كيف الحال اخوي الوشق ؟؟؟
اولا : الغربة ماهي حلوة عن الاهل لانكم راح تحسو بملل لحالكم في ماليزيا
ثانيآ : صحيح انه ماليزيا جنة وروعة والعيشة فيها حلوة لكن ماهي زي بلدك الام وماتقدر تتاقلم مع جوهم وطريقة
عيشهم اذا كنت من بلد عكسها تمامآ .
ثالثآ: سؤال مهم هل المدام موافقة على ان تتغرب عن اهلها ووطنها ؟؟؟؟؟
رابعآ: نصيحة من اخت لك تقبلها مافي احسن من وطنك ولا راح تحس بالامان والاستقرار الا فيه بين اهلك وناسك
وصدقني (مين خرج من داره انقل مقداره).................
واسفة على الاطالة واتمنى انك تكون قبلت رأي بسعت صدر اخوي الوشق وكل ما اتمناه لك التوفيق في حياتك وفي
النهاية الامر راجعلك والله يخترلك مافيه الخير لك .

شكرا لك اختي ام هشام اما المدام فأهلها عايشين بالسويد من 20 سنة يعني كذا غربة وكذا غربة صحيح كثير مما قلتيه لكن هل يمكن التأقلم مع العلم انني لن أقطع بلادي ولكن قلت أن اولادي ممكن يستفيدون ايضا من الدراسة وأغير جو بعد 28 سنة خدمة بالدولة يعني ابا أرتاح كم سنة فهل ممكن مع حرصي على المحافظة على الدين وهو اهم مافي الامر مع شكري لك اختي ام هشام

السلام عليكم ...
صبحك الله بالخير عمي الوشق وحياك ربي .
موضوعك حلو يا عمي لكنه واسع ...
دائماً اقول سواء هنا او بماليزيا :
عطوني 10 مليون و10 سنين بماليزيا ارجع لكم داتوء
داتوء=سير ....احب امزح مع اني واثق من كلامي .
عن نفسي ضد مقولة اللي يخرج من داره يقل مقداره ...
موشرط ...الحضارم وصلوا اندونيسيا وزاد مقدارهم
الصينيين وصلوا ماليزيا وزاد مقدارهم والاوربيين وصلوا
امريكا وزاد مقدارهم ... كثير من الناس وصلوا دارنا
واليوم وزراء ومسؤلين عندنا وقبل يومين عندك دليل .
الحق ينقال ...البلاد صارت دارهم والارض ملك ربي .
ماليزيا دولة ولا اروع ...وانت ماشاءالله متقاعد ورايح
انا انتظر اخلص دراستي وعفشي على ظهري
في ماليزيا
تريح بالك وفيها استجمام وخضرة وماء ووجه حسن
بلد اهلها طيب وبشوش واجتماعي ...وبلد اسلامي
والله اشوف تمسكهم اقوى ...اسئلني ليه ...
هنا بعضهم يروح المسجد يخاف من ابوه او امه
او اهل الحي ...الخ .هناك جنبك الخمارة ..والديسكو
في الخط الثاني وتلقى بعض الناس في المساجد بالله
وش رايك في هذا البني الادم اللي كل الشهوات والمغريات
جنبه لكن يتجه لله ...البنت هناك تلبس طرحتها تعبد لله
وان ما لبستها ما احد راح يكلمها او يحاسبها ...
ان كونت علاقات هناك حتكون حياتك متعة وسعادة ما بعدها
متعة وخاصة ان كانوا يخافون الله ...شعب متحضر ما عنده
العصبيات ويعاملك بأخلاقك ونخرج الشواذ ...
