ليش التعب هذا كله ؟؟؟
اغلب المدن تشبه بعض وبعدين تتعبون كذا مثلا زيلامسي وانترلاكن نفس بعض
اشوف الجدول ارهاق

لوتزيرن هي مدينة في غاية الجمال
و هي غير لوزان السياحية المعروفة
إذا رح تستأجروا سيارة فالريف افضل بكثير و لا داعي لميونخ و الترحال الكثير
و انا من رأي الاخت سارة
و لكن تختلف الخطة حسب عدد المسافرين و وجود سيارة و وجود اطفال

السلام عليكم ورحمة الله وبركاته::
والله يا اختي ..الجدول زوين اذا وفقط اذا كانت معاكم سيارة للتنقلات .
لكن لو كانت بالقطارات ..راح تكون فيها هجولة شويتين.
اذا كان هذا مخططكم معتمدينه ..ومرتبين عليه الانشطة اللي بتزوروها ..تمام ..ماعندكم مشكلة.
وحجز الطيران متوفر ومناسب...وايضا ما عندكم مشكلة في كثرة التنقل بين الفنادق...أوكي.
لكن لو ما سويتم شي..ولا عندكم خلفية عن الانشطة ..فيه نوع من التعديل البسيط بخصوص انترلكن ولوزيرن
>>>> لوزيرن جنب زيورخ ..ولوزان جنب جنيف..ومشوار ما بينهما

أنا زرت زيلامسي شهر 3 السنة الماضية وخاطري اشوفها ف الصيف
بصراحة حنا للحين ما سوينا شي ولا حجزنا بس احنا تقريبا 6 اشخاص من دون أطفال
في زيلامسي بنستخدم الباصات المرقمة
في سويسرا افكر نستاجر سيارتين عشان تكفينا مع الشنط
بما أنه الفان قير عادي ولعوزة
في ميونيخ للحين مب عارفة كيف طريقة التنقل
وممكن نلغي القعدة في لويزرن ونروح لها من انترلاكن
وأتمنى تساعدوني بخصوص المواصلات وشاكرة لم تعاونكم

تنقلاتك كثيرة ومتعبة
المدن متباعدة
ومع هذا برد بناء على طلبك ومخططك
الوصول يكون ميونخ البقاء يوم الى يومين
زيارة شلالات الراين
الانتقال قطار من ميونخ الى زيورخ ومن هناك تستاجرون سيارة
ويكون التسليم في مطار جنيف
ولكن بتكون رحلة متعبة لانكم ناوين على زيلامسي

بسيطة ...استئجار سيارة من ميونخ والتسليم في جنيفسيارة تكفي لتسع أشخاص..او سبعة اشخاص.
بإمكانكم البحث عنها في موقع شركة سيكست لتأجير السيارات.
اذا ناسبكم سعرها ...توكلو على الله.

مدري انا بقعد اسبوعين انتو فعلا تشوفون الجدول متعب
لاني ماودي اكنسل زيلامسي وأنا بقعد في زيوريخ كمدينة اريح فيها
ومنها بروح هايدي لاند ولوزيرن
انا ما ابغي استأجر سيارة من ميونيخ لانها بتكلفني واايد
وانا حابة استخدم الباصات في زيلامسي لانها واايد سهلة و رخيصة
من سويسرا ممكن استاجر سيارة وتكون معاي خلال فترتي في سويسرا واسلمها في مطار جنيف
ومشكورين

أوكي..يبقى مخطط المانيا والنمسا قطارات.وسويسرا بالسيارة.
يعني بالقطار من زيلاميسي الى زيورخ ...حلو.
وانا اشوف انكم تستأجرون السيارة في زيورخ والتسليم يكون في جنيف او في مطارها القسم السويسري.
من اي شركة معروفة
سيكست هيرتز يوروب كار أفيس بدجت
ومنها تزورو هايدي لاند في الشرق ..واذا ودكم ايضا شلالات الراين في الشمال.فيه خيار اخر ....
وهو استلام السيارة من مدينة سويسرية اسمها
CHUR
http://www.churtourismus.ch/?&L=4
وفيها مكتب لليوروب كار في محطة القطار
وفيها مكتب لهيرتز قريب من السنتر.
بعد استلام السيارة ...زيارة قرية هايدي..ومن ثم التوجه الى زيورخ.وبالتوفيق باذن الله.

مشكور ياخوي كثر الله من أمثالك