بو داحم
03-11-2022 - 11:32 pm
السلام عليكم
مساكم الله بكل خير
انا حاجو من زمان ومرتب امور اني بسافر بنهاية شهر نوفمبر ب اذن الله الى النمسا وسويسرا
وحاجز كل شئ
بس للاسف اكتشفت بعد فوات الاوان ان الجو بكون في النمس وسويسرا مره برد ودرجة الحراره العظمة 0 والصغرى -4
يعني ما تنبغى بريال
وبما اني قاطع التذاكر على مينوخ والرجعه من ميونخ
فقلت اروح الدول الاوربية الي اقدر اروح لها من ميونخ ويكون الجو فيها بذيك الفتره احسن من النمسا
دورت في موقع يعطيك معدل الجو ..
لقيت التشييك وبروكسل وهيك شغلات الجو فيها بحدود 6 درجات
فما ادري شرايكم
تسوى علي اروح ذيك الديا بتاريخ سفرتي الي هو ( 20 نوفمبر رايح وراجع 2 ديسمبر ) ..؟
لاني مابي اروح وتكون ثلوج او امطار واتكي بالفندق وما استفيد بشئ
تكفون ابي شوركم
واذا الجو بكون احسن من النمسا ومافيه امطار
رتبو لي رحلتي ..
طبعا اول يومين بتكون في ميونخ وبستاجر سياره والرجعه بعد بتكون من ميونخ
والباقي عليكم
حنا 4 اشخاص بالغين
والي عنده فكره كم المسافه بالكيلو وكم اخذ وقت بالسياره للدولة الي برشحها لي بسوي فيني خير
انتظركم ..
في شهر 11 و12 على حسب ما أعرف كل أجواء أوروبا باردة جدا والثلج ممكن ينزل في أي وقت .
أختصر عليك الموضوع .. اغلب اللي يروحون وقت مثل هذا أوروبا تكون جلستهم في المدن الرئيسية .
بما أن رحلتك الى ميونخ ,, انصحك بالتالي :
ميونخ - كارلوفي فاري - براغ - فيينا - ميونخ
وإذا ماودك بالتشيك اتجه غرب ل سويسرا , بس أعتقد بتكون متعبة لأن المسافات بعيدة وخاصة ان رجعتك من ميونخ , وهذا السبب اللي خلاني اعمل لك هذا البرنامج لأنه ياخذ تقريباً شكل الدائرة .
يعني تبدأ ب ميونخ وبدون ماتحس تشوف نفسك رجعت ميونخ .
هذا اللي في بالي الآن مأشوف فيه حل أفضل من كذا .