العيد طبعا زحمة
لو تحب الزحمة تعال
وشنهي نوعية الفنادق اللي تبيها ؟
تبي خمس والا اربع نجوم
وتبي على البحر والا وسط البلد ؟

هلابك يالغالي
ومشكور على مداخلتك
ابي على البحر وهل السوق ووسط البلد بعيد عن البحر والزحمه الي في العيد ماتقدر تتطلع وتروح وتجي ومشكور

العجيز
لا بتقدر إن شاء الله تطلع وتروح بس المجمعات بتكون زحمة شوية
بس أتوقع مثل كل سنه هالهنود والاجانب بيكونون في حديقة الحيوان مثل كل مره وبتفتكون منهم
إذا تبي على البحر أرشح لك ثلاث فنادق هم الشيراتون والفورسيزون والريتز
الشيراتون والفورسيزون في نفس الشارع يعني قراب من بعض
بس الريتز بعيد شوي وهو يعتبر أفخم فندق في قطر 7 نجوم
وبالنسبة للفنادق المذكوره أعلاه هي مب بعيدة عن وسط البلد لانه بيكون جمبكم معظم الأماكن الترفيهية
مثل مجمع سيتي سنتر والكورنيش وسوق واقف والمتحف الاسلامي وجزيرة اللؤلؤة
والمنطقة ترى حلوه بين الابراج جنك في نيويورك
وحتى المجمعات الثانية مثل فيلاجيو ولاند مارك بتكون قريبة إن شاء الله
يمكن عشر دقايق أو ربع ساعه
بس إنت مثل ماقلت لك بتكون جاي في العيد يعني ممكن تصير هالربع ساعه ساعتين
وحياك الله ولو عندك أي إستفسار ثاني أنا حاضره

تسلمين اختي وماقصرتي
واخجلني سرعة تجاوبك وشرحك الوافي
ممكن اعرف افضل الاسواق بالترتيب وهل اربع ايام كفايه وهل فيه شقق فندقيه في الاوتيلات الي ذكرتي .
وهل فيه اماكان مقترحه للزياره

اخوي اول شي حياك في قطر
ثاني شي انا ارشحلك اذا على البحر
1- جراند حياة
2 - فور سيزون
3 - الريتس
المولات : راح ارتبلك من اكبر مول الى اصغر
1 - سيتي سنتر
2 - فيلاجيو مول
3 - لاند مارك
4 - حياة بلازا
5 - ذا مول
6 - رويال بلازا
طبعا كلهم فيهم سينمات والعاب لاكن
افضل سينما : في مجمع سيتي سنتر او فيلاجيو مول
افضل مدن العاب في المولات : في فيلاجيو مول و في حياة بلازا
بس على فكره حياة بلازا هو المجمع الوحيد الي مافيه سينما
اماكن سياحيه انصحكم بزيارتها
1 - سوق واقف
2 - جزيرة الؤلؤه
3 - اكوا بارك قطر (( هي عبارة عن مدينة مائيه وراح يتم افتتاحها اول ايام عيد الفطر ))
4 - حدقة الحيوان : ( مع اني اشوفها زحمه في العيد فالافضل لاتقربون منها ))
المتاحف
1 - متحف الفن الاسلامي : (( وايد فخم روحو الصبح انتو ويا زوجتتك وخلو العيال في الفندق لانه هو قريب من الفنادق تمشو شوي فيه وتأملو عقب طلعو ))
2 - متحف قطر الوطني : (( اضن انه هو تحت الصيانه ))
مدن ترفيهيه
1 - مدينة صيف قطر : هي عاره عن قاعه كبيره جدا فيها العاب للكبار والصغار واسواف وممطاعم ومهرجانات ))
2 - جوندلينيا : (( مدينة ملاهي في مجمع فيلاجيو مول وهي تعتبر اكبر مدينة ترفيهيه مقطاه في قطر انصحكم فيها ))
3 - جنغل زون : (( ايضا تقع في حياة بلازا مول مناسبه للطفال من عمر 5 الى 13 ))
وطبعا كل مول فيه مدينة العاب بس هذي هي افضلها

العجيز
الله يسلمك
أفضل الاسواق فيلاجيو وعقبه سيتي سنتر وعقبه اللاند مارك
ويستحسن تروح اللاند مارك الصبح لان الجو بيكون حلو في المجمع
وطبعا في مجمعات ثانيه مثل المول وحياة بلازا والرويال بلازا
بس انت روح المجمعات اللي ذكرتها في البدايه لانها كبيره ويمكن ماتكفيك في هالاربعة ايام
بالنسبة للشقق الفندقيه مب متوفر هالنظام في الفنادق اللي ذكرتها لك
وأنا انصحك تزور سوق واقف والمتحف الاسلامي وجزيرة اللؤلؤة
كل هالاماكن حذا بعض وتطل على الكورنيش
ولازم تتمشى بالكورنيش ولو بالسياره لانه شرح ويرد الروح
وجزيرة اللؤلؤة بتكون قريبه حذاك لو سكنت في الريتز بس مثل ماقلت لك الريتز شوي بعيد مب وايد بس الصراحه فخم ويعتبر منتجع كامل متكامل لو تحوس في دواعيسه طول اليوم مابتخلص وايد كبير وفخم

the ro0ok
مشكور يالغالي وفيت وكفيت
بس ممكن اعرف هل فيه العاب مائيه ورحلات بحريه في قطر ومشكور

النوريq
ممكن اعرف اذا تتكرمين علي افضل المطاعم واماكانها وانا من محبين السي فود والا يطالي والهندي والامريكي عارف بتقولين و بقى لا بقى احب الشعبيه بعد
مشكوره اختي بس

العجيز
اي اخوي في اكوا بارك قطر : هي مدينة مائيه راح يفتتحونها اول يوم عيد الفطر يعني زحمه شوي عليها بتكون