عبدالعزيزابومبارك
22-11-2022 - 03:16 pm
السلام عليكم
كيفكم يا اهل الكويت
اهل الطيب والفزعات
انا جايكم اتمشى الاربعا ان شاء الله
انا وزميل لي
وحاب استفسر منكم عن الاماكن اللي تستاهل زيارتها
طبعا مدة الاقامة يومين
وودي اول شي بشاليه رايق وجميل ويكون محافظ بجلس فيه ليلة وحد
وايضا اذا فيه منتزهات واماكن ترفيه ومناظر حلوة او طبيعة
وكذلك المناطق الشعبية
والمطاعم الشهية
وبالنسبة للاسواق ماتهمني كثير
لاني انا وزميلي ما نحب السوق ابدا
الا اذا كان شهبي وفيه اشياء حلوة
صح اني كثرت عليكم بالاسئلة
لكن انا جيت للكويت قبل فترة ولا استفدت شي ابد لاني ما اعرف فيها شي
وحبيت استفزع بكم كما هو معروف عنكم
وايضا من المواضيع اللي اشوفها
الله يجزاكم خير
وبانتظار ردودكم
طيبين الله يسلم
وأحنا تحت خدمتكم
انا جايكم اتمشى الاربعا ان شاء الله
إن شاءالله تجونا وتستاانسون وماتكون الأخيرة
انا وزميل لي
جمعكم بالصالح ولا فرقكم إن شاءالله
وحاب استفسر منكم عن الاماكن اللي تستاهل زيارتها
طبعا مدة الاقامة يومين
وودي اول شي بشاليه رايق وجميل ويكون محافظ بجلس فيه ليلة وحد
بالنسبة للشاليهات
منتجع الهيلتون فيه فندق و شاليهات من غرفتين نوم و صالة ومطبخ وأنت بكرامة حمامين
في محافظة الأحمدي وتحديدا منطقة المنقف على الكورنيش
فندق موفنبيك البدع وهذا رابطه
https://www.booking.com/hotel/kw/moevenpick-resort-al-bida-a.ar.html?aid=1300939
. http://www.bida-a.ar.html?sid=b4d29881518ed1852702f67d2afab367;checkin=2011-10-20;checkout=2011-10-21;srfid=c72f6932915785e2308b8fc753d146c6x5وهو أنصحك فيه لأنه فيه محموعة من المطاعم والكوفيات
وفي محافظة حولي وبمنطقة البدع على الكورنيش
مو شاليهات غرف تطل على البحر
ونفس الموقع فندق النخيل
مو شاليهات غرف تطل على البحر وفيها بلكونات
https://www.booking.com/hotel/kw/the-palms-beach-spa.ar.html?aid=1300939
ونفس مميزات موفنبيك البدع
مو شاليهات غرف تطل على البحر وفيها بلكونات
وأخيرا فندق سفير مارينا
https://www.booking.com/hotel/kw/safir-marina.ar.html?aid=1300939
وهذا عند مركز مارينا مول الفندق من جهة الكورنيش خاص وفيه مطاعم ويخوت تسمى مارينا كرسنت
والمول يفصله بجسر مغلق ومكيف وهذا بعد أنصحك فيه
وهو في محافظة حولي وفي أهم منطقة السالمية وبشارع الخليج العربي
مو شاليهات غرف تطل على البحر وفيها بلكونات
وايضا اذا فيه منتزهات واماكن ترفيه ومناظر حلوة او طبيعة
المنتزهات
مدينة الكويت الترفيهية في منطقة الدوحة وتبعد عن السالمية 30 ،، 45 دقيقة
ومنتزه الشعب بالسالمية بشارع الخليج العربي
الأكواريوم يقع في الواجهة البحرية السالمية وتسمى
ابراج الكويت
كورنيش البدع إلي فيه الفنادق المذكرة أعلاه حتى لو مافي حجز تقدرون تروحون لمطاعمها
كذلك المناطق الشعبية
سوق المباركية
والمطاعم الشهية
مطاعم
للمأكولات الكويتية
مطعم فريج صويلح بشارع سالم المبارك وهو تروحوله من الباب الخلفي من مارينا مول بجانب ماركس سبنسر
والمطاعم الأخرى المعروفة وبكل المولات
فرايديز ،، تشيليز ،،
وبصراحة مالي بالمطاعم حيل وهذا موضوع إن شاءالله يفيدك
مطاعم وكافيهات الكويت ( متجدد ) https://artravelers.com/p/re/527732
بالنسبة للاسواق ماتهمني كثير
لاني انا وزميلي ما نحب السوق ابدا
الا اذا كان شهبي وفيه اشياء حلوة
من أحلى المولات وأكبرها الأفنيوز وفيها تشكيلة واسعة من المطاعم
من اللبنانية فيلا فيروز للمشويات وغيرها من العالمية
صح اني كثرت عليكم بالاسئلة
لا عادي وننتظر أراء وأقتراحات أخوانا وخصوصا الشباب
لكن انا جيت للكويت قبل فترة ولا استفدت شي ابد لاني ما اعرف فيها شي
وحبيت استفزع بكم كما هو معروف عنكم
وايضا من المواضيع اللي اشوفها
الله يجزاكم خير
وبانتظار ردودكم
إن شاءالله هالمرة تستاسون وتعيدون الزيارة
وأي إستفسار لا يردك شئ