الي أعرفه طال عمرك ان البلد الي بتجلس أكثر تطلع الفيزا من عندهم ...

مشتاق مره
بس اللي سمعته ي الغالي انه اذا زرت البلد اللي طلعت الفيزا من سفارتها لأول مرة خلاص عادي تروح اي مكان بعدها
يعني انا طلعتها من ايطاليا ورحت قبل شهرين واخذت اسبوع ورجعت فيه ناس يقولون انه عادي تدخل بها ألمانيا
هذا وانتم ادرى !

طولي بعمرك انا الي اعرفه عن موضوع السياره
ان يوم تستلم السياره مثلا من ميونخ وتسلمها في دوله ثانيه تدفع ما يقارب 200 يورو
والله اعلم

رد على السريع
تأكد من فيزتك انها مكتوب عليه multi intery
يعني تخولك للدخول اكثر من مره
احيانا تكون الفيزا لسفره واحده حتى لو كانت مدته ماانتهت
هذا اهم شي والباقي سهل

^
ايه ي الغالي مكتوب عليها multi intery

شكرا على عدم المساعدة ^_^

مادام فيزتك متعددة وسبق ان دخلت الى ايطاليا وتم التختيم بالدخول ورجعت لبلدك يحق لك دخول اي بلد من ضمن دول الاتحاد الاوربي مرة ثانية وحتى ثالثة قبل ان تنتهي مدة الفيزا
( دائما المشكلة في الدخول اول مرة ببداية ماتستخرخ الفيزا اذا كانت وجهتك اكثر لبلد غير بلد الوصول في بعض الدول مثل المانيا )
خذ السيارة من فرانكفورت بعد ماترتاح والحق اصحابك على ميونيخ وكملو جولتكم ولاتخلون اي ديرة دامكم شباب
ونصيحة كملو بالسيارة وسلموها اول ماتوصلون باريس لانكم بتروحون ارياف النمسا وسويسرا وحلاوتها بالسيارة
وفرق سعر الزيادة بالايجار او ضريبة التسليم بدولة ثانية بيطلع منكم في القطارات وزيادة فوق بهذلة انتظار القطارات وحمل الشنط والتقيد بالمواعيد لاكثر من مرة
واصلا القطار من زيلامسي الى انترلاكن ياخذ وقت ويوقف اكثر من مرة ,,,
بالسيارة ارخص واحلى وامتع واجمل واروع واكمل وافضل

^
والله برنامجك خطير ي مصطفى الأغا
من ناحية الفيزا اشوى طمنتني الله يطمن قلبك
وعزالله صدقت من ناحية السيارة والشباب قالوا ابد شورك وهداية الله
مير فيه واحد قال دامك ماخذ سيارة لاتكثر على روحك الفنادق والحجوزات
يعني ودي احجز في سالسبورغ 4 ايام وفي زيلامسكي 5 ايام ومن خلالها افر والدين النمسا فر وقال بعد يمديك تروح انترلاكن وتاخذ لك فيها يوم ومن هالحتسي
مير وانا اخوك انا مافالق مخي غير الفنادق
هل بوكنق مضمون لو احجز منه !!؟ ووش الفنادق المقترحة لنا كشباب !! يعني حبذا لو بها شقق كان افضل لنا
وترانا ندور الرخيص الزين يعني نص ونص
انتظر ردك ي بعدي