حياج الله اختي .. ورده تحت الثلج .... نك جميل اعجبني الوصف
عالعموم ان شاء الله ما نقصر وياج اختي الكريمه
قبل لا ندخل بالتفاصيل كم المزانيه ؟؟ وكم يوم الرحله
:::::::::::::::::::::::::::::::::::::::::::::::::: ::::::::::::::::::ك
اذا انتم 2 افضل الفنادق .. الخطوط ممكن المصريه هي الارخص والقطريه والامارتيه يروحون فينا
انا بنتظارج

مرحبا.. الميزانيه تقريبا 30 الف ..وفيه ولد عمره سنتين ونصف انا رافضه اخذه معي بس ابوه مصر اخاف يخرب الرحله علي موعد الرحله اذا الله اراد هو 22 يوليه_تموز ..والعوده 5 اغسطس_اب طبعا نفس مو موجودبالتقويم كتبته..اذا فيه اي غلط ياليت تعدلي..ابغى اعرف التوقيت اللي اخترناه كويس ولا لا ؟؟المده اللي اخترناها كافيه ولا ننقص منها ؟؟وش الاماكن اللي ممكن نزورها؟؟وكم يوم نجلس في كل مدينه؟؟ابغى في كل مدينه ايش الفنادق النظيفه واسعارها معقوله علشان نحجزها؟هل الميزانيه تكفي للرحله ام لا؟؟من وين نحجز على اي خطوط؟؟ومتى نبدا بالحجز؟؟والاهم من هذا كله انا رافضه اني اكشف طبعا راح البس نقاب هل اواجه مشاكل هناك بسبب العبايه ولا عادي شي متعارف عليه عندهم؟؟اخيرا تنصحوني اخذ ابني ولا اتركه؟؟اسفه جدا على كثرة الاسئله ..واتمنى القى لها اجابات علما ان هذي اول سفره لي خارج المملكه علشان كذا اسئلتي كثيره..

حياج الله اختي الكريمه ..
اولا بالنسبه للطفل انا انصح بعدم اخذه معكم بالرحله .. لانه اغلب الفعاليات غير مناسبه له .. ثانيا اذا وجد احد يهتم به وانتم مسافرين .. الافضل تركه ..
سؤال هل 30 الف شامله التذاكر ؟؟
عموما توقيت السفر جيد والاجواء جميله وصيفيه ..
المخطط كالاتي .. فينا 4 ايام سالزبورخ 3 ايام زيلامسي 4 ايام ميونخ يومين للتسوق والعوده منها 13 يو الرحله ..
طبعا نعرف كم المتبقي بعد خصم التذاكر والسكن والفيزا .. وان شاء الله كافي المبلغ ..
حجز التذاكر من الان اذا كانت سفرتكم مضمونه .. وطبعا الخطوط السعوديه ما تروح هذي السنه الى فينا وميونخ ممكن اتشوفين خطوط اخرى ..
بعد التذاكر نبدأ بالفنادق .. والاماكن السياحيه ..
اشلون اللغه عندكم ؟؟
وتحياتي لج

مرحبا ..30 الف شامله التذاكر ..اذا ماتكفي عطني خبر..علشان ننقص من عدد الايام ..بالنسبه للغه ماشي الحال مو ذاك الابداع بس زوجي يمشي حاله ..طيب على اي خطوط احجز ابغى ارخص شي؟؟وجزيت خيرا..

بالنسبه لموضوع العبايه مافي اي مشاكل عليها ..والنقاب هل هو عادي ولا مستنكر ؟؟

حياج الله اختي .. العبايه والنقاب ما في مشكله .. سواء كانت سوداء او النقاب والعبايه الوان اخرى
.. الميزانيه ان شاء الله كافيه وسوف اضع لكم فنادق سعره جيد ان شاء الله
شوفي طيران المصري او الاتحاد ..

السلام عليكم ..بالنسبه لموضوع الحجز زوجي لقى حجز على الخطوط القطريه بس احسها غاليه مجموعها 8000 لشخصين ..طبعا من الرياض ..وش رايك ؟؟مافي ارخص من كذا؟؟انتظر الرد..

وله غاليه ... ممكن اتشوفون الاردنيه والمصريه والمارتيه ..
لان بصراحه الظغط صار على القطريه والمارتيه .. علشان جذيه بدت تخلص المقاعد المخفضه ..
لكن جربي بمكتب ثاني .. لاني اعتقد السعر قبل فتره بسيطه 3200 ريال

السلام عليكم ..عندي استفسار بخصوص الفيزا ..كيفية استخراجها؟؟وبكم قيمتها؟؟ومتى الوقت اللي استخرجها فيه؟؟وهل صحيح انه من ضمن شروطها ان يكون فالحساب مبلغ وقدره 30000الف ريال لكل شخص مسافر يعني مثل انا وزوجي يصير المبلغ 60000الف ريال ؟؟؟؟بصراحه انا مافهمت هالنقطه ياليت تفهموني اياها..شاكره ومقدره..