صارت معنا بس بدرس اصعب من درسك
كنا مسافرين للامارات...
وقررنا ندخل قطر قبل ... واثناء الدخول اكتشفنا ان واحد من الشباب جايب جوازه المخرم...!!!!!
طبعا كنا قطعنا قرابة 900 كلم...!!!
والحمدلله.. اتصل على زوجته واعطت الجواز لاخيها
الذي ارسله مع تاكسي للهفوف ... وانتظرنا قرابة 10 ساعات
وحصلت معي ....
حينما طلعت سيارتي الي كنت ناوي ابيعها من المعرض...
وعلى طول للامارات....
ونفس المرة الاولى.. فكرنا ندخل قطر
لاكتشف ان استمارة السيارة مو معي..... وتاركها في المعرض...!!!!
لابيت يوما في الهفوف حتى تصل استمارة السيارة مع الدي اتش ال....

ههه
قدر الله وماشاء فعل
خير ان شاء الله
بس العنون غير يعني ينفع مطلع قصيده وهذا البيت الاول يالله كمل
عندما مزقت الجواز القيد الضحى سراب
والوقت مر سريع لم احسب له حساب

صح لسانك والله ... خلوها !!

زين على البحرين مو مكان أبعد
أنا حاطه الجوازات القديمة مع أرشيفي الخاص عشان ما نلخبط
مشكور على ذكر تجربتك للاعضاء لأخذ الحذر في المرات القادمة
يعطيك العافية ..

طالع من الرياض و رزت واحد من الشباب في القصيم و اتّفقنا على الكويت و طلعنا على الحفر ومنها الى الحدود و إذا بجوازه "مخرّم" من القهر فكرت أن أتركه و أذهب لوحدي لأنّنا على سيارتي لكن ربّك ستر و كان فيه واحد من الربع جاي للحفر و اضطرينا نأخذ ليلة في الحفر ..
المشكلة بعض السفارات الأوربية و السفارة الأمريكية تشترط الجواز الأوّل لكي تخرج لك تأشيرة ..

انا مب فاهم اشلون بعد جواز مخرم
ليش مو المفروظ لمى تاخذ جواز يديد مو لازم اتسلمهم القديم ولا عادي
احنا عندنا لازم اتسلمهم القديم الا في حالة يكون فيها فيزة سارية المفعول بهلحاله يدبسون الجوازين مع بعظ
انا المواقف الي اتصيرلي خفيفه يعني مثل انسى البطاقة الشخصية في البيت وانا مسافر وماتذكرها الا بلمطار
بس الحمدالله المسافه مو بعيده
بس الموقف الي كنت بروح فيها اني كنت بنسى بوكي في الطيارة وكان فيه كل بطاقاتي ومنها الشخصية وافلوسي
وتخيلو الموقف لاني كنت مسافر بلبطاقة شكان بصير بس الله ستر واتذكرت البوك وانا نازل من درج الطيارة ورجعت ثاني مره وخذيته
وهاي من الاشياء المهم الي كنت بنساها بطيارة من غير اني ياما وياما نسيت عطورات في الطيارة مادري شنو الي يصيرلي وانساهم فوق ههه لان اول شي اهتم له الاب توب وساعات الاغراض الثانية اتكون ورا ومانتبهلها لان القصر يلعب دور ههه
على العموم مشكور اخوي على التنبية
وتحياتي لك

شاكرة للجميع ذكر تجاربهم والتي تنفع غيرهم وتفيدهم وأحب الناس لله
أنفعهم لعباده سواء قل هذا النفع أو كثُروتقبلو فائق احترامي

نحن بالامارات اذ جددنا جوازنأ يشلون القديم عندهم ..

لا والله بالسعودية يعطونك إياه ولو تبي جوازات مخرمة ثانية ماعندهم مانع!! ( الظاهر من الزحمة )
شكرا للجميع ع المرور والتفاعل والإطراء وذكر التجارب...