أخي الفاضل حياك الله بين اخوانك وخواتك تفيدون وتستفيدون بالنسبه نيويورك ممتازه سياحيه اما بخصوص اورلاندو. أنا كنسلت بحكم الرطوبه والحر رحت بديل حق منطقة لوس اجلس دزني لاند

• وبروح بعد سان فرانسسكة الى سان دييقو وبتم فيها 4 ليال

بخصوص الطريق تعب حييل تقريبا 13 ساعه بدون توقف
انا شخصيا. امس طلعت من لوس اجلس منطقة هولييود الي سان فرانسسكو تقريبا معانه اطفال وكل وقت نتوقف عند محطة البنزيل تكرم حق الحمامات الاطفال 9 ساعات

اخوي أبو عبدالله الله يعطيك العافية وما تقصر
انا عارف ان الرحلة متعبة لكن احس ان حلاتها في تعبها
وانا بيني وبينك افكر اني اكنسل اورلاندو
خلنا نشوف راي الشباب وماقصرت يالغالي

ليش ما تطير من دبي علي الإماراتية ...او البريطانية من لندن.... مباشرة الي سان فرانسيسكو وتاخذ سيارة وتمشي فيها الي اورانج كاونتي وسان دييغو ولاس فيقاس ولوس انجلس ....وتطير للعودة من لوس انجلس مباشرة...
ليش تروح الشرق( نيويورك او فلوريدا)

اخوي عزيز
مشكور على ردك يالغالي
بيني وبينك انا عارف ان هالشغلة متعبة ومكلفة في نفس الوقت لكن هذي اعتبرها رحلة العمر وودي اشمل الشرق والغرب خصوصا ان الخطوط السعودية سعرها مغري
ابي يا اخوان تفيدوني بفنادق مناسبة انا حايس الصراحة
تكفوون ابي ردكم ومساعدتكم

وين شباب امريكا الجماعة نايمين

والله صاحين انا في اورلاندو الآن حر وبلاش اورلاندو روح لوس انجلوس ولاس فيجاس وبلاش ساندييجو روح هاواي كم يوم أحلى، ترى 800 ريال الفندق الليلة كثير انا جالس بفندق الليلة ب84 دولار والفلوس اللي توفرها من الفندق حطها في الشوبنق نيويورك غالية بس لازم تنزل فيها يومين كفاية السيارة شوف ثرفتي او دولار انا معايا لينكولن تاون كار 50 دولار اليوم زيد عليها التاكس والتأمين حلوة الفترة *

1. في عندي كم استفسار

النصراوي العالمي
توصل نيوويورك الساعة 9 الصباح وبنام فيها ليلتين
ثم بطير الى سان فرانسسكو وبتم فيها 4 ليال وبأجر سيارة فيها
خلي اقامتك فيها 3 ايام ,
وبروح بعد سان فرانسسكة الى سان دييقو وبتم فيها 4 ليال
خصصلها 3 ايام كذلك ,
وبروح بعد سان دييقو الى لوس انجلوس وبتم فيها 6 ايام وبسلم السيارة في مطار لوس انجلوس
حاب تسكن بالشمال ولا بالجنوب ؟ وضيف عليها الليلتين اعلاة ,
المدة قليلة ,
وبطير الى اورلاندو وبتم فيها 4 ليال
قليلة جداً المدة ياغالي ,
ثم بطير الى نيويورك ومنها الى الرياضانا عارف ان هالبرنامج ممكن فيه مبالغة او طويل او مطلف نوعا ما

