بحاول اجوابك على اللي اقدر عليه الى ان يفيدك الخبراء والاعضاء
اولا : فيزة الشنجن تقدر تستخرجها من القنصلية السويسرية او من القنصلية الايطالية
هذا رابط القنصلية السويسرية وبتلقى العنوان فيه
http://www.eda.admin.ch/eda/en/home/reps/asia/vsau/cgjed.html
وهذا رابط القنصلية الايطالية
http://www.embassypages.com/missions/embassy6784/
وهذا موضوع بيفيدك لاستخراج الفيزا
https://artravelers.com/p/re/708679
ثانيا : الحجوزات الوهمية تقدر تسويها عن طريق موقع بوكنج وتختار الفنادق اللي فيها الالغاء مجاني وبتلقاها متوفرة
اما المكاتب اللي في جدة فما عندي خلفية عنها لاني من الامارات وان شاء الخبراء والاعضاء بيفيدونك فيها
ثالثا غطاء الوجه فما فيه اي مشكلة في سويسرا ولا في ايطاليا والوضع عادي
رابعا : فترة سفركم قصيره فمن وجهة نظري ما له داعي زيارة زيلامسي لانها بعيد ولتشابه الطبيعه مع انترلاكن
خامسا : الديزل افضل واوفر والفرق بسيط ,, وميزانية البنزين تعتمد على نوع السيارة واستهلاكها للبنزين وحركة تنقلاتكم والاماكن اللي بتزورونها
سادسا : الجارمن تقدر تحصل انواع كثيرة ومختلفة السعر والخصائص في المحلات واهم شي تنزل خرائط اوروبا فيها
وتشوف اللي يناسبك منها بالنسبة للسعر والمواصفات , والانواع اللي اشوف المسافرين يستخدمونها في سويسرا
جارمن 255 وونوفي 760 ونوفي 1390 ونوفي 1300 وهناك دايما اصدارات جديدة
سابعا : القرى اللي قرب انترلاكن كثيرة اهم شي االسكن اللي يناسبكم فيها والمكان ومن هذي القرى
Lauterbrunnen , Grindelwald , Wilderswil , Brienz , Meiringen , Spiez , Beatenberg , Frutigen
ثامنا : بالنسبة للسيارة تقدرون تستأجرونها من مواقع الشركات على النت او من احد مكاتب الشركات في جدة
وبما انكم بتنزلزن في ميلان وبتغادرون منها فالافضل اسئجار السيارة من مطار ميلان وارجاعها في نفس المطار والافضل القيام بحجز السيارة قبل فترة .
واتمنى لكم رحلة ممتعة