seniorita
15-06-2022 - 06:07 am
السلام عليكم
هذي اول مشاركة لي بالمنتدي مع اني من المتابعين الجيدين للمنتدى
عندي استفسار بالنسبة لسويسرا ببداية فبراير ، انا مخططة لشهر العسل بهالفترة ولمدة 8 ليالي مو اكثر علشان برودة الجو
لعشاق سويسرا , ماهي افضل المناطق الي اقدر ازورها بهالفتره وتكون فيها انشطة بفصل الشتاء
اكيد بتنصحوني بعدم السفر لسويسرا بالشتاء بس للاسف ماعندي بلد بديل ويكون مناسب لهالفتره من السنة ومناسب لشهر العسل. وانا افضل اوروبا بالرغم من برودة الجو
ياريت تفيدوني لاني محتاره باختيار المناطق الي بزورها بسويسرا
اذا نازلة في مطار جنيف فالمنتجعات الصلجية القريبة مثل مجيف وشامونيه اكثر من رائعة
حاولي ايضا توزيع ايامك على اكثر من منتجع ثلجي سويسري
مثل فيربير - كرانس مونتانا - ساس في - زيرمات والاخيرة اكثر من رائعة وانصحك تقضين فيها 3 ليالي بحد ادنى
في فصل الشتاء ايضا انصحك بالتفكير في القطارات البانورامية لانها ببساطة هي الافضل والامتع في مثل هذا الوقت
احد اشهرها القطار البانورامي قليسير اكسبريس تجربته اكثر من رائعة وماتحلى السفر في الشتاء بدون تجربته
عندك ايضا الاوبيرلاند وهي المنطقة اللي فوق جبال الالب من زيورخ الى انترلاكن فيها الكثير الكثير
على سييل المثال التتلس والبلاتيوس شيء فوق الخيال
عندك ايضا المناطق اللي حول انترلاكن واللي تأتي قرنديلفالد على راسهم واللي فيها هضاب ومرتفعات فيرست
انصحك تقسمين ال8 ايام كما يلي
3 ايام لضواحي جنيف اللي ذكرتها
3 ايام زيرمات وفالي عموما
3 ايام شاليع في قرينديلفالد القريبة من انترلاكن
صحيح المدة قصيرة لكن متاكد جدا انك راح تستمتعين بهذا الوقت من السنة واللي هو المفضل لي شتاءا
طبعا راح تقولين كثير الاماكن والاسامي اللي ذكرتها وقتها بقول لك شوفي الدليل
كل شيء ذكرته اعلاه موجود بالتفصيل الممل في الدليل
مبروك شهر العسل
وعقبالي يارب