والله انا ماجربتهم لكن اللي اعرفه ان سارة احدث من النوري
وحياكم الله

مشكورة أختي مسافرة كويتية على الرد
واتمنى ألاقي ردود أكثر حول سؤالي

ساره بلازا قريب من مجعات شارع سالم المبارك
بس النوري ماعندي فكره عنه

رحال
روان بنت الكويت
شكراً على التوضيح

ايش اللي قريب للسالمية ونظيف من الشقق

الحقيقة ان ماسكنت فيهم بس من خلال الصور وبعد موقع كل منهما أقدر اقول :
بالنسبة للموقع عندج سارة أقرب للمجمعات من النوري (رغم إن الأثنين بالسالمية)
شقق النوري صايرة بشارع البحرين بس شوي من الداخل (وهذا الشارع فيه عدد من المطاعم وبنهايته دوار والدوار يطل على فندق ريتز السالمية .
2- من ناحية الحداثة سارة احدث (ونوري مو قديم يمكن سنة أو سنة ونصف)
3- من خلال الصور شفت إن النوري تأثسثهم جميل وإسلوبه مختلف (يعني فرش الصالة والجلسات جلد ابيض ) شي حلو .
وشقق سارة أيضا فرشهم جميل
السعر بالنسبة للنوي (أذكر من فترة دخلت على موقعهم كانت الاسعار تتراوح من 25 إلى 40 دينار) أما سارة فما أعرف - بس يمكن أغلى

انا حاليا ساكنة في سارة بلازا بالسالمية - وصراحة هي قريبة جدا من المطاعم - ومن المراكز والمجمعات - امشي الى مركز المارينا والاسواق المقابلة لها - اضافة الى مجمع الفنار والبستان -موقع الشقق وايد ممتاز وكما ان الفندق وايد راقي واثاثه نظيف وانا اخذت شقة بغرفتين وصالة ومطبخ وغرفة اضافية للشغالة ب 45 دينار لليلة الواحدة - واعتقد ان مناسب للجميع - واذا في اي استفسار عن الفندق - فيسعدني الرد عليك طالما انا موجودة حاليا في السكن الي يوم الثلاثاء .

يعطيكم العافية على المرور والتوضيح
أختي أميرة الأحلام
مشكورة حبيبتي على الخدمة
وإذا ممكن نبي نشوف صور لكل جزء بالشقة ( بالجوال أو بأي كاميرا )
+
أسألي عن سعر الشقة اللي أنتِ قاعدة فيها في ( هلا فبراير ) نفس الشيء ولا بيتغير ؟؟
وهل هذا السعر شامل الإفطار ؟
ومشكورة مرة ثانية أختي