في عندي كم استفسار

1- انا ودي ترتبوني بفنادق في المدن المذكورة فوق بس ابي السعر ما يتعدى 800 ريال لاني بكل امانة محدود بميزانية وانا وزوجتي السكن اخر اهتماماتنا يعني نبي شي نظيف ومناسب ب800 على الاكثر
2- احيانا تتراودني فكرة اني اكنسل يا نيويورك يا اورلاندو 000 لو بكنسل نيويورك بقول لانها غالية ومو سياحية ولو بكنسل اورلاندو لانها حارة نسبيا واللي فيها هو نفسه اللي في لوس انجلوس (لذلك ابي رايكم ومشورتكم هل اخليهم ثنتينهم او اكنسل وحدة منهم)
لا بد انك تضحي بمدينة مدينتين ( اورلاندوا - سان فرانسسكو - سان دييقو ) وانصحك ما دام وصلت كاليفورنيا مر لاس فيقس 3 ايام ,
3- بالنسبة لاجار السيارة من سان فرانسسكو 000 ابي اسعار مناسبة وودي بسيارة مرتفعة 000 ابيكم تفيدوني
4- هل تشوفون ان المدة مبالغ فيها والا لا ؟؟؟
5- في مدينة تبعد عن سان فرانسسكو اسمها "ليكتاهو" ويمدحونها ... تنصحون نزورها والا لا ؟؟؟
وسلامتكم وننتظر افادتكم
كم مدة الرحلة ياغالي ؟
امر السيارة والسكن سهل لا تشيل هم , بس لا بد انك تزيد عدد الايام او انك تقلص بالمدن لتستمتع بالبقية ,
بانتظارك ومستعد لعمل الترتيبات معك خطوة بخطوة ,
دمت بخير , , ,

1. 1- ابي ارخص طيران داخلي في امريكا

اخوي وليد اشكرك جزيل الشكر على ردك وتواصلك
مو كأنها كثيرة 9 ايام في لوس انجلوس !!!!!!
والله انا رحلتي اذا الله اراد في 18 اوكتوبر ورجعتي من نيويورك في 8 نوفمبر يعني تقريبا 22 يوم
بالنسبة للاس فيقاس مالي خاطر اروح لها لان اهلي راحوا لها قبل اسبوعين ولا ينصحون فيها للوضع المخل فيها فققرت اتركها نهائيا
انت خطط لي وتكتك لي عدل من 18 اكتوبر من نيويورك الى 8 نوفمبر في نيوزيورك لاني قررت اخذ تذكرة الخطوط السعودية
في عندي زيادة على ذلك استفسارين

1- ابي ارخص طيران داخلي في امريكا

2- من خلال استفساراتي للشباب والبحث المتواصل استطعت الحصول على كم فندق في المناطق المذكورة اعلاه باسعار مميزة وابي مشورتك اخوي وليد والاخوة البقية:

• في نيويورك حصلت فندق The Edison الفندق هذا في منطقة التايم سكوير 3 نجوم وسعر ليلته 259 دولار "المصدر موقع ايكس بيديا"
• في سان فرانسسكو حصلت فندق the best western plus tuscan inn الفندق هذا في منطقة الفشر مان وارف 3 نجوم وسعر ليلته 197 دولار "المصدر موقع اكس بيديا"
• في سان دييقو حصلت فندق Hyatt regency la jolla هذا الفندق في منطقة لا جولا 4 نجوم وسعر ليلته 195 دولار "المصدر موقع اكس بيديا"
• في لوس انجلوس حصلت فندق Sofital los angeles هذا الفندق في منطقة بيفيرلي هيل غرب هوليود 4 نجوم ونص سعر ليلته 231 دولار وحصلت كذلك فندق Avalon hotel beverly hills طبعا هذا الفندق وااضح في منطقة البيفيرلي هيل 4 نجوم سعر ليلته 216 دولار "المصدر موقع اكس بيديا"
• بالنسبة لاورلاندو ما دورت الصراحة ابيكم تنصحوني في فندق زين وفي منطقة حلوة

مثل ما قلت قبل ... انا محدود بميزانية معينة والفنادق اعلاه حصلتها في مناطق نصحوني فيها شباب
ابي رايكم في الفنادق واذا عندكم الترناتيف او بديل في حدود السعر اعلاه لا تبخلون علينا

في استفسار ثالث واتمنى ما اكون ثقلت عليك اخوي وليد
3- اقدر احصل في سان فرانسسكو او سان دييقو او لوس انجلوس فندق في داخل الغرفة بركة سباحة خاصة ؟؟؟ ممكن اقول بشكل ثاني في فنادق في بيج فيها بركة سباحة خاصة لي انا صاحب الشاليه ؟؟؟