انا بستفيد منك ولا اقدر افيدك ببلد ماجيتها بس التذاكر في 9 على كم

اخي فارس
انا لست من خبراء المغرب
لكن قرأت في المنتدى كثيرا
بالنسبه للتكلفه
الشباب يحسبون معدل اليوم من 1000 ريال إلى 1500
خصوصا انكم مسافرين بشهر 9 بتكون الأسعار مرتفعه نوع ما
والاقامه
مراكش جميله اضف اليها اغادير لقربها من مراكش
اما عن المبلغ
عادي تشيل معاك مبالغ وبالريال
لكن بطاقة الصرف الآلي أكثر امان لكم
أرجو أن اكون قدرت أفديك في شيء
وفي إنتظار الأخوه الخبراء

الانسب لكم اخوي انكم تاخذون معكم ريالات وتحولونها الى دراهم في المغرب (مكاتب تحويل العملات بعد استلام العفش والخروج من منطقة الجمرك ,, فيه مكتب داخل وشكله انيق لكن صرفه جائر ) او انكم تاخذون مبلغ بسيط كاش بالريال والباقي عن طريق السحب الالكتروني ... والخيار لكم
بصراحه مراكش جنه وحلوه وافضل من مدن كثير في المغرب من ناحية الجو والترفيه والسياحه
ومن ناحيتي اقولك مصروفكم يعتمد على توجهاتكم
لو كانت سهر كل شخص بيحتاج حوالي 22 الف ريال
ولو كانت سياحيه كل شخص بيحتاج حوالي 12 الف ريال
ولو حابين تقسمونها بالتناصف بين مراكش واكادير فكره جيده

ماشاء الله الاخوان ما قصرو ...............
مراكش هي مدينة سياحية رائعة ............اذا مش مهم عندك البحر .....
اغادير ساحلية جميلة
الصرف برأي اذا مستوى متوسط 500 ريال اليوم ...اذا فيها تماشي كثير من 1000 الى 1500
بالنسبة للمبلغ مثل ما قالو الاخوان خد معاك ريال
اما موضوع شيل الفلوس ..... ما اعرف ما اعتقد احد ينصح بانه تشيل معاك مبلغك كله وتروح هنا وهناك وتتمشى .... مهما كانت البلد ..... عموما لكل شيخ طريقة في هاد الموضوع بالذات ......
تروحو وترجعو بالسلامة

1. اول شي كم التكلفه لمدة 17 يوم .؟ لثلاث اشخاص شامله كل شي الا التذاكر


2. لكن اللي قريته عن المغرب انه صعب تشيل كامل المبلغ معك ..؟

اول شي كم التكلفه لمدة 17 يوم .؟ لثلاث اشخاص شامله كل شي الا التذاكر

مرحبا أخوي وراح ادخل في الموضوع وتكلفة 17 يوم كل شخص تكفيه انشاء لله من 15000 الف الى 20000 ريال بمعدل وسط ويمكن توفر ويمكن تحتاج زيادة الى حد 3 الف حسب مستوى صرفكم ونظامكم لان فيه مدن غالية ومدن اقل غلاء ولكن خلك متوازن ثاني شي شنو افضل مدينه هل هي مراكش او فيه افضل .؟
هذا سؤال صعب لأن كل واحد له مزاجه لكن خلك معي اول ماراح تنزلوا كازا بلانكا ( الدار البيضاء ) وفي كازا يفضل انك تسكن في عين الذياب و عندك فنادق جميلة وحلوة مثل فندق السويس وفندق فال دي انفا ( هذا حلو جدا ) والحوض الجميل خلك يومين او ثلاثة وبامكانك في كازا تزور ساحة محمد الخانمس وسوق الحبوس وبوابة مراكش ومسجد الحسن الثاني ومشاهدة قصر ابو متعب حفظه الله وهو قريب من عين الذياب وبالننسبة للتاكسي فالمشوار غالبا من عشرة دراهم الى عشرين وتزيد التعرفة في الليل واذا حبيت تسهر فاماكن السهر معروفة وسهلة وهي في معظم فنادق الخمس نجوم ما نصحك تستأجر سيارة لانك اول مرة وماراح تدل الاماكن.. فيه ناس ماتحب الفنادق وتحب الشقق أو الفلل وفي رايي اذا انت مطول في كازا فاسكن اول ليلة في فندق وثاني يوم ابحث عن شقة ا, فلة على راحتك والمغرب بلد جميل ومضياف وأمان وبعدها توجه الى محطة القطار ( كازا بور) وانطلق على مراكش الحمراء وهي مدينة جميلة جدا وفيه شارع قليز وفيها ساحة الفنا بمثابة مسرح مفتوح ممتع جدا جدا وبامكانك زيارة أوريكا وحديقة ماجوريل وغيرها وغيره من ما تتمتع به مراكش من تنوع وأثارة .. استمتع في مراكش خمسة ايام سواء في فناددقها الجميلة او شققها أو منتجع النخيل اذا حبيت ان تكون في مكان هادي وبعيد قليلا عن وسط المدينة بعده ياعزيزي انطلق على جوهرة الجنوب اغادير اللي هي زي الحلا بعد وجبة دسمة .. اغادير مدينة ممتعة وجوها غائم معظم الاوقات وبحرها منعش ومثير وفاتن وهي مدينة رائعة جدا جدا وستعشقها و ستمتع بها جدا وفيه مطعم اسماعيل لمحبي الرز واللحم والسمك ( طعام خليجي ) وشاطئها جميل جدا وسهراتها ولا أحلى وآخر يومين ارجع لكازا استعدادا للعودة وربنا يسعدك .
ثالث شي انا سافرت لاكثر من دوله وكانت فلوس السفره تتحول الى دولارات من السعوديه وتكون بحقيبه معي

