صدى الصمت
10-05-2022 - 03:45 pm
بسم الله الرحمن الرحيم
أول شي أحب أشكر كل القائمين على المنتدى نت مراقبين ومشرفين وأعضاء وقراء مره كل البشكه
وبصراحه الموقع فادني كثير بسفراتي الخاصه وسفرات من حولي من لأقارب وأصحاب
وعلى فكره ترى خالي يسلم عليكم توه راجع من شهر عسل من ماليزيا ونصحته بموقعكم وجاء وشاف
الشغل المرتب ما قصرتوا جميعا بيض الله وجيهكم
طيب أنا رحت قبل كذا لماليزيا وصراحه البلد روعه لكني ما تنقلت كثير بين الفنادق
والمره هذي أنا إنشالله بمشي بعد شهر تقريبا وأبي أسأل عن فندق ديناستي بكوالا وين موقعه بالضبط
على أي شارع ووينه عن أبراج بتروناس وكيف الفندق بشكل عام
وأبغى أستفسر عن فندق قولدن ساندز ببينانج من كل النواحي
وفندق هولداي فيلا في لانكاوي وكيف نظامهم غرف وإلا فلل أو شاليهات ما ني عارف نظام السكن
حقهم بالظبط
ومشكورين
ترى هذي أول مشاركه لي كنت أدخل وأقرى بس توني أسجل
عطوني إستشارتكم مشكورين
وبالتوفيق
حياك الله اخوي صدى الصمت ونورت منتداك .
عليك وعلى خالك السلام ...الحمد لله على عودته بالسلامة .
ديناستس فندق على شارع ايبوه ...عارف عمارة الحزب الحاكم
امنو ...الشارع اللي وراه ...يعني 7-10 دقائق بالتاكسي للبرجين
او شارع بوكيت بينتانغ ...لو انك عارف المول اللي قدام بان باسفيك
هذا الفندق ابعد منه .
جولدن ساندس ...اخت راسا ساينغ الصغيرة ونفس الشركة ونفس المالك
ونفس الشاطيء ...اللهم انه اقل وارخص شوي لكنه ممتاز وفخم وطيب .
هوليدي فيلا لنكاوي ممتاز ونظامه غرف ...هو فندق في الحقيقة
لكن منظره مش فندق لكن ممتاز جداً وسعره جميل وفيه .
موفق اخوي ورحلة سعيدة بأذن الله تعالى والسلام عليكم