السلام عليكم ورحمة الله وبركاته ،،
اخواني الكرام ، يسرني الانضمام اليكم في هذا المنتدى الجميل ،، وعندي بعض الاسئله حول السفر الى بريطانيا في الصيف القادم بإذن الله،، وهذه اول رحله لي لبريطانيا ان شاء الله..
1) بخصوص الفيزا ،، هل اقدم طلب على المعهد اللي ابي ادرس فيه، واخذ ارواق القبول واوديها للسفاره بالرياض، ولا ادرعم للسفاره بجوازي بس وتعريف من الكليه ( مازلت ادرس ) وصور شخصيه؟
وهل اذا قدمت على الفيزا من الآن، وطلعت يحسبون علي الوقت ولا كيف؟ لأني اخاف اقدم مع بداية العطله ولاتطلع الا متأخره.. :112:
2) بخصوص الحساب البنكي اللي اوديه للسفاره ، عندي حساب من اكثر من 7 سنوات ،، بس مافيه المبلغ الجامد ، يعني من ال 4 آلاف وتحت ..
3) بخصوص المعهد اللي ابي ادرس فيه ، هل ادفع لهم الفلوس من هنا، وايش يضمن لي انهم ماياخذون الفلوس ويصير لعب في الموضوع ؟ ( أو ايش الطريقه الافضل للدفع لهم )
4) بخصوص السكن هناك، كيف احصل عائله كويسه هناك ، وايش افضل المكاتب السياحيه اللي توفر عائلات وسكن كويس.
5) هل أحد ينصحني بمعاهد معيّنه للدراسه فيها؟ بصراحه انا حصلت كذا معهد وابي رايكم فيها:
http://www.berlitz.com لمدة ثلاث شهور ب 25 الف ريال
http://www.ef.com لمدة ثلاث شهور ب 19 الف ريال
احد منكم ينصحني بواحد فيهم ولا أحسن منهم ، مو مشكله السعر
وايش افضل مدينة للدراسه، بشرط ان تكون على الاقل قليل نسبة العرب فيها، وتكون سياحيه بنفس الوقت.
وايش رايكم بمانشستر؟ :upset:
نرجو من الجميع المشاركه لتعمّ الفائده.