لكن اللي قريته عن المغرب انه صعب تشيل كامل المبلغ معك ..؟

لا لا مالو داعي انك تشيل كامل المبلغ معاك شيل 4000 أو 6000 ألف ريال واذا وصلت مطار محمد الخامس وأخذت عفشك عندك ثلثة بنوك عند بوابة الخروج اصرف الف أو الفين لكل واحد منكم وشوف احسنهم صرفا وغالبا يكون الثالث من اليسار لمصاريف أول ليلة تكسي وبطاقة جوال وسوبر ماركت وخلافه وبعده عندك في كل لمدن بنوك ومكائن صراف اآلي في كل شارع واي بطاقة ضارف هنا بالسعودية تقدر تستخدمها هناك بكل يسر وسهولة واي استفسارلا حنا حاضرين ِ

ما قصرتو والله يعطيكم العافيه
يعني ميزانية 20.000 لكل شخص كافيه ؟؟
وبعدين ابي استفسر ..
بالنسبه للصراف الالي ..
كم ياخذ على العمليه الوحده ..؟
وبالنسبه لحجز نص المبلغ تامين .؟؟
(( لانها صارت لي بماليزيا انحجز نصف المبلغ تأمين ولا قدرت استرجعه الا بعد ما رجعت السعوديه بشهرين ))
هل المغرب نفسها ؟؟
وكم الحد الاقصى اللي اقدر اسحبه عن طريق الصرافه .؟
وبالنسبه للفلل والشقق بمراكش كم اسعارها المعقوله .؟
والله يعطيكم الف عافيه

انا اشوف انها كافية خاصة انكم اكيد العملية قطة
ما فهمت موضوع حجز المبلغ ...... اذا قصدك على بطاقات الصرف العادية يعني بطاقة الراجحي مثلا وكذا ...هاي انا استخدمتها وتصرف عادي ما اعرف ايش موضوع حجز نص المبلغ
ممكن الاخوان فهمومها ومايقصرو معاك
الاسعار يالحبيب ...حسب ما بيحكولي الاصدقاء ان مراكش اصبحت مليئة بالسياح خاصة الخليج ...فاعتقد بيكون في ارتفاع بالاسعار ....خاصة نحنا شطار في رفع الاسعار ههه
عموما انصحكم بمنتجع النخيل خاصة انكم ثلاثة بتتونسو ههه اعتقد السعر حول 1700 درهم الى 2000 تصل الى 2300 درهم

الله يعطيك العافيه اخوي
بس ما قلت لي بالنسبه تكون فيه عموله للبنك عند استخدام الصراف الالي
كم هي عموله السحب .؟

حبيبي الله يكرمك
سمعت ان التميز في الراجحي ما يخدو عليه عمولة هاي سمعة ما اعرف الصحة من غيرها
اما البطاقات العادية .... تصدق قاعد اعصر مخي ما اتذكرت لانه المرة الاخيرة ما استخدمت البطاقة .... اعذرني مش فاكر .....
طبعا في جميع الحالات في فرق صرف .... والبنوك صرفها دايما اقل من الصرافين يعني مش في مصلحة العميل ...