السلام عليكم ورحمة الله
:36_13_5:
أنا ناوي يوم الأحد أتغدى أو أتعشى في مانشستر لذلك أطلب من خبيرة مانشستر الأستاذه حبيبة زوجها ان تسطر لنا عناوين بعض المطاعم العربيه وياحبذا القريبه من المدرسه السعوديه. المطاعم بدون تحديد لكن افضل اللبنانيه وأذا في برياني وشوايه مثل شواية الخليج يكون بعد أحسن. ولاشوف أحد يقول اعزمني خلاص بطلنا الشغلات ذي وصرنا ماشين بالنظام البريطاني كلن يدفع عن روحه
من ناحيه ثانيه فكرت أن الموضع هذا يكون مرجع للمطاعم العربيه أو الحلال أو اللي تشوفونها مناسبه للمسلم يعني كل واحد يدش الموضوع يسجل أسماء وعناوين المطاعم اللي يعرفها ولا تنسون ذكر المطاعم السيئه حتى يتجنبها الأخرون مع ذكر السبب كذلك اسعار المطاعم أذا توفرت أو أقل شي نحدد هل هي رخيصه أم غاليه وهكذا.
أذا صار الموضوع نشيط وتجمعت فيه معلومات كثيره ومفيده ممكن نطلب من المشرف يثبته حتى تعم الفائده