عليكم السلام
حياك الله وبياك
جميل جدا ان ترتب للصفر من الآن
خلني أقول لك بما انك تخطط للصفر من الآن ف ادخل مواقع الشركات شركات الطيران وشوف الأسعار واحجز وكل ماحجز بدري تاخذ بسعر أحسن
وقارن بينهن وشوف المباشر والغير مباشر من الرحلات وشوف الدرجة الأقتصادية والأولى وهالشغلات
أنا حاجز على الهندية ان شاء الله بعد 9 أيام الرحلة
لما أجربه أقول لك
عندك كثيرر خطوط تروح هناك بس عيب بعضهن انها ترانزيت
أما بقية الإستفسارات ف إن شاء الله يجاوبونك الخبراء
ممكن تقول طيب مدامك منتب خبير وشو له تجاوب يالملقوف ؟
اقول لك ياخي لفت انتباهي معرفك وتنهدت تنهيدة قوية وقلت هذا ابن الديرة ولازم أساعدة باللي أقدر عليه
هذي جزاتي اللي اساعدك ؟

ههه الله يقطع ابليسك ياسفرون ضحكتن
حلوة منك ( قارن بينهن) شكله متعوب عليه هذي .
الرجال يبي يسافر لسرلنكا وانت تكلم عن كيرلا ههه
الخطوط السعودية للهاب لكتشن والعودة من ترافندرم على القطرية لإن السعودية ماتاصل لمطار ترفندرم .
الجو السواحل رطوة غير مزعجة والمرتفعات باردة والأمطار مادري هل هو موسمها اولا .
كوتشن لاتقربها على طول اترابالي قريبة من المطار فندق رين فورست ليلة
مونار 3 ليالي في فندق ماونتن كلوب اوذا تريد اكواخ خبرنا
تكدي 2 ليلة فندق كرملا هافن او زوري
كوماركوم منجع زوري ليلة ( للراحة )
كوفلام منتجع ليلا الرائع ليلتين ثم لمطار ترفندرم
9 ليالي و10 ايام
مكاتب الرياض لا تقربها الا فيه واحد تبع اغتقد التميمي يمدحه بعض الأعضاء
مكاتب كيرلا احسن راسلهم عن طريق الإيميل .

درب يرد مايسد
ايه يقارن بينهن
وراه مايقارن ... ياخي انتم ليش تحبون تكسرون مجاديفي ؟
ليش كل مابغيت أكون واو يطلع لي واحد يحوس مريري
شوي ابصيح وأرجع
على طاري قارن
ياخي واحد الحين في كيرلا ..حاجز على الهندية ...التذكرة ب 1800 ريال
انا آخذه ب 2600 ريال وعليها
قلت لخويي يمكن خويك " اللي حاجز " حاجز بدري ..مثلا من قبل سنتين

تحياتي للجميع .. وقبل اجاوب على اخونا الي اتوقع انه الغفيلي ( وخلو عنكم العنصريه يا عيال القصيم )
ودي اقول شي في خاطري لاخوي سفرون .. ودي انك من غير شر تتاخر رحلتك تدري ليه ؟؟؟
لاني اخاف اذا سافرت وخلصت ماعاد تدخل البوابه .. وبصراحه انك تدخل البسمه علينا وتشرح صدورنا بسعة صدرك وبساطتك وسعة صدرك وحسن خلقك
اما انت اخي الغفيلي فكما ذكر الاخوان فعلا 1 و2 و3 خطوه بخطوه ابدأ بحجز الطيران وخليها على مطارين كوتشين وتريفاندروم .. مثل ماقال اخوي درب الي شكله متفق روحياا مع سفرون وما ادري وش اخرتهم
2- حدد المطارات وتوقيت الوصول والمغادره وابشر بما يرضيك وحاول تاخذ رحلات الذهاب الي تقلع من الساعه وحده بالليل وما حولها حتى تصل مع بداية اليوم اذا توفرت لك .. وللحجز الارخص دخل في قوقل حجز تذاكر طيران لكوتشين ورح يطلع لك خيارات كثيره لعدة خطوط طيران سجل رقم الرحله وشركة الطيران الي تناسبك وخذه لمكتب الطيران وخليه يحجز لك
3- لما نتفق باذن الله على التخطيط المناسب تراسل المكاتب كلها وتقارن بين اسعارها
ودمت والجميع بخير

سفرون هه وش جاك 2600 تراك حاجز رجال اعمال.. والله تكبرت علينا وصرت ماتشوفنا شي .
عند موهبة اكتشاف المواهب انا اتوقع سفرون حيكون مشرف البوابة عندما يرجع بس لا تنسى تاخذ معك نوته تسجل فيها المعلومات .
مرحبا مونار اهل الرس حبايبي لي كم صديق من عندهم وعملي كان قريب منهم وسفرون قليل الدسم على القلب .

أخيتي مونار
الله يرفع قدرتس ويسلمتس ويجزاتس الجنة ووالديتس ومن تحبين
لا أبد إن شاء الله معكم على طول ..أنتم أهل معروف علينا وماقصرتوا ونبي نصير معكم بإذن الله دائما
وتراي هذا طبعي الله يسلمتس .. البساطة ..أحطز على هالكيبورد وأكتب وأهذر دون أي تخطيط سواليف مثل سواليفي على عيالي وربعي وأنتم في مقام إخواني
والشكر لكم ومن لايشكر الناس لايشكر الله
أما سالفة العنصرية .. لاوالله مهيب عنصرية بس فز الخفوق وقلت يالله عسا خير
شفت معرف الغفيلي والغفيلي عائلة كريمة بالرس لي منها أصحاب كرام
وليد الغفيلي وصالح الغفيلي ربعي الخاصين جدا واشوفهم أكثر مما اشوف اخواني
ممكن يجي واحد يقول طيب يمكن انت مقطوع من شجرة ؟
لاوالله لي اخوان وخوات بس وليد وصالح ربعي جدا ومن عائلة الغفيلي انعم وأكرم بهم وبعائلتهم
ف الله يسلمتس هذا السبب اللي خلان أرد
وأدري انتس تمزحين بسالفة العنصرية
عاد ودك ترد تقول الا صادزة منب أمزح همن يطيح وجهي ههه
لا معي علم مهيب لتس هالأمور رفع الله قدرتس بين خلائقه
تحياتي وتقديري

درب يرد مايسد
والله ياخيي ما أدري
بس اللي أنا حجزت عليه درجة ايكونومي الظاهر
هم رجال الأعمال بالعالم طفروا وصاروا ايكونومي ؟
والله اني للحين مستغرب...مهيب تراه قعاطة لا والله أنا أدخل بندة معي 200 أشتري ب 17 ريال ولا أبالي
بس فعلا مستغرب جدا وش الفرق بيننا
أنا تراي براسي كيرلا من العام يوم ينزل أخيي الغالي جسران تقريره عنها
والمفروض حاجز بدري التذاكر بس وش تقول عاد

aghofily
اخي الكريم .. بصراحه مش فاهمه عليك واعذرني يمكن هي واضحه لكن شكلي انا شوي متبلدة