وان كان عندك راس مال طيب تقدر تسوي شيء هناك
وتسوي تجارة ...دائماً اقول للماليزين حنا ملوك الدنيا
ترى امزح معاهم لا تحسبني قليل ادب
المسلم يحترمنا لانه عندنا مكة والمدينة والكافر يحترمنا لاننا
ان صكينا الابار بوش يمشي كعابي لبيته الابيض
اجل هذا القانون يمشي هناك وتلاقي احترام كبير ان جمعت
بين الشيئين ..ما ابغى اقول انه هذا غلط او صح لكن هذا الواقع
وان كان مر ...وترى فيها تجديد لحياتك ...كم سنة حنا حنعيش؟
ننيسط بما يرضي ربي عسى الله يبسطنا دنيا واخرة ...وخدمت
الدولة وما قصرت وسويت واجبك وزيادة وشوف حياتك يا عمي
العلاقات الانسانية جميلة ...وحلو يكون لك ناس هنا وناس هناك
تفزع لهم ويفزعوا لك ...
السلبيات ...
راح تتغرب وتشعر بوحشة وخاصة في بداية الطريق
وهذه بيدك تخلصها وتغيرها ...وترى عاداتهم غير .
عندهم الغطاء مو مثلنا ...يعني ما في مجلس حريم ومجلس رجال
كلهم مع بعض لكن الحريم مغطين شعورهم ولابسين حشم .
لابنائك ...هناك صعب شوي تمسكهم لانه كل شيء مفتوح
وموجود ...والبوي فرند والغيرل فرند عندهم زي الحلاوة
الا عند بعض الملتزمات ...وبعدين كيف حيكون نظرة الناس
لابنائك ... الطيبين حيحترموكم لكن الكثير حيستغلوكم يا اثري
شعب ...ماهم عارفين حنا غلابة
الطبقية تراها موجودة عندهم ...ان لقيتها فمعناها الدولة
ما زال فيها جاهلية ..هذا ولد الفلاح وهذا ولد التان سيري
وهذا ولد الداتين وهذا ولد التنكو وخذ من هذا الكلام ...
تراها القاب شرفية ...وتلقى تفضيل لانها دولة ملكية وخاصة
في الولايات اللي فيها سلاطين ...ادري انه كلامي يزعل لكن
هذا اللي شفته ...تبغى تصير داتوء ؟ انا اعطيك الطريقة
بس قبلها اجلس عندهم 10 سنوات
الامان حسب المكان ...سجع الماليزيين يقولون
(kuala ganas) يعني كوالالمبور متوحشة .
امانها تعبان ...خلك من السياحة ..السائح يجيك كم يوم
ويرجع ديرته وما يحس بها الا الي جلس بها فترة طويلة
سرقات واغتصابات وشذوذ ودعارة واغلب البلا موجود .
حتى نجد انه اغلب البيوت حاطين شبك على الباب والشبابيك
مثل السجن ...وكنت في المطاعم احط جوالي وعفشي على
الماصة واسيبها واطلب طلبي ...كانوا اصدقائي الملايو
يخاصموني على تصرفي ...ويقولوا انت ما انت في مكة امن وامان
انت في ماليزيا لو غفيت دقيقة انت ممكن تنسرق ...اللهم لك الحمد
على النعمة ....
نجي للصرفيات ...البيت تبغاه كيف ...الجار قبل الدار
خذها في مكان راقي لاجل يكون جيرانك ناس راقيين ...
ما اقصد احتقر الغلابة لاني انا غلبان واللي يحتقر نفسه حقير
لكن قصدي ما ودنا احد يطمع فيك ويكون المنطقة امنة وخاصة
ان كانوا مسؤلين او شخصيات مهمة ..ومنها علاقات ...انت كسبان
وهم ايضاً كسبانين ....والصرفية على حسب الشخص .
عندهم هناك اول مربوط للمدرس المتخرج من الجامعة بين 900-1200
رينجيت وتكفيه ...وتشوف البنات والشباب اللي في المحلات يبيعون
راتبهم في حدود 700-900 ريال ويكفيهم ...الدولة رخيصة وبسيطة
ويكفي انك تعرف انه اثرى رجل بماليزيا ما وصلت ثروته 1 مليار دولار
امريكي .
