- اما بعد .................( كاتب معروض الاخ )
السلام عليكم ورحمة الله وبركاته
اما بعد .................( كاتب معروض الاخ )
حقيقه كنت في اسطنبول انا والشباب منذ يوم السبت الماضي وكانت ولا احلى ( ملاحظه السفر من تبوك عمان برا عمان اسطنبول طيران اخذنا بكج ) المهم ماببي اطول عليكم لاتقولون علي ثقيل ......كملو الباقي
المهم يوم الاثنين الماضي قررنا نروح بورصه وسألنا عن القروبات قالو لنا 110 دولار ( دولار ينطح دولار )للشخص , عاد اخوكم هو مدير الماليه للطلعه وإحنا ست شباب وخفت الفار يدخل بعب الشباب ويتهموني بالفساد المالي وإني على بابا مدري علي ماما (ولجنة تقصي حقائق), فقلت للشباب 110 دولار ضرب 3.76 ضرب 6تطلع تقربا 2485 طبعا جريمه والله , انا قلت تقريبا لاحد يجي ويتفلسف ويقول ماتعرف تضرب او من هالكلام وبحكم انو اخوكم ذيبان على قولت اخوياي فقررت استعين بحبيب قلبي المسافرين العرب وبالاخص بوابة السفر إلى تركيا ( بوابه منظمه مشرفين مميزين لهم جهود تذكر فيشكرو كل الشكر عليها ) لااحد يقول لي مدح الرجال بوجه مسبه انا مدحتهم وانا والله ماشفتهم مو موضوعنا , المهم طلعت على محطة كابتاس او كابتاش بالمترو من تقسيم ولقيت لي وحده في شركة IDO تقوم بعمل حجز لمدينة بورصه المهم هالوحده من حسن حضي إنها ترطن انقلش قلت لها ابي حجز على بورصا قالت عطني التواريخ المهم حجزت على يوم الاربعاء يعني امس وكان موع الابحار عند الساعه العاشره صباحا من مينا YENIKAPI والذهاب إليه إما بتكسي من دوار تقسيم وهو الحل الافضل او الذهاب بالمترو إلى محطة كابتاش ومنها إلى اكسراي ومشي على الاقدام لمدة عشر دقائق حتى تصلو الميناء , حقيقه جو الرحله ولا أفضل البوت كان مكيف ووناسه دقينا البالوت وهاتك يالعب واربع وحكم وصن وعدة الساعه والنص في لمح البصر ( ملاحظه الساعه ونص هي مدة الرحله بحرا من مدناء YENIKAPI الى مدينة بورصه ) فيه خطأ اخطأناه انا والشباب وهو قياما بتعديل موعد العوده من بورصه الى اسطنبول حيث اني قمت بحجز الذهاب عند الساعه العاشره صباحا والعوده عند الساعه الثامنه مساء فقلت للشباب خلونا نغير موعد العوده من الساعه الثامنه والنصف مساء الى الساعه السادسه مساء ظننا منا ان المدينه تكفيها اربع ساعات ولو الامر بيد لجلست فيها كل حياتي ( مسوي كاتب خواطر) وقمنا بتغيير موعدالعوده واخذو منا غرامه 39 ليره المهم بقول لكم معلومه عن الشباب اللي معي (يحبو المغامره بكل حذافيرها ولا يخافو من شيء ) بعد التغيير شافو الشباب الجبل ومنظره الرائع اتوقع انو جبل اولدغ وقالو وش رايك نغير الموعد مره ثانيه طبعا حبكو الطبخ وانا كنت نايم معاهم في احد الحدائق على مايقلون حسيت البراد واخذت لي غفوه قمت من النوم قالو نبي نبيت هنا ببورصه ياشباب والله مافيه اللي قام يحب راسي طلبتك واللي يترحم على ابوي وحقيقه هم خمسه وانا واحد والمصيبه الكبرى كنا مخططين نروح التلفريك لكن من تشوفو هالزحمه ( لي تعليق على زحمة التلفريك بعدين ) تطلبو الله عن هالتلفريك
راح اكمل بعدين لاني مرهق وعلى كثر مااشوف ردود على كثر ماراح استرسل معاكم ............... ولكم كل الود
متابعين المغامرة
لا تتأخر