أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم ورحمة الله وبركاته
اخواني الكرام مثل ما قراتم في العنوان
عندي ترانزيت 9 ساعات وبعدها رحلتي الى جدة الساعة 12:45 ويش اقدر اسوي فيها بالضبط؟؟؟
ياليت تفيدوني ولكم جزيل الشكر
مشكور اخوي على ردك الجميل
الله يحلي ايامك ويسعدك
وقطر منورة باهلها من امثالك
وصولي الساعة 4:45 ص من هونج كونج يوم 26 نوفمبر يعني الاثنين ان شاء الله في الفجر
واعتقد انه وقت صعب عمل في اي شيء ولا ايش رايك
المشكلة اخوي في وقت وصولك
يعني اول 4 ساعات ما بيكون في مجال تسوي شي لان كل مكان مغلق ..
يعني بيكون عندك مجال ساعتين .. من 10 الى 12 انكك تكون في احد المجمعات .
وانصحك بزيارة مجمع فيلاجيو ..
ولو انا مكانك واوصل الساعة 5 الفجر .. بخذ لي غرفة في فندق انام لين موعد الطيارة
حياك الله وانا اختك ....
فعلا الوقت مرة بيكون ضيق عندك وخصوصا على هالزحمات
يعني ليما توصل وتطلع من المطار يكون ابتدا وقت الذهاب للعمل والمدارس والجامعات
والله يعينك على الزحمة وطيارتك الساعة 12.45 يعني لازم تكون بالمطار من 10.30 على الاقل
واغلب المولات والمجمعات تفتح الساعة 10 ص اللهم السوبر ماركت وخلافة....
لكن عندك هالوقت تمر على سوق واقف حلو وجدا بيعجبك ...وممكن تاخذ جولة على كورنيش الدوحة
الجو جدا رائع ... وممكن تشوف مبنى الستي سنتر تلف على الاقل فيه ممكن يكون شيء فتح من الصبح ...وان شاء الله المرات الجاية تجلس فترة اطول في قطر ...واي خدمة ابشر بعزك وسعدك
مالك الا سوق واقف
صبح عليهم من صباح الله
وبتلاقي الريوق الطازج والحليب الطازج والكرك اللي على كيفك
بس لازم تلف عشان تلقى هالمطاعم اللي تفتح بعد صلاة الفجر
وقعدة أحلى منها مافي مع هالريوق الحلو
وتنور الدوحه بمرورك يالغالي
وتنور قطر فيكم
متى توصل بالضبط...ومغادتك هذي بالليل او النهار
عشان نرتب لك زيارات حلوة وخفيفة ...