السيارات عندهم غالية ...مثلاً لكزس 400ls عندنا ممكن تلاقيها
ب190 الف ريال ...هناك نادرة مثل الماس الاسود وسعرها 400 الف
رينجيت ...واللي مثل الصني فوق 60 الف ريال .
وسنوياً تدفع ضريبة للسيارة والطريق ...حسب الcc حق سيارتك .
وحتى البيت ترى له ضرائب .
وان بغيت سياراتهم ترى ارخص شوية ...عندك كيمبارا شبه السوزوكي
فيتارا وسعره لو مستخدم نظيف ب40 الف ...وان جديد زد 15-20 الف
لكن عيبه يشرب البنزين شرب ...واصغر السيارت كانشيل ب16 الف
تلقى مستخدمة وعادي ومحندقة .
البنزين اللتر ب1 رينجيت وكسور يعني غالي ورفعوها قريب
عشان كده تشوف اغلب التكاسي قلبوا مكاينهم غاز ..يملون غاز
ارخص ...رغم بساطة الدولة مادياً الا انه المادة لها صيتها
وكلمتها ...الله يكرمكم حتى دخول دورة المياه ب20 سنت .
حتى الوساخة ودك ترميها لا بد تدفع ...
الدراسة عندهم مستواه عالي ...في شهرين احس اخذ
فائدة سنتين عندنا ...
الحياة في القرى اجمل وابسط ...ناس باقية على نياتها
ما عندهم الفراخة على قولة خالي
بغيت الملتزمين روح كلنتنان وان بغيت الوجه الحسن
اتجه لقدح وان بغيت الناعمين روح ترنجانو وان
بغيت اللي لسانهم طويل وقلبهم ابيض روح ملاكا
وان بغيت ناس على اصالتها باقية روح باهنج
وان بغيت ناس عيونهم احلى عيون روح نيقري سيمبيلان
وان بغيت ولاية التناقضات رح جوهور
وان بغيت ولاية ناسها طباخين ويحبون يتزوجون العرب
رح لبينانغ .
وان بغيت تزور حبايبي رح لبيراك
عمي الوشق ...جالس اكتب وما ادري هل كلامي
يفيدك ولا انا جالس اهرج لحالي
كلامي وان دخلت فيها مزاح تراها صحيحة ...
فكر اول شيء واستخير واطلب الله وبعدها توكل على
الله في اختيارك سواء الذهاب او البقاء ....
عن نفسي ان شاء الله رايح وهل تطيق وداعاً ايها الرجل
شكله اللي اسويه طيش شباب ان شاء الله لا ...وانا مقتنع
يقولوا نفكر بقلوبنا مو بعقولنا ...طيب ما القلب له حق كمان
بس لا تخليني اندمج واطلع كل اللي عندي ...عمي حأرسلك
رقم المحامية واتكلم معاها ...وترى معارفها كثيرة وتوصلك للمدعي
العام ان بغيت ومشاريعها يا كثره ...اراضي ومطاعم تدلك اللي تبغاه
تراني ما اضمن احد الا نفسي قبل ما تسوي اي شيء اسئل
اول وتأكد ...هي حاجية تابعة لمكتبنا وتعرفت عليها بالفندق بمكة
وصرنا اصحاب ويجونا ونجيهم ...هذه هي القصة .
