أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم ورحمة الله وبركاتة
شخباركم يا اعضاء ومشرفى المنتدى المتالقين
وعيدكم مبارك لان ماحصلت لى فرصة اعايدكم
رجعت من تركيا ولله الحمد
وسوف اسرد عليكم رحلتى بالتفصيل باذن الله
اخوكم / ابو مبارك
السائح الهروى الله يسلمك وتسلم يالغالى
ya_mas الله يسلمك , ونت بخير وصحة وسلامة
مهاجرة الله يسلمك ونتى بخير
الباب العالى حبيب قلبى الله يسلمك وكل عام ونت بخير
كل عام ونتم بخير وعيدكم مبارك حبيت اسرد عليكم رحلتى الى تركيا عسانى ما انقص او انسى شى من رحلتى وسامحونى ان زليت فى التعبير قبل سفرى اخذت نصائح من منتدانا المتميز والحمد لله الاعضاء والمشرفين ماقصروا فى اى شى بداية رحلتى كان اقلاع رحلتنا هو فجر الثلاثاء الموافق 8 / 11 / 2004م وكانت على الخطوط التركية من البحرين اقلاعنا انا وصديقى الى تركيا وكانت الساعة 3 فجرا ووصلنا بحمد الله الساعة 6 صباحا بحكم انى ماعرف الديرة قلت بحجز سكن من المطار وبدور سكن اليوم الثانى على راحتى فى اسطنبول حجزت من مكتب فنادق من المطار فى فندق اسمة على ما اعتقد لوجين فى سلطان احمد وكان سعر الفمدق 65$ وطلبت تكسى من المكتب نفسة فوصلنا بمبلغ 15$ بس صراحة اول ما وصلت الفندق طلع الفندق مايسوى والصورة اللى شفتها فى المحل مضبطة بس قلت مافية مشكلة بكرة بغيرة صحينا الساعة 2 ظهرا وكنت صايم والجو ولا اروع منة وتمشيت فى سلطان احمد الين وصلت المسجد الازرق اللى هو سلطان احمد , وصلينا فية صلاة العصر وكنت اشوف كيف بناء الدولة العثمانية من ضخامة وابداع , ورايت سواح ايطاليين وفرنسيين لابسين قلايد الصليب فرتفع ضغطى وقلت لصديقى حرام الكفار يدخلون المسجد :112: !!!!!!! قالى صديقى انت مو بالخليج علشان تتكلم :redface: المهم قلت خلنا نمشى ونطلع من المسجد , يوم طلعت ونتم بكرامة رحت ادور الجوتى ماحصلتة :icon_cycl ادور يمين يسار لين انبطت عيونى ماحصلتة , قل صديقى الجوتى يسلم عليك مشينا طلعت وجلس ساعة ادور لى محل يبيع جزم والاتراك يناضرون فينى وش هاللى منسم ويمشى حافى بعد الموت وحصل محل يبيع جزم وشترى منة حتى لو قال ب 100$ كان شريت بعدها قرب اذان المغرب ونروح على اقرب مطعم مكتوب علية لوحة افطار ونجلس انا وصديقى لمن اذن ونفطر تمر ولبن وشوربة القهر ماعندهم ثريد ههه لا والتمر يقولون لة خرمة صراحة الى الحين والوضع رهيب ماصادتنا مشاكل ولا شى بالعكس بس محد يحب ياخذ ويعطى معك , المهم لفينا سلطان احمد شبر شبر من مساجد ومحلات بيع الجملة وسوق مغطى كلها رهيبة والجو بارد شوى فى النهار وبرد فى الليل , صراحة عندهم الخبز اللى على الصاج يجنن :1076: بعد ما تعبنا تعشينا وغلب علينا التعب ورجعنا الفندق الساعة 11.30 وخططنا ان نغير الفندق فى اليوم التالى اكمل معكم اليوم الثانى عما قريب
الأخ ابو مبارك حفظه الله تعالى
ما شاء الله عليك بداية و لا أروع بس تراك علقتنا الله يخليك أكمل
و على سالفة الحذاء أظنك استعجلت لأن الذي أعرفه أن موظف المسجد يشيل كل الأحذية و يضعها في العلبة الخاصة عنده و انت طالع تاخذها منه ثم تعطيه اي مبلغ إن أحببت و لست بمجبر
و على طاري الخبز التركي بصراحة شوقتني وش رايك نروح للخباز
ماشاءلله عليك يابو مبارك بغيت تتهور يمكن يودونك غوانتوناموا ماشاءلله للحين معاك الوضع أوكي
ما عليه تعرف المسجد الازرق أو مسجد السلطان أحمد تعرف يأتيه من كل قطر أغنية وفلا عجب اذا بيت الله الحرام فى مكه المكرمة شرفها الله تروح عليك وانت بالكرامة نعولك شلون فى تركيا ؟؟؟؟!!!!!
نتتظر الفصل الثانى عزيزى الغالى ابو مبارك :tongue:
و عليكم السلام ورحمة الله وبركاته و الحمدلله على السلامة
و من طول الغيبات جاب الغنايم و بانتظار رحلتك على أحر من الجمر