراستج انشالله
بالنسبة للملابس العملية انا بكتب لج اهم الاماكن اللي بتحصلين فيهم انشالله اللي تبينه .
سوق شرق
الفنار
المهلب
المارينا مول
الافنيوز ( ضروري زيارته فيه كل اللي يخطر عالبال)
العثمان
السندس
البستان
الكوت
محلات الحجابات:
نوران بكل المجمعات موجود
بالمهلب تحصلين اكشاك تبيع الملافع كذلك بالفنار.
ام شنو بعد؟؟؟
اي في معرض مسوينه بمطنقة قرطبة مادري اذا مازال مفتوح او لا يقولون عنده شغلات حلوة
اي وبعد الجنط
عندج لاند مارك الجناط اللي عندهم وايد حلوة عالعموم الجناط بتحصلينهم بكل المجمعات باشكال والوان
وسامحينا عالقصور

اختي حياج الله في الكويت
اذا تبين ملابس وقطع عمليه حق الجامعه عندج المهلب و مجمع العثمان ومجمع النقره الشمالي والجنوبي وهاذي كلها موجوده في منطقه حولي
وسوق شرق والر ايه في مدينه الكويت
وشارع سالم المبارك شارع كله في محلات تبيع ملابس كاجوال للجامعه بس الشارع هذا مو اللي فيه المارينا لان شارع سالم المبارك فيه ثلاث انواع من الاسواق
1 ) سوق السالميه اللي فيه محلات الاتحاد ومجمع العنجري وهناك المحلات كلها تطل على الشارع
العام يعني ماينفع الا التسوق في الليل وهذا معروف فيه محلات الكاجوال اللي يبيعون فيه سوريين واسعارها تبدي من 5 دنانير عاد وانتي وشطارتج اشلون اتركبين قطعه على قطعه
2 )السالميه القديمه اللي فيها القيصيريه وحوش السالميه والمارينا
3) هذا الشارع فيه مجمع زهره وسنتر بوينت والفنار والبستان وليلى جاليري ومريم واغلب المحلات اللي في المجمعات عندها افرع في دول الخليج
4) منطقه الفحيحيل فيها الكوت والمنشر وهذا فيه شغلات وايد حلوه وايضا فيه كويت ماجيك بس بضاعته نفس السالميه بوخمسه يعني شغل سوريين
وهاذي اهم الاسواق اللي ان شالله اتلاقين فيها اللي ابخاطرج يعني تلقين الرخيص والوسط والغالي
وموفقه ان شالله ونورت الكويت بوجودج
حرم الملك

مره شكراا الله يعطييكم العافيه ماقصررتو وجزاكم الله الف خير ونردهالكو في الافراح انشالله