موفق عمي الوشق ومن اول شايف اسمك الوشق قلت شكلك
واحد شاب لكن طلعت عمي والقلب والروح شبابي
موفق عمي والله ييسر امرك وتأكد اني اخدمك باللي اقدر عليه
ولا تنساني ان صرت داتوء هناك
والسلام عليكم

السلام عليكم ورحمة الله وبركاته ،،،
أخي الوشق ،،،، وأخي الحبيب الشعيبي ،،،،
أنا كنت أقول من زمان بأنك كنز ماليزيا ،،، - الشعيبي- نعم أنت كنز معلومات ماليزيا فما قلته اليوم
معلومات شامله وكبيره عن بلاد الملايو ،،، ووالله لا أقولها مجامله أنك تستحق أكثر من لقب خبير
ماليزيا بدون قصور في الأخوه الباقين،،، بس إنت غير نعم إنت عشت مع أهل ماليزيا الملايو
الحقيقين الطيبين فأنت قد تغلغلت مع الشعب الماليزي الطيب وأتيتنا بهذه المعلومات الرائعه
والفريده ،،، ماشاء الله عليك تبارك الله لاقوة إلا بالله ،،، والله يحفظك وييسر أمرك ويرزقك الزرجه
الصالحه الطاهره العفيفه التي تحفظك إذا غبت عنها ،،، اللهم آآآمين ،،، ولكل من دعي
للشعيبي ،،،، وأمن معي بالدعاء ،،، لهذا،،، الشاب الطيب ،،،
أخوك المحب لك،،، أبوعمر ،،، ((( لاتنسي تعزمنا علي العرس ))))

انا ماقدر اقول الكلام اللي قاله الحبيب الشعيبي لانه الله يعطيه العافيه موسوعه ملاويه بس بتكلم بايجاز عن الحياه في القرى الماليزيه( طبعا القرى الي عشت فيها جزء من الوقت) حياه ولا اروع ما يحلم فيها اي سائح عربي يروح ماليزيا يزور كوالا ولا لانكاوي ولا بينانج ولاحتى جتنج
الحيه هناك بسيطح وحلوة وناس تحطك في عيونها ما تنتظر منك شي على حساب انك خليجي زي للا سف ما ينظرون لك طبعا بتكلم عن تجربتي من وقت ما كنت صغير اروح مع الفلاحين داخل الغابات اللي وراء بيوتهم مباشره يجمعون اكواز الفخار اللي فيها المطاط عشان يبيعونه على الشركة بريجنت واحد على ما اذكر
يربي اولاده الكثيرين من دخل متواضع وسيله مواصلاته كانت السيكل يردف زوجته وتشوفه على الطريق والبيوت الخشب ذات التصاميم الحلوة المرتفعه عن الارض لاعلى الجهتين وهو يوزع السلامات وشغال( ابا خبر) كل واحد يمر عليه ولا الواحد اللي قالك ( وخر عنه ) متريش كان عنده موتسيكل وعدد قليل من الناس اللي عندهم سيارات الحين ماشاءالله الاولاد كبروا وصاروا في اعمال مرموقه الله يوفقهم وكل واحد عنده سياره وبيت منفصل بس احلى شي انهم ما تغيرو للحين يحطونك بعيونهم تروح لهم تبي تزورهم تتضايق من كرمهم المبالغ فيه بس االابتسامه تشرح الصدر تحسسك انك انت صاحب البيت وهم الضيوف انا ابدا مو مع الاخت العزيزه ام هشام لما قالت من خرج من داره اتقل مقداره انا اشوف العكس البلد اللي احتضنت الاعراق هذه كلها بمللها المتنوعه ما هي عاجزه تستقبل اي واحد وترحب بيه خاصه لما يكون هذا الشخص حاببها زي حبايبنا الحضارم لما جو واستوطنوها وصارت بلدهم ولازم تعرفوا ان السعودي في هذيك البلاد له معامله خاصة ولا يهونون الشباب الخليجين بسبب انك من ارض الحرمين اذكر مرة رحت مع الوالد وكانت اول زياره لنا لحضور حفل زفاف احد العزيزين علينا ما تصدقون كيف كانوا يعاملونا يشيخ شوي ويتباركون فينا وفي كل بيت لازم يضيفونك فانت العزيز اللي جاي من ارض الحرمين وهات يا خطب عصماء ولازم الوالد في كل محفل يقول خطبه اشوى ان الوالد من خرجين امريكا وكانت كل خطبه بالا نجليزي بس كانت ايام اترحم عليها هذا كلام من 25 سنه تقؤيبا بس انا مو كبير يالشعيبي شكلي انا اصغر منك الله يعطيكم الصحه والعافيه جميعا
على فكرة القرى اللي سكنت فيها فترات كبيره اير مولئ ومارليمو في ملاكا وموار في جوهور انا حاسس اني قاعد عند طبيب نفساني وقاعد استرسل بالكلام ارجوا اني ما طولت عليكم
تحياتي للجميع
دريد

وعليكم السلام ورحمة الله وبركاته ...
