لاوآحسايف
29-11-2022 - 07:13 pm
السلام عليكم ورحمة الله
يسعد مساءكم جميعآ
حابين نستشيركم بشغله ياليت الكل يفدينا
نبي وجهة سفر بوسط شهر 3 هجري يعني شهر يناير ميلادي ممكن
على اني قريت ان اول السنه الاسعار ترتفع
بس موعد شهر العسل هالوقت
نبي مكان يكون رائع ونظييف اهم شيء وجو جميل وطبيعه ومناظر
محتاره مره بين ماليزيا مع اني كارهتها كذا مدري ليش
خاطري بجزر المالديف مره والمحروس يقول نروح سيرلانكا ومن هناك للمالديف كم يوم
ومره افكر بتركيا احس جوها جمييل وكذا
خاصة احس شرق اسيا عندهم سلبيات كثير ومافي نظافه وكذا
النمسا كلنا نفسنا فيها بس قالو غاليه والوضع مايساعد حاليا
ابي مكان اروح له وما أندم وعلما ان المبلغ ممكن 10 او 15 شيء كذا
لانه لقى عروض بموقع اريج العالم شيء مجنون مره بس بدون التذاكر طبعا
احس الاسعار مره هناك شيء مجنونه معقول انها صحيح وكذا
وهو رافض فكرة نسافر كذا لوحدنا يبي عن طريق مكتب عشان اول مره وكذا ومانتوهق
ربي يسعدكم افيدوني مابي يجي الوقت ولا فكرت ولاحددت لان هو تارك لي المجال
واسمع بالاغلب ان الحجز مبكر افضل وكذا
بانتظاركم وانتظار اراءكم وخبراتكم
تركيا الجو بارد ,,, المالديف انسب شيء لكم
بالتوفيق