افضل المناطق وراف يا محمد

بالنسبه للسكن اذا تبي مكان بارد فشوف الفنادق في بحمدون الشيراتون مثلا او في فندق ثاني مايذكرني اسمه ..
بس في اغسطس او جو بارد مالك غير هالمناطق .. بحمدون او عاليه .. او في برمانه بس برمانه هادئه غير عن بحمدون وعاليه ..
اجر سياره او سوق اذا عندك جي بي اس .. سياقتهم قريبه من السعوديه والمسافات مو بذاك البعد ..
اهم شي في لبنان المطاعم مثل منير او منويلا او برج الحمام ..
شواطئ لبنان وايد حلوه .. او في شواطئ خاصه في جونيه تستحق الزياره او فيها نشاطات بحريه وايد
السوليدير طبعا غني عن التعريف ..
والباقي بيفيدونك ان شاءلله الاخوان.

اسفه توني انتبه انك تبي جدول لعشر ايام ..
يوم الوصول اذا وصلت من وقت المسافه مب متعبه بعد ماتدخلون الفندق وتحطون اغراضكم ..
اذا سكنت في بحمدون .. فعندك شارع .. فيه ستاربكس او محلات تقدر تتمشى فيه .. او تقضي يومك الاول
اذا وصلت من وقت تقدر تنزل عاليه او تشوفها .. السهر اكثر شي يكوون في عاليه .. فيها مطاعم اكثر ..
اليوم الثاني .. تقدرون تروحون حبتور لاند .. حديقة فيها العاب حلوه .. يفضل الذهاب لها العصر عشان تستمتع بالمناظر قبل مغيب الشمس .. او فيها العاب حلوه حق الكبار .. الحديقه راقيه او نظيفه او متطوره .. قبل الحديقه تقدر تروح مجمع حبتور .. مسكر او متكون من عدة طوابق .. شرح او وايد حلو .. بس انتو شباب مايهمكم السوق كثرنا فتقدر تزوره شوي تشوفه قبل ماتروح الحديقه
بعد الحديقه .. سواء سكنت في بيروت او فالجبل .. الحديقه بنص الطريج يعني تقدرون تروحون الفندق تستعدون حق طلعت الليل .. او فالليل تتعشون في مطعم منويلا .. في جونيه ..
اليوم الثالث .. زيارة قصر موسى اولا هالقصر بياخذ منكم ساعه او ساعه او نص بالكثير .. بعدها تقدرون تروحون مغارة جعيتا .. رحلة بالتلفريك للمغاره .. والمغاره وايد حلوه .. بعد هالرحله تقدرون توقفون باي مطعم عالطريج تتقدون او ترجعون تريحون او فالليل تنزلون السوليدير .. مليئ بالمطاعم ممكن تتعشون اهناك في فرايديز او فالساعه او بيتي كافيه .. شوفو اللي يناسبكم ..
اليوم الرابع .. تقدرون تروحون في هاليوم البحر .. مثل ماقلت قبل .. منطقة جونيه مليئه بالشواطئ اختارو اللي يناسبكم او فيه اكثر نشاطات بحريه او روحو له البحر بياخذ منكم نهار كامل .. فالليل تقدرون تروحون لاي مطعم ..
اليوم الخامس .. الاشرفيه abc مجمع مفتوح او فيه سينما حلوه او مطاعم من بعد هالمجمع تقدرون تروحون السوليدير مره ثانيه لانه قريب منه ..
اليوم السادس .. برمانا .. فيها اكثر من 4 مطاعم اختارو .. جنه او منير او برج الحمام او فخر الدين ..
منير وايد حلو ومكانه حلو حق غدى .. او تقدرون تروحون الباقي عشى .. برمانا حلوه بس غير المطاعم مافيها شي او اخيا تبعد ثلث ساعه عن بيروت
اليوم السابع .. تقدرون تقضونه بين عاليه او بحمدون .. من بعد المغرب او النهار ستريحو او اذا تبون تقدرون تعيدون اي مكان عجبكم
اليومين الاخريين خلوهم حريين .. اللي عجبكم رجعو زوروه او يمكن احد غيري يقدر يفيدكم ببرامج تناسب الشباب

OZYEEE
شكراً لكي اختي الكريمه على هذا البرنامج
و لقد قمت بحفظه في الجهاز...... واشكرك على الكم الكبير من المعلومات من حيث المطااعم و السكن.
تقبلي أرق التحيات
دمتي بود
محمد901

ابن إب الخضراء
اكيد