عمي ابو عمر اه ما ادري وش ارد عليك
قريت كلامك وقلت في نفسي لو كنت جنبي كان سلمت على راسك .
اللهم امين واياك والمسلمين ...يارب كلنا على بابك .
وانت ياعمي صاحب البيت وما يحتاج عزومة
جزاك الله خير عمي ابوعمر ...وربي يسعدك دنيا واخرة .
اخوي العزيز دريد ...قلت من اول اللي يعرف اير موليء
ماهو بهين ووراه شيء والله حياة القرى احلى حياة
وعشت فترة بكامبونغ سيمابوك بملاكا وبجالن بكري بموار
اكيد تعرفها استرسلت في المدينة لاني اعتقدت انه عمي
الوشق وده في حياة مدنية ...مع انه حياة القرى احلى وافضل
بمئات المراحل ... ودي استرسل في الحياة القروية وانت اخوي
دريد صحح لي ان اخطئت
وش اقول ووش اسيب ....اجمل ايام مرت بحياتي كانت في قراهم
مع اني عايش الحمدلله في نعمة كبيرة هنا لكن هناك وجدت مثل ما يقولون
ضالتي ...بساطة واحترام لشخصك وناس ترحم الصغير وتوقر الكبير
وناعمين ....الاب يفرصع لولده يخاف ...يجي الشايب يسلمون
على يده ...وكنت ازور بيوت الحجاج ويجون اطفالهم واحفادهم
ويسلمون على يدي ...عندهم اللي يسحب يده متكبر ...
كنت في بيت بجالن بكري بموار ...مدينة تابعة لجوهور وقريبة
من ولاية ملاكا ...ومعروف انه اكثر اهل جوهور اصلهم جاوة
وبوقيس وبنجر اختلطوا مع الملايو وصاروا خليط جميل ...
كان بالبيت اب وام وبنتين ...نمت عندهم بالبيت بعد دعوة
لاجل حضور عرس ...حطوني في غرفة خاصة ببيتهم الجميل
وكان مبني من الخشب ...ودخلوا في الغرفة دواء خاص للناموس
يولعونه لاجل لا يجنني الناموس ...ولا في مكيف ...وسبحان الله
الجو جميل واقدر انام فيه رغم اني ما اقدر انام من غير مكيف
لكن سبحان الله جو الغرفة جداً جميل قالوا لانه مصنوع من الخشب .
ونمت وفي حدود الساعة 6 وشوية صحاني ابوهم ...قال هيا نروح
المسجد ...بعد ما اتوضيت لقيته ينتظرني بالخارج مع الام وخلوني
اجلس قدام مع الاب مع اني في عمر حفيده ....ورحنا المسجد
وصلينا ورجعنا ...ولقيت البنات صاحيات واحدة تنشر الغسيل
وواحدة جالسة تطبخ بالمطبخ اكل الفطور ...انا انبهرت
وحشمين والابتسامة ما يسيبونها ...الله اكبر
جهزوا الفطور وجنب الباب فرشوا السفرة ...والباب مفتوح على
(الكبون) المزرعة حقتهم ...وناكل والخير حولك من كل مكان
ويمر الجار بدبابه ...يصرخون(ماسوء ماكان) يعني اتفضل كل
يرد عليهم بأبتسامة(تريما كاسيه ..لاين كالي ) شكراً ان شاء الله
مرة ثانية ...ويمرون اطفال صغار ودهم يروحون التحفيظ لانه يوم
اجازة ويزهمونهم ياكلوا ...ويسلموا الصغار على يد الكبار كلهم
كلهم يعرفوا بعض ...دائماً اسمع العرب هم اهل الكرم من ايام
الجاهلية ...وافتخر واعتز لكن شفت كرمهم شيء ثاني ...والله
ما ني كذاب لو قلت انهم اكرم منا لكن ما عندهم اعلام من اول مثلنا
اههه على حياة القرى ...كل الدنيا حولك خضراء ...والجيران
طيبين ...واولادهم وبناتهم طيبين ...وبناتهم ربات بيت صح ...
فوق انها قروية وراعية بيت تلقاها طالبة جامعية واو
جمعت الحسن كله
استرسلت اكثر من اللازم
عمي الوشق سألت عن اماكن العيش المناسبة .
عندك بالعاصمة (kampung Bahru)كل اهلها ملايو
وصارت مشكلة بينهم ومهاتير ...كان وده ياخذ المنطقة لاجل يطورها
لكن منعوه ...وقالوا هذه منطقة اجدادنا وما تشمها لا انت ولا غيرك .
مهاتير يسمونه خائن الملايو ...لو كان هالمنتدى سياسي
كان حكيتك اكثر لين تكره ذكر اسمه .
وعندك دامان سارا ..منطقة جديدة ونظيفة ...
وعندك راوانغ ...ممتازة وبها فلل حلوة .
هذه القريبة من كوالا وتقدر تاخذ في بوترا جايا او قربه .
القرى ...حسب الولاية ...موار حلوة وناسها طيبين
موار تراها مدينة وكان اسمها زمان مهراني ...ودك
قرية بها عطنا خبر ونجيب لك خبرها .
ان بغيت قرية محترمة حدد لنا الولاية وما يهمك .
حلو الكلام عن ارض الملايو واهلها وتراني مجنون بها
ويسموني بالكلية (ها.... ماليسيا)
جنان يا عمي .....قصص كثيرة لو اكتب لين بكرة ما اخلص .
موفقين جميعاً بأذن الله ...ولكم تحياتي وتقديري والسلام عليكم

ما شاء الله عليك اخي الشعيبي وبارك الله فيك
من الافضل ان تكتب جميع المعلومات على شكل مذكرات وتحفظها لكي يستفيد منها اولادك في المستقبل لانه بحق تجارب لا اعتقد بان التعليم بجميع مراحلة يعطي ولو جزء بسيط من هذة التجارب
وفي الختام ادعو لك بان يكرمك الله بالجنة

ليتها قصة رواية .... بل ليتها قصيدة اتغنى بها ...... لكنها الحقيقة الخيالية ....
اخوي الشعيبي ... سلمه الله كم جعلتني اسبح بخيالي كأنني في حقيقة .... انني حين ارى لقبك ( الشعيبي )
اطير فرحا اتعلم لماذا...؟! لقد سبق ان ارسلت لك موضوع برسالة خاصة لا اعلم هل وصلتك ام لا ....
المهم ...اريد ان اخبرك لماذا اطير فرحاً ... لأن هذا الاسم يعيش معي طول حياتي سابقا وسيبقى معي حتى بعد
مماتي ... اضنك فهمت مرادي مع رسالتي التي ارسلتها لك سابقا
لك منى اطيب التحيات
النظرة الثاقبة

لله دركما ايها الشعيبي واخي دريد ولا يهنون الباقين فقد والله كفيتم ووفيتم اما ما تبقى فإنني سأستخير ولله الامر اما العزيمة فوالله إنها موجودة وبقوة اخي الشعيبي واخي دريد هذا جوالي إن قدر الله وتقابلنا او تكلمنا فربما تزداد الاواصر بيننا وربما نتقابل انا والشعيبي في ماليزيا بعد ان نذهب الى هناك مع العلم انني من قبل 25 سنة كان لي زميل يدعى احمد الشعيبي لا ادري إذا كان يمت لك بصلة كان مقيما بمدينة جدة على كل حال هذا جوالي والسلام
0503686126