يا هلا أختي وحياكم الله في البحرين ,
بالنسبة لل400 ريال تقصدين لليلة الواحدة ؟؟ ولا لفترة إقامتكم كلها ؟؟ وما هي المدة اللي راح تقضونها في البحرين بعون الله ؟؟
وحاضرين وبانتظار الاجابة

مرحبا اخوي ..
اول شي شكرا لردك
لا طبعا اكيد لليله الواحده ان شاءالله المده 8 ايام
وانا كاتبه باستفساري شهر 8 راح نقدمها بتكون في نهاية شهر 7 في 22 ان شاءالله

1. 5. العرين.

شوفتي أختي , بالنسبة لأبرز المناطق السياحية في البحرين فهي على النحو التالي :
1. ضاحية السيف.
2. الجفير.
3. العدلية.
4. جزر أمواج.

5. العرين.

والبحرين بشكل عام صغيرة في الحجم يعني أبعد مسافة ان شاء الله ما راح تاخذ من موقع سكنكم أكثر من 45 دقيقة بالسيارة ,
أما اذا حبيتوا تسكنون في منطقة بحيث تكون المواقع السياحية قريبة من موقع الفندق ( يعني مشي على الأقدام ) فالجفير تعتبر مناسبة , وضاحية السيف أرقى شوي وتضم نخبة أفخم المجمعات التجارية البحرينية مثل مجمع السيف والستي سنتر وغيرها ,
بالنسبة لجزر أمواج منطقة هادئة والجو فيها أحلى من داخل الديرة وتطل على البحر وشاطئ للسباحة والاستجمام مع وجود مجموعة من المطاعم والمقاهي ,
منطقة العرين بعيد شوي عن المنامة 30 إلى 40 دقيقة بالسيارة ولكنها منطقة سياحية هادئة والجو فيها رايق فيها فندقين فخمين من فئة 5 نجوم وهما ( منتجع سوفتيل الزلاق / على الشاطئ ) + ( منتجع قصر العرين / على تلة صخرية ) ويقع في المنطقة نفسها محمية العرين ( حديقة حيوان ) وجنة دلمون المفقودة ( مدينة مائية ترفيهية ) وبالقرب منها كذلك حلبة البحرين الدولية ,
هذا تعريف سريع لأهم المناطق , طبعاً منطقة الجفير بجنبها تقع منطقة العدلية وفيها أفخم المقاهي والمطاعم , بالنسبة لمنطقة الجفير فهي أكثر منطقة حيوية في البحرين يعني فيها حركة متواصلة 24 ساعة ,, وفيها شارع الشباب الشهير وهو شارع مليء بالمطاعم والمقاهي المفتوحة 24 ساعة وجلساتها تطل مباشرة على الشارع ,, ومنطقة الجفير منطقة صغيرة يعني تقدرون على كل حال تمشون من الفندق إلى شارع الشباب اذا كنتوا تحبون تتمشون ,,
بالنسبة لضاحية السيف حصلت لكم من خلال البحث أفضل الفنادق اللي بهالسعر يعني راعيت الفخامة + السعر اللي تفضلتي وطلبتيه , عندكم سلسلة فنادق ( اليت ) في ضاحية السيف كلها في حدود 40 دينار / 400 ريال ,
وفندق ( أجنحة السيف ) سعر الليلة فيه بالضبط 40 دينار / 400 ريال , على الرابط التالي التفاصيل والصور والخ .. ومن خلال الخريطة كذلك يتضح لنا موقع الفندق ,
https://www.booking.com/hotel/bh/elite-seef-residence.en-gb.html?aid=1300939
طبعاً أجنحة السيف قريبة من مجمع السيف ( مسافة مشي ) , ولكن فندق اليت جراند قريب من مجمع الستي سنتر ( مسافة مشي ) وسعر الليلة فيه 44 دينار / 440 ريال , التفاصيل على الرابط التالي ,
https://www.booking.com/hotel/bh/elite-grande.en-gb.html?aid=1300939
عموماً موقع Booking.com موقع جداً مفيد وفيه تفاصيل الغالبية العظمى من فنادق البحرين , ما عليك سوى بحث الفندق من حيث المنطقة أو مستوى النجوم أو حتى من حيث السعر وراح تطلع خيارات عديدة , وحياكم الله
https://www.booking.com/searchresults.html?aid=1300939

اسعدني ردك وتجاوبك السريع الف شكر لك ..
ذكرت الفنادق ب 400 ريال بس احنا عددنا 7 اشخاص يعني لازمنا 3 غرف كل غرفه ب 400 ريال
او مقصدك عندهم شقق بهذا السعر ..
اتمنى تتحملني شوي ثقلت عليك

400 ريال باليوم سعر فندق انسي يمكن غرفه تصير بس انسب شي لكم هو شقه ادخلي موقع بوكينق او فندق كوم وحطي التاريخ اللي تبين ويعطيك اسعار الفنادق والشقق والانسب الشقق

هلا اختي الغاليه
اوصيك بشقق الاليت رقم 5 بالجفير .. شقق عوائل غرفتين وصاله ومطبخ وحمامين ... وممنوع دخول العزاب ... يعني خصوصيه على كيف مخك ...وبسعر 500 ويمكن ينزل لكم السعر 400 او اقل اذا قلتوا بتجلسون اسبوع او اكثر ... والاثاث ميه ميه ...
على فكرة فوتيشيني

(ماء في السماء).. انا هذا هو طلبي شقه مو غرفه لان احنا كثار واشكرك على رددك ..
(عشقي البحرين).. مشكور يالغالي ان شاءالله بشوف هذي الشقق ماقصرت ..
وبالضبط صح عليك فتوتشيني اسم مكرونه ههه لذيذه
الف شكر وتحيه لكل من رد على استفساراتي .. احلى اعضاء ^^