اليوم الأول .. زيارة المركز العلمي + مجمعات شارع سالم المبارك بالسالمية
ثاني يوم .. زيارة سوق المباركية + ابراج الكويت + مطعم ميس الغانم ..
ثالث يوم .. زيارة مجمع الافنيوز .
رابع يوم .. زيارة المدينة الترفيهية ..
خامس يوم .. زيارة مدينة الالعاب المائية (اكوا بارك)

اذا انتو تحبون السينما ممكن تحجزون باي مجمع
انا افضل يوم للافنيوز لان فيه سينما ومطاعم وتسوق وكل شي
ويوم للمركز العلمي والمرينا
يوم ممكن تروحون فيه الاكوا بارك وتتعشون بميس الغانم بعد ماتردون البيت تريحون
ويوم ممكن تفطرون ب مول 360 وتدخلون على السينما الظهر وبعد ماتردون البيت ترتاحون تتعشون مثلا بميس الغانم او فش ماركت
لو الجو حلو جان نصحتكم تجربون مشاوي المباركيه لكن بهالحراره والغباره ماراح يكون خوش مشوار بصراحه

وينكم ياهل الكويت ...؟
ننتظرمعلومات اكثر

السلام عليكم
حياك الله اخوي في ديرتك الكويت
افضل من هالبرنامج ماراح تحصل انت تقدر تغير حسب رغبتك بالايام
https://artravelers.com/p/re/253738
بس لازم تزور محافظة الاحمدي
ومجمعات واسواق الفحيحيل بعد
وحاظرين لاي استفسار

اليوم الاول
يكون في 360 سينما وتمشي وعشا في المطاعم الراقيه
اليوم الثاني الفطور في مطعم البلد ثم الذهاب الي المركز العلمي والعشا والتمشي في مجمع المارينا
اليوم الثالث
الافنيوز عالم كامل العاب مطاعم اسواق
والعشا يكون في سوق المباركيه القديم
اليوم الرابع
الغداء في فش ماركت او ميس الغانم ثم الذهاب الى الاكوابارك والمسيله المائيه
والعشا في شارع المطاعم
واليوم الخامس التسوق في اسواق حولي او السالميه او
الذهاب الي الكوت والمنشر
سوق الافحيحيل

الف الف شكر لكم وما قصرتوا مشكورين انا ان شاء الله اسبوع الجاي